Jenɛɛsë 2:9 - Kuö Dëdrä Jenɛɛsë Rutë

⁹ Yawe Nyɔsʋa nya ‑gaaala putua ‑tʋtʋ ‑gälɩ 'nanatiia 'kaɩnkaɩn, 'ia 'bö nya 'na jijikʋa ‑gʋ. 'Ɔnya pla putulua ‑tɔrʋpɩɔ tuulu ‑nyɛɛa' 'klä, nyra bɩa tuulu ‑nyɛɛa' 'cɩcagbia jejrekʋ nyra ‑balʋa jejrekʋ.

Jenɛɛsë 2:9 Referans Kwoze

Jenɛɛsë 3:22

Yawe Nyɔsʋa nya 'daa: «Nyɔɔ 'a ana 'sa bä: 'ɔ jre 'cɩcagbi nyra ‑balʋgbi. A ka 'ɔɔn 'klɩ 'ɔ ‑pɩ tuulu ‑nyɛɛa' 'klä, 'ua tuubö ji, ‑bɛ 'ɔ ‑pɩ 'plä 'wʋ bä 'plɔʋ ‑plɔʋa ‑gʋ.»

'Nyügälɩjawii 22:14

Abɩa dɔrʋ 'bla nyüülü ‑trääräa' 'lɩ nyɔsʋaawii 'lɩ, 'üü nëmä tuulu ‑nyɛɛa' 'kläa 'bü ji, 'kä 'ünya bätäläa tatia mlɩ ‑srörö 'kä 'ünya pa.

'Nyügälɩjawii 2:7

«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli! Nyɔɔlɔ nëmäa' 'wʋsi nɩ, 'nyaa 'ɔɔn 'kläa tuulu bäa' Nyɔsʋaa Paradii 'lɩa 'bü ‑nyɩa 'ɔmä 'üün ji.»

'Nyügälɩjawii 22:2

'Nielɛ ‑srörö bätäläa 'nyʋfɔa ‑tɔrʋpɩɔ. Tuulu ‑nyɛɛa' 'klä 'nyüglö 'nielɛa 'kɔtɩ 'sɔɔ mlɩ, 'u tʋä 'wʋ ‑pʋ ‑bɛ 'sɔɔ 'wʋ ‑sʋa 'mlɩ, 'wʋ 'doo 'wʋ ‑seplea 'mlɩ. 'Ua 'napɩ 'pʋɔ ‑tʋtʋ ‑gälɩa ‑glügbüa 'fɩɔ.

Jenɛɛsë 3:3

‑maa dɛɛlɛ bäa' tuulu bäa' putua ‑tɔrʋpɩɔ nɩ, Nyɔsʋa ‑gbala amɩ ‑maa: ‹'Anyɩ kä ‑a kä 'amä 'ua 'bö ji, 'anyɩ ‑fɛ 'uun ‑gba, 'a ‑pɩ jä!› »

Jenɛɛsë 2:17

‑maa tuulu ‑nyɛɛa' 'cɩcagbia jejrekʋ nyra ‑balʋa jejrekʋ nɩ, ‑nyɩ ji 'ua 'bö! ‑Maa ‑srɩlɩ ‑nëmäa' 'ua 'bö ji 'tasɩrɩ ‑nya jäa.»

Jaan 6:48

'Mɔɔ bä 'flɔɔlʋ ‑nyɛɛa' 'klä.

1 Korɛɛntënyüü 8:1

Dɛɛlɛ bäa' mlaalü 'ü 'blaraa' ‑wäsɩa nɩ, ‑yɛɛ ana 'fɩɔ jre 'cɩcasa. 'Ia wiijejrekʋlʋ nö 'iin kä a ‑gbaalɩ, ‑maa ‑wawlakʋ 'paa nyɔɔ 'klü 'lɩ.

Jenɛɛsë 3:24

'Ɔ prɛa' nyɔɔ nɩ, 'ɔnya ‑tʋ putulua 'jrʋa 'wʋsɔrɔfa 'wʋa 'pɛ ‑gälɩ Serubɛɛn, 'üa kälɩ kapu ‑järë. 'Ü nö 'üün bɩabɩa nyɔɔ ‑pɩ tuulu ‑nyɛɛa' 'klä ‑gba 'tɔ.

Jenɛɛsë 3:5

'be Nyɔsʋa jre 'iin, ‑srɩlɩ kä 'mlɩ 'amäa' 'ään ji nɩ, 'ana 'nyü nya 'klɩjieroa, 'kä 'anya ‑beere nyɔsʋaɩɩ; 'anya 'cɩcagbi nyra ‑balʋgbi jrea.»