17 ‑maa tuulu ‑nyɛɛa' 'cɩcagbia jejrekʋ nyra ‑balʋa jejrekʋ nɩ, ‑nyɩ ji 'ua 'bö! ‑Maa ‑srɩlɩ ‑nëmäa' 'ua 'bö ji 'tasɩrɩ ‑nya jäa.»
‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.
Bobowiili ma mi ‑gu nɩ, 'ii ‑guuö ‑balʋ; ‑balʋ ma nyaa' 'tɔ nɩ, 'u ‑guuö jäjäkʋ.
‑Na 'klɩa nyasu ‑nëmä kpla, 'kä ‑nya dɛɛ ji, 'asɩ ‑nya nʋ nʋ 'kä ‑nya ‑tʋtʋ 'lɩ dɛrɩ 'blöö. 'Be 'uu 'n nʋ 'nyaa nʋ ‑mɩ. 'Mlʋ ‑bä, ‑nya 'mlʋ 'lɩ dɛrɩ 'blööa.»
‑Maa, ü käa' ŋalɛ nyra nyüülü 'nyɩ toroa' Nyɔsʋa plɛ, ü nöa' bʋbɔgbi, nyüüblanyüü, nyüülü nöa' ‑sagbili Nyɔsʋa 'nyɩ 'bataa', ‑gëglänyüü, nyüülü traraa' ‑papanyɔsʋaɩɩ 'wli, nyra ‑gbagblɛnyüü, 'üa 'fɩɔ nya 'pʋpʋlʋ 'pütüa', 'ua kapuprʋgbaa 'mlɩ bäa. 'A 'sɔɔa në jäjä.»
Jäjänyüü 'a ma bä 'ana ‑balʋa ‑gʋ, nyra 'anyɩ käa' 'bölö, 'ia ‑gʋ; ‑maa Nyɔsʋa nya ‑nyɩ 'amɩ ‑fʋflʋ 'a nyra 'ɔɔn 'mä 'lɩbä. 'Ɔ cere amɩ ana ‑balʋa 'fɩɔ.
‑Maa ‑mɔlɔ fɔlɔa' 'ɔa dɔrʋ dɛrɩ nɩ, 'ɔ 'a jä, ‑bakää 'ɔa 'jajɛ ma ‑ka bälɩ.
Nyüülü boboa' ‑maa üma ‑träärälɩ ‑dɔa 'fɩɔ 'kä Nyɔsʋa nya 'daa 'ü ‑gäklɩ nɩ, 'ia nyüülü busu. 'Be nyɔsʋapɔɔkʋ nɩnɩa: «Nyɔɔlɔ 'nyɩ ‑trääräa' 'lɩ wiili kä 'fɩɔ ‑jɩjraa' ‑dɔa ‑pɔɔkʋa 'mlɩ nɩ, 'ia nyɔɔlɔ busu.»
'Sɩrɩ nyüülü kä 'fɩɔ bäa' Adaan 'lɩ ü jäa' nɩ, 'asɩ nyüülü kä 'fɩɔ bäa' 'Kriisë 'lɩ 'mä bɩa 'kuaabre sɔ.
Nyɔɔ ma 'jä 'ɔa ‑wlajʋ ɔma nʋ ‑balʋlʋ ‑nëmäa' 'ɔɔn 'bla nɩ, ɔ bibie 'ɔa 'wlili, ‑bɛ Nyɔsʋa 'mä 'ɔɔn 'klä ‑nyɩ. Nyüülü 'nyɩ nʋa' ‑balʋlʋ 'blaaa', 'üü 'n 'daa. ‑Balʋ 'doo bälɩ, 'u 'blaa, ‑mää 'ua 'wlili 'nyɩ 'daa 'ba bibie.
Jäjäa tafudɛɛ bä ‑balʋ; ‑bɛ ‑balʋa 'klü ‑bä ‑dɔ.
'ü jre 'iin 'sɩrɩ Nyɔsʋa 'daaa' ‑maa: ü kä 'ümä nyüülü nöa' 'ia 'samaa wii 'bla. 'Asɩɛ 'ü nö 'imɩ, ‑bɛ 'ü 'nyiere nyüülü nöa' bɩa 'iin.
'Ɔnya ‑gbala Adaan: «‑Na 'ŋlʋʋ ponyakli, ‑nya ji tuubölä 'n ‑gbalaa' ‑mɩ ‑nyɩ jia'. 'Ii känyrɩ, ‑tʋtʋ 'a busu ‑na ‑gʋ. ‑Sʋɩ ‑nëmä 'jä ‑a ji ‑mä 'ua 'mlɩ jijrɛ 'ba, ‑srɩlɩ kä 'fɩɔ ‑nëmäa' ‑si.
'Ɔnya 'bete nyɔɔlɔ: «'Nyɔɔ 'plɛɛ 'daa ‑gbagba ‑paa le? Tuulu kä bö 'n 'daaa' ‑nyɩ jia', 'ää ji?»
'A 'ia ‑gʋ 'ü nö: Tɛkä, ‑mɔ 'mʋmɔa', sɔ jäjänyüüa ‑tɔrʋpɩɔ: 'Kriisë 'mä ‑mɩ 'ɔa 'napɛ ‑gälɩ ŋʋala.
'Anyɩ 'saa ‑a jre 'ama ‑nyɩ 'ana nyüfë nyɔɔ kälɩ 'amä 'ɔa ‑goou bä nɩ, 'a kä 'amä 'lɩ 'ɔɔn ‑träärä? 'Ama ‑wa 'ba ‑träärälɩ ‑balʋlʋ faa' 'amɩ jäjä mlɩ, 'aiɛ 'ba ‑träärälɩ Nyɔsʋalɔ faa' 'amɩ 'klɩgägäkʋ 'lɩ.
'Ünya be jäjäkʋ nyra 'kubre kapuprʋgba 'lɩ. 'Iibä 'sɔɔa në jäjäkʋ.
'Be 'Nyüna ‑Susua ‑dɔlʋ ‑nyɛɛa' 'klä 'Kriisë Jesu 'lɩ 'ba 'mɩ ‑balʋ nyra jäjäkʋa ‑dɔa mlɩ.
«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli! «Nyɔɔlɔ nëmäa' 'wʋsi, ‑ka ‑nëmä 'sɔɔa në jäjäkʋ ‑a 'jä.»
'Ii känyrɩ, 'ba 'blöö 'ŋlʋʋlɔ 'ɔa dʋɔa ‑nyɛɛ dɛrɩ, 'be nyɔsʋamlɩpalanyɔɔ 'ɔ bä. 'Ɔnya ‑na 'wli 'lɩ bibiea ‑mä 'pläwʋ bä. ‑Maa ‑ama 'nyɩ 'ɔa 'ŋlʋʋ ‑a fa ‑oo, jre 'saa 'cɩcasa ‑nya jäa, ‑mɔ nyra ‑na ‑gbööa 'fɩɔ!»
Yawe Nyɔsʋa nya ‑gaaala putua ‑tʋtʋ ‑gälɩ 'nanatiia 'kaɩnkaɩn, 'ia 'bö nya 'na jijikʋa ‑gʋ. 'Ɔnya pla putulua ‑tɔrʋpɩɔ tuulu ‑nyɛɛa' 'klä, nyra bɩa tuulu ‑nyɛɛa' 'cɩcagbia jejrekʋ nyra ‑balʋa jejrekʋ.
Abɩa dɔrʋ 'bla nyüülü bäa' ü ‑kätɩ sɔa' 'kuaabre, 'üa ‑tɔrʋpɩɔ! 'Üü bä Nyɔsʋaa 'nyünanyüü. 'Sɔɔa në jäjä 'nyɩ 'üün 'klü ‑gälɩ ‑a kälä; 'ünya Nyɔsʋa nyra 'Kriisëa ‑gbɔsapɛrɩnyüü bäa, 'kä 'ü nyra 'ɔɔn nya 'kama ‑sɩa ‑diisɔɔ ‑glʋɩpʋ (1 000).