Jenɛɛsë 17:21 - Kuö Dëdrä Jenɛɛsë Rutë

²¹ ‑Maa Isaakë, 'nyraa 'ɔɔn 'mä 'na kuö 'pa, 'jʋlɔ Sara nëmäa' ‑mɩ ‑nyɩ ‑sʋlʋ jöa' 'ia 'samaa 'taɩn 'doolʋa 'mlɩ.»

Jenɛɛsë 17:21 Referans Kwoze

Galaatënyüü 3:29

'Be 'ama bä 'Kriisë 'lɩ nɩ, 'ba jresaa Abraamëa 'jü 'a bä, ‑bɛ wiili Nyɔsʋa 'paa', 'i nrörö 'amɩ ‑jaajijü 'lɩ.

Jenɛɛsë 18:10

'Üa ‑tɔrʋpɩɔa 'doo ‑nëma: «'Nyaa 'sɔɔwʋ ‑na ‑nyɛɛ jia, 'ia 'samaa 'taɩn 'doolʋ 'lɩ, 'ia 'taɩn 'lɩ ‑na 'ŋlʋʋ nya nyɩbɛjʋ 'klaa.» ‑Bɛ Sara bä ‑tete 'mäklɩ Abraamëa ‑gälɩbefa 'wʋ ‑bɛ 'ɔ ponyakli.

Ebröönyüü 11:9

'A 'ɔa nyɔsʋaplɛtorokʋa ‑gʋ 'ɔ kʋ ‑tete ‑wälɩ 'blɩlɩ Nyɔsʋa 'daaa' 'ɔmäa' 'ɔɔn ‑nyɩ 'ia 'mlɩ, ‑beere nyɔtugbanyɔɔ; 'ɔɔ, Isaakë, nyra Jakɔɔbë. Nyɔsʋa ‑gbala bɩaa' 'üün 'sɩrɩ 'ɔmäa' 'üün 'blɩlɩ ‑nyɩ.

Rɔmënyüü 9:9

‑Jää wiili Nyɔsʋa ‑gba käa': «'Samaa 'taɩn 'doolʋa 'mlɩ nɩ, 'nyaa 'sɔɔwʋ jia 'kä Sara nya nyɩbɛjʋ ‑gu.»

Akëtë 1:7

'Ɔnya ‑gbala 'üün ‑maa: «'Ia 'taɩn a jejrekʋ 'nyɩ 'amɩ ‑gba ‑a kälä; Tʋa 'doo ‑tʋ 'lɩ 'taɩnlɩ.

Lukë 1:72

'Asɩ 'ɔ nʋ kä 'ɔnya srara 'ɔa nyatɛplɛ ana tʋɩɩ, 'ɔnya 'pa 'ɔa 'nyüna kuölä 'ɔ nyra 'üün 'pa käa' 'äa ‑gä plɛ.

Lukë 1:55

'Asɩ 'ɔ ‑gbala kä ana tʋɩɩ Abraamë ‑bɛ 'ɔa 'jüa ‑gʋ 'kä 'plɔʋplɔʋa ‑gʋ.»

Jenɛɛsë 46:1

Israɛɛlë nyra 'ɔa käkädiia 'fɩɔ nya mi. 'Ü 'tɔa' Bɛɛseba, 'ɔnya 'sa 'ɔa tʋ Isaakëa Nyɔsʋa ‑gbɔ.

Jenɛɛsë 48:15

'Ɔnya 'pa Josɛɛfë 'nɩ, 'ɔ ‑nëma: «Abɩa Nyɔsʋalɔ kä 'nyʋfɔ ‑gälɩ 'na tʋɩɩ Abraamë nyra Isaakë 'nyɛrɛa', abɩa Nyɔsʋalɔ ‑glaraa' 'mɩ ‑gba ‑beere ‑gbanyɛrɛnyɔɔ 'bala 'na ‑gugutaɩn 'lɩ ‑a 'tɔ 'saarɩa ‑srɩ 'lɩ,

Jenɛɛsë 17:19

'Iibäa' Nyɔsʋa nɩ: «‑Mä 'sɩ 'i 'nyɩ bä, ‑na 'ŋlʋʋ Sara nya ‑mɩ nyɩbɛjʋ ‑nyɩa, 'kä ‑nya 'ɔɔn Isaakë 'dara. 'Ɔɔ nyra 'mɔɔ 'mä 'na kuö 'pa; kuölä 'mäa' 'lɩwlɛ 'plɔʋplɔʋa ‑gʋ nyra 'ɔa 'jüa 'jüa ‑gʋ.

Jenɛɛsë 18:14

Dɛɛ bä 'plä 'wʋ 'ɛ 'mrɛɛ ɛ sɩara Yawe? 'Nyaa 'ia 'taɩn 'lɩ jröröa', Sara nya nyɩbɛjʋ 'klaa.»

Jenɛɛsë 21:1

Yawe nya 'pa Sara 'nɩ, 'ɔnya nʋ wiili 'ɔ ‑gbala käa' 'ɔɔn.