Jenɛɛsë 16:2 - Kuö Dëdrä Jenɛɛsë Rutë

² Sarai nya ‑gbala Abramë: «‑Jää, Yawe 'nyɩ 'nyie ‑a 'nyie 'mä 'jü ‑gu. 'Ii känyrɩ ‑nyra 'na 'jrʋpafɛŋlʋʋ pa nyuköli. ‑Beeredɛɛ 'ɔnya 'mɩ 'jʋ ‑nyɩa.» Abramë nya nʋ wiili 'ɔa 'ŋlʋʋ Sarai 'daaa'.

Jenɛɛsë 16:2 Referans Kwoze

Jenɛɛsë 18:10

'Üa ‑tɔrʋpɩɔa 'doo ‑nëma: «'Nyaa 'sɔɔwʋ ‑na ‑nyɛɛ jia, 'ia 'samaa 'taɩn 'doolʋ 'lɩ, 'ia 'taɩn 'lɩ ‑na 'ŋlʋʋ nya nyɩbɛjʋ 'klaa.» ‑Bɛ Sara bä ‑tete 'mäklɩ Abraamëa ‑gälɩbefa 'wʋ ‑bɛ 'ɔ ponyakli.

Jenɛɛsë 3:17

'Ɔnya ‑gbala Adaan: «‑Na 'ŋlʋʋ ponyakli, ‑nya ji tuubölä 'n ‑gbalaa' ‑mɩ ‑nyɩ jia'. 'Ii känyrɩ, ‑tʋtʋ 'a busu ‑na ‑gʋ. ‑Sʋɩ ‑nëmä 'jä ‑a ji ‑mä 'ua 'mlɩ jijrɛ 'ba, ‑srɩlɩ kä 'fɩɔ ‑nëmäa' ‑si.

Rutë 4:11

Tagbü nyra nyüülü kä 'fɩɔ bä ɩa' ‑plɩɩ ‑nëma: «‑Yɛɛ, ana 'fɩɔ 'jä 'imɩ! Abɩa Yawe 'pa 'ŋlʋʋlɔ jöa' ‑na nyuku ‑wälɩ 'nɩ! Ɔ ‑beere Rasɛɛlë nyra Leaa, ü 'sɔɔ ‑gua' Israɛɛlënyüü! Ji 'bɩɔ Efratënyüüa ‑tɔrʋpɩɔ, 'kä ‑na 'nyrɩ ‑gbaala Bɛtëlɛɛmëa 'fɩɔ ‑gälɩ.

Jenɛɛsë 30:22

Nyɔsʋa nya 'pa Rasɛɛlëa ‑gä plɛ, 'ɔnya ‑jie 'ɔa 'jʋgumʋ 'klɩ.

Jenɛɛsë 25:21

Isaakë nya bibie Yawe 'ɔa 'ŋlʋʋa ‑gʋ, 'be 'ɔ ‑gbɔ. Yawe nya 'nu 'ɔa bibiekʋ 'wli, 'ɔa 'ŋlʋʋ Rebeka nya bä nʋgbla 'lɩ.

Jenɛɛsë 20:18

'Be Yawe ka ɩ 'ŋlëgëlë kä 'fɩɔ ‑fɛɛrɛ ɩa' Abimɛlɛkëa nyüköli 'jrʋpa, 'üa ‑guguö 'klɩ, Abraamëa 'ŋlʋʋ Saraa ‑gʋ.

Jenɛɛsë 17:16

'Nyaa 'ɔɔn 'nɩ 'paa, 'kä 'nyaa 'ɔɔn kälɩ ‑srörö 'kä 'nyaa ‑mɩ nyɩbɛjʋ ‑nyɩ. 'Nyaa 'ɔɔn 'nɩ 'paa 'kä 'ɔnya 'plä ‑gu, 'ɔa ‑guguö 'lɩ 'blɩ 'kɔkɔmlɛa 'kɩɩɩ 'mä sɔrɔ.»

Jenɛɛsë 3:12

'Iibäa' nyɔɔlɔ nɩ: «'Ŋlʋʋlɔ ‑tʋa' 'na ‑gba, 'ɔɔ ‑nyɩ 'mɩ tuulua 'bö, 'nyaa ji 'ään.»

Jenɛɛsë 30:6

Rasɛɛlë ‑nëma: «Nyɔsʋa a' 'na 'wlilia wii 'pa. 'Ɔ 'nu 'na wii 'wli, 'ɔnya ‑nyɩ 'mɩ nyɩbɛjʋ.» 'Ia ‑gʋ 'ɔnya 'dara 'ɔɔn Daanë.

Jenɛɛsë 19:31

‑Jrüü 'doo 'lɩ nɩ, ‑jää Lɔɔtëa 'ŋlëkayria kpaköa nɔ ‑gbala 'ɔa blaadɩɔ: «Ana tʋ bɩaklɩ, ‑bɛ nyɩbɛrʋ 'nyɩ ‑taa 'pläläa 'mlɩ ‑a bä 'ɔmä amɩ kä, 'sɩrɩ 'i nröröa' ‑pɩɔa 'fɩɔ.

Jenɛɛsë 11:30

Sarailɔ nɩ, 'ɔ ‑gbɔ; 'ɔnyɩ 'jʋ ‑a kä.