Jenɛɛsë 13:18 - Kuö Dëdrä Jenɛɛsë Rutë

¹⁸ Abramë nya 'sa 'ɔa ‑tetu 'kou, 'ɔnya kʋ Eblɔɔn bätä, Mamirea tiili 'ü 'daraa' terebitëtii, 'ia ‑gba. 'A ‑plɩɩ 'ɔ 'pala ‑gbɔsatöwlö Yawea ‑gʋ.

Jenɛɛsë 13:18 Referans Kwoze

Jenɛɛsë 35:27

Jakɔɔbë nya 'blöö 'ɔa tʋ Isaakëa ‑nyɛɛ dɛrɩ, ‑tɛ Mamirebätälä 'ü 'daraa' bɩa Kiria Aba. Eblɔɔn bätä bäsaa. 'A ‑plɩɩ Abraamë nyra Isaakë ma kʋ ‑beere nyɔtugbanyüü.

Jenɛɛsë 18:1

Abraamë kʋ ɩ 'ɔa ‑tete 'mäklɩ ‑sopuwla, Yawe nya 'tɔrɔ 'ɔɔn 'klɩ Mamirea tiili 'ü 'daraa' terebitëtiia ‑gba.

Jenɛɛsë 14:13

Nyɔɔ 'doo 'wʋa' 'lɩmlɩ nɩ, 'ɔɔ ji Ebröönyɔɔ Abramë ‑gbalakalɩ. Abraamëlɔ nɩ, Ɛsëkɔlë nyra Anɛɛrë, 'ü 'ɔ nyra 'üün 'paalɩ kuö nɩ, 'a 'üa wlajʋlɔ bäa' Amɔritënyɔɔ 'ü 'daraa' Mamire, 'ɔa tiili 'ü 'daraa' terebitëtii, 'ia ‑gba 'ɔ ma kʋ.

Jenɛɛsë 8:20

Noe nya nʋ ‑gbɔsatöwlö Yawea ‑gʋ; 'ɔnya dɔrɔ mlaa ‑tɔrʋpɩɔa mlaalë 'nyɩa' ‑fre 'lɩ bä 'wʋ, 'ɔnya dɔrɔ nyisiea ‑tɔrʋpɩɔa nyisielü 'nyɩa' ‑fre 'lɩ bä 'wʋ, ‑gbɔsatöwlö ‑gälɩ 'ɔnya 'sa ‑gbɔsadiili fia'.

1 Timotee 2:8

'Ii känyrɩ, 'n 'bata abɩa nyɩberü to 'üa 'nyüna 'dari cɛlɩ ‑bɛ 'ü bibie Nyɔsʋa ‑pɩɔa 'fɩɔ, 'crɛ nyra ‑yrɛ 'nyɩ bälɩ.

Jenɛɛsë 37:14

'Iibäa' 'ɔa tʋ nɩ: «Mi 'lɩ ‑a ‑jää ‑na ‑wlajü nyra mlaalü bäa' 'lɩ, 'üa fugbë ma 'na ‑bɛ ‑mä 'mɩ ‑gbalakalɩ ji.» 'Ɔnya sɔ Eblɔɔn a 'käblatʋtʋ ‑gälɩ, 'ɔnya mi Sikɛmë.

Jenɛɛsë 13:4

'ii 'ɔ 'pala kä ‑gbɔsatöwlö. 'A ‑plɩɩ 'ɔ 'nyüglö 'ɔnya ‑pʋpʋa Yawe.

Jenɛɛsë 23:2

Kanaan ‑tʋtʋ ‑gälɩa bätä kpakölä 'ü 'daraa' Eblɔɔn, 'äa bätälä 'ü 'daraa' Kiria Aba, 'ii 'ɔ järä. Abraamë nya ji 'dügböli, 'ɔnya 'bla Saraa 'kusro.

Ebröönyüü 11:9

'A 'ɔa nyɔsʋaplɛtorokʋa ‑gʋ 'ɔ kʋ ‑tete ‑wälɩ 'blɩlɩ Nyɔsʋa 'daaa' 'ɔmäa' 'ɔɔn ‑nyɩ 'ia 'mlɩ, ‑beere nyɔtugbanyɔɔ; 'ɔɔ, Isaakë, nyra Jakɔɔbë. Nyɔsʋa ‑gbala bɩaa' 'üün 'sɩrɩ 'ɔmäa' 'üün 'blɩlɩ ‑nyɩ.

Jenɛɛsë 22:9

'Ü 'tɔa' ‑plɩɩlɩ Nyɔsʋa srara käa' 'ɔɔn nɩ, Abraamë nya 'pa ‑gbɔsatöwlö 'ɔnya tatra ‑gbalë 'klɩ. 'Ɔnya kpasa 'ɔa 'jʋ Isaakë. 'Ɔnya 'pie 'ɔɔn ‑gbalëlë bäa' ‑gbɔsatöwlö ‑gälɩ.

Jenɛɛsë 26:25

'A ‑plɩɩ 'ɔ 'pala ‑gbɔsatöwlö, 'a ‑plɩɩ 'ɔ ‑pʋplʋa Yawe. 'Ɔnya 'pala 'lɩ 'ɔa ‑tete. Isaakëa 'jrʋpafɛnyüü nya ‑goolo 'lɩ 'nɩbütügba.