Jenɛɛsë 13:15 - Kuö Dëdrä Jenɛɛsë Rutë

¹⁵ 'Plälä kä 'fɩɔ ‑jääa' 'wʋ, 'n ‑nyɩ ‑mɩ 'ään, 'n ‑nyɩ 'ään ‑na 'jüa jüa 'jü 'plɔʋplɔʋa ‑gʋ.

Jenɛɛsë 13:15 Referans Kwoze

Jenɛɛsë 12:7

Yawe nya 'tɔrɔ Abramë 'klɩ, 'ɔ ‑nëma: «‑Na 'jüa 'jü 'nëmä ‑taa 'blɩlɩ ‑nyɩ.» Abramë nya 'pala ‑plɩɩlɩ ‑gbɔsatöwlö 'ɔmä 'lɩ Yawelɔ 'tɔrɔa' 'ɔɔn 'klɩ ‑pʋpʋa.

Jenɛɛsë 35:12

'Blɩlɩ 'n ‑nyɩ käa' Abraamë nyra Isaakë, 'nyaa ‑mɩ 'iin ‑nyɩa; ‑Na 'jüa 'jülü nëmäa' ‑mɩ 'klɩtroro nɩ, 'nyaa 'üün 'blɩlɩ ‑nyɩa.»

Jenɛɛsë 15:18

'A 'ia jrüülüa 'mlɩ Yawe nyra Abramë nya 'pa kuö. 'Ɔnya ‑gbala Abramë ‑maa: «‑Na 'jüa 'jü 'n ‑nyɩ ‑taa 'blɩlɩ: sɔ Ejiipëtëa 'nie ‑gba ‑a ‑mi 'nie kpakilɛ 'ü 'daraa' Eflatë 'ɛa ‑gba.

Akëtë 7:5

'Ɔnyɩ 'nɩmɩ 'ɔɔn ‑tʋtʋ 'pɛ 'dee ‑a ‑nyɩ, 'pɛjɔ jräa' 'ɔa boklu 'ɔnyɩ 'ɔmɩ 'ɔɔn ‑a ‑nyɩ. ‑Maa 'ɔ ‑gbala kä 'ɔɔn 'ɔnya 'ɔmɩ 'uun ‑nyɛɛa 'ɔɔ ‑bɛ 'ɔa 'jüa 'jü. 'Be 'ɔnyɩ kä 'jʋ ‑a kä.

Matiö 5:5

Abɩa dɔrʋ 'bla nyüülü 'wlaa' 'lɩkä. 'Üü Nyɔsʋa nëmä 'plä jaa 'lɩ ‑nyrɛɛlɛ!

Jenɛɛsë 48:4

'Ɔnya ‑gbala 'mɩ: ‹'Nyaa ‑mɩ 'jü ‑nyɩa, 'üa ‑sümlödɛɛa ‑srɩ 'nëmä 'pɛɛ ‑a 'pɛɛ, ‑mä ‑glügbü 'kɔkɔmlɛ bä. 'Nyaa ‑mɩ ‑taa 'blɩlɩ ‑nyɩa, ‑mɔ ‑bɛ ‑na 'jüa 'jüa 'jü 'sɔ; ‑mä 'iin kä 'plɔʋplɔʋa ‑gʋ.›

Jenɛɛsë 28:13

Yawe 'nyüglö ‑gbleteilɛa ‑gälɩ 'ɔ ‑nëma: «'Mɔɔ bä Yawe, ‑na tʋ Abraamë, nyra Isaakëa Nyɔsʋa. ‑Tʋtʋlʋ kä ‑gälɩ ‑piia' 'n ‑nyɩ ‑mɩ 'uun, ‑nyra ‑na 'jüa 'jü 'sɔ.

Jenɛɛsë 28:4

Ɔ ‑nyɩ ‑mɩ, ‑nyra ‑na 'jüa 'jü kɔsɔ, Abraamëa 'papanɩ, ‑mä ‑tʋtʋlʋ kä ‑gälɩ kʋa', i ‑bäläa' nyɔtugbanyɔɔ, ‑mä 'uun kä. Nyɔsʋa ‑nyɩ kä 'uun Abraamë»

Jenɛɛsë 24:7

Yawe, cɛlɩa Nyɔsʋalɔ 'baa' 'mɩ 'na tʋa nyüköli nyra 'na ‑glügböa ‑tɔrʋpɩɔ, 'ɔ 'sɔrɩ 'ɔnya ‑gbala 'mɩ: ‹‑Na 'jüa 'jü 'nëmä ‑taa 'plälä ‑nyɩ.› 'Ɔa 'mʋgbɛ nya 'ɔa 'aanjë jaa, 'ɔmä ‑mɩ 'ŋlʋʋlɔ ‑nëmäa' 'na 'jʋ ‑nyɩ srara.

Jenɛɛsë 18:18

Abraamë nya 'wʋsɔɔrɔ ‑glügbö kpakö bäa, 'kä 'nyaa 'ɔɔn kälɩ ‑srörö 'kä 'nyaa ‑tʋtʋ ‑gälɩa 'blɩa 'fɩɔ 'nɩ 'pa.

Jenɛɛsë 13:17

Sɔ 'wʋ, ‑pi ‑a ‑jää 'blɩa tʋŋlɔdɛɛ nyra 'ia 'wʋflɛrɛdɛɛ, 'be 'nyaa ‑mɩ 'ään ‑nyɩa.»

Jenɛɛsë 15:7

'Ɔnya ‑gbala 'ɔɔn ‑maa: «Yawe 'n bä. 'Mɔɔ 'ba ‑mɩ Urëbätä, Kalëdeenyüüa 'bre, 'nyaa ‑nyɩ ‑mɩ 'plälä kä ‑gälɩ kʋa' 'ään ‑mä 'ää kä.»

Jenɛɛsë 28:14

‑Na 'jüa 'jüa 'jü, nya ‑sümlöa ‑beere ‑tʋtʋa 'mlʋ. 'Anya 'ana ‑paŋlɩ ‑gbasia sɔrɔ 'jrʋa 'wʋsɔrɔfa 'wʋ ‑a mi 'jrʋa 'pifa 'wʋ; sɔ 'ua 'wʋsɔrɔfa 'wʋ, ‑a mi 'ua 'wʋsɔrɔfaa kʋmla 'pɛlɩ, nyra 'ua 'wʋsɔrɔfaa 'dupa 'pɛlɩ 'kä ‑tʋtʋ ‑gälɩa ‑glügbüa 'fɩɔ nya ‑mɔ ‑bɛ ‑na 'jüa 'jü kälɩ ‑srörö, 'kä 'ünya 'nɩ 'pala.

Jenɛɛsë 50:24

Josɛɛfë nya ‑gbala 'ɔa ‑wlajü, 'ɔ ‑nëma: «'Na jäjäsrɩ jö. ‑Maa Nyɔsʋa nya 'amɩ 'lɩmlɩbaa, 'kä 'ɔnya 'amɩ ‑taa ‑tʋtʋlʋa ‑gälɩ 'ciea. ‑Tʋtʋlʋ 'ɔ 'daa käa' 'ɔmäa' Abraamë, Isaakë nyra Jakɔɔbë ‑nyɩ nɩ, 'ɔnya 'amɩ 'uun ‑nyɩa.»