Jenɛɛsë 13:13 - Kuö Dëdrä Jenɛɛsë Rutë

¹³ ‑Bɛ Sodɔɔmëa nyüüa nʋnʋgbi bʋbɔ, 'ü ma nö Yawe ‑balʋ kpaku ‑gba.

Jenɛɛsë 13:13 Referans Kwoze

2 Piɛɛrë 2:10

Nyɔsʋa nya nyüülü 'nyɛrɛa' bʋbɔdiili 'üa fugba 'bataa' 'pɔnɩa. 'Ia nyüülüa plɛ 'sosowʋ ‑frepadiia ‑gʋ, 'üa ‑gbʋʋ 'nyɩ 'kamakʋ ‑gba ‑a bä. 'Ü toro 'üa nyüfë plɛ ‑gböösa; 'ü bɔtɔ ‑tɔklʋ ‑bɛ 'ü ‑jejre 'wliklɩbʋa ‑sisili bäa' cɛa 'mlɩ.

Judë 1:7

'Palɩ Sodɔɔmë ‑bɛ Gomɔɔrë, nyra bätëlë bäa' 'lɩ ‑gbanʋdɛɛ 'dee: ‑Sagbili Nyɔsʋa 'nyɩ 'bataa' 'ii 'ü ma nö, ‑sagbili ‑siiea' 'ia 'jrʋpa 'ü ma kä. Dɛɛlɛ a kʋa' ‑plɩɩ ‑gälɩ nɩ, kapulu 'nyɩ 'nyrɔlɔa' 'plɔʋ 'ua 'pütökʋ 'ü 'jää, 'ii ‑gbala amɩ 'sɩrɩ a käa' amäa' ana nyüfë ‑tre.

Rɔmënyüü 1:27

'Asɩ nyɩbɛrʋa 'mʋgbɛ nyra 'ŋlʋʋ ‑kanyɩ 'pa ‑salä käläa' 'lɩ ‑a, ‑maa 'üa 'kpɔa 'tʋ 'sesie 'üün 'lɩ: nyɩbɛrʋ ‑bɛ nyɩbɛrʋ 'pie, 'nyüsügbi 'ü nö. 'Ü nöa' 'imɩ nɩ, 'üa 'pɛɛ bä 'pɔnɩkʋ 'üa 'nyʋfɔwʋsɔsɔkʋa ‑gʋ.

Ebröönyüü 4:13

Wiili kä 'fɩɔ a nöa', 'ia dɩjɔ 'doo 'nyɩ Nyɔsʋaa 'klɩ ‑gälɩa ‑sisre. 'Ia 'fɩɔ bä ‑fälɩ 'inya 'järälɩ 'kä 'ɔa 'nyü ‑gälɩ. 'Ɔɔ amä wiili kä 'fɩɔ a nʋa', 'ia ‑gogo 'sa.

Matiö 9:13

'Ba mi 'ba 'bata ‑taa wiili kʋa' ‑pɩa ‑gbaa: ‹Nyatɛplɛ 'n 'bata, ‑maa ‑mää ‑gbɔ 'sasakʋ 'nyɩ 'bata.› 'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»

Jenɛɛsë 18:20

Yawe nëma: «Sodɔɔmë nyra Gomɔɔrëa ‑balʋ 'a kälɩbä, 'ia ‑gʋ nyüüa 'dugu 'a 'wlisie 'üa nʋnʋgbia ‑gʋ.

Jaan 9:31

Ana 'fɩɔ jre 'iin 'sɩrɩ Nyɔsʋa 'nyɩ 'saa ‑balʋnyɔɔ ‑gälɩ; ‑maa nyɔɔ ma 'bʋala 'ɔɔn, ‑bɛ ɔma nʋ wiili 'ɔɔ Nyɔsʋa 'bataa' nɩ, 'a 'ia nyɔɔlɔ 'ɔ 'saa ‑gälɩ.

Matiö 9:10

'Pɩrɩgälɩ nɩ, Jesu jö ɩ dɛɛ nyuku ‑wälɩ, dapookälɩpɛrɛnyüü 'kɔkɔmlɛ nyra ‑balʋnyüü ‑mölöö nya ji; 'üü ‑bɛ Jesu nyra 'ɔa 'wʋnyɛrɛnyüü nya tara 'wʋ.

Jenɛɛsë 38:7

‑Maa Judaa ‑kätɩjʋa plɛbʋbɔ 'inyɩ Yawe 'tʋ ‑a kä. Yawe nya 'bla 'ɔɔn.

Jenɛɛsë 15:16

‑Na 'jüa 'jü ma ‑si ‑sɩa ‑duu nɩ (400), 'ünya ‑tɛ dɛrɩblööa; 'be Amɔritënyüüa ‑balʋ ‑kaaŋlʋ 'ua 'tɔfa 'wʋ 'tɔ.»

Jenɛɛsë 10:9

Yawea 'klɩ 'ɔ bä 'kɔpanyɔɔ kpakö. 'A 'ia ‑gʋ nyüü ma nö: «'Ɔ ‑beere 'kɔpanyɔɔ Nimroodë, 'kɔpanyɔɔ kpakö Yawea 'klɩ.»

Jenɛɛsë 6:11

‑Maa ‑tʋtʋ ‑gälɩa nyüüa nʋnʋgbi bʋbɔ Nyɔsʋaa 'klɩ, 'klü ma 'si ‑tʋtʋ ‑gälɩ.

Jaan 9:24

Farisinyüü nya 'patä 'ünya we nyɔɔlɔ, 'iibä: «Nyɔsʋaa 'nyrɩklɩa ‑gʋ 'salɩ 'cɩcasa. A jre 'iin 'sɩrɩ nyɔɔlɔ bäa' ‑balʋnyɔɔ.»

Jenɛɛsë 39:9

Nyɔɔ 'nyɩ ‑pɩ ‑gbööli ‑a bä ɔmäa' 'mɩ 'wʋsi, ima 'nyɩ ‑mɩ ‑a bä. 'Be 'ɔa 'ŋlʋʋ bä. ‑Bɛ ‑asɩ 'mä 'ia ‑balʋ kpakulua nʋnʋkʋ nʋ le! Dɛplɛɛ kä ‑gʋ 'mä 'ia 'sama ‑balʋlʋ Nyɔsʋa 'klʋɩ ‑gälɩ nrörö le?»

Jenɛɛsë 19:13

'be bätälä a nëmä ‑gblooo! 'Äa 'mlɩa nyüüa 'dugu 'si Yawea 'nyakli 'lɩ, 'ɔɔ blɔ amɩ amä 'ään ‑gblooo.»