Jenɛɛsë 13:10 - Kuö Dëdrä Jenɛɛsë Rutë

¹⁰ Lɔɔtë nya dɔrɔ 'ɔa 'wli 'wʋ, 'ɔnya 'jä ‑tʋtʋlʋ bäa' Jurëdɛɛn a 'niea 'pɛlɩ. 'Nɩ bä 'ia ‑tʋtʋpɛlɛ ‑gälɩ, ‑a ‑tɔɔ Soarë. 'I ‑beere Yawea putu. 'Ia 'taɩn 'lɩ Yawe ‑kaaŋlʋ Sodɔɔmë nyra Gomɔɔrë ‑gbloo; 'i ‑beere kä bɩa ‑tʋtʋlʋ bäa' Ejiipëtëa 'nie ‑gba.

Jenɛɛsë 13:10 Referans Kwoze

Jenɛɛsë 14:8

Sodɔɔmëa 'kɩɩ, Gomɔɔrëa nɔ, Adëmaa nɔ, Seboimëa nɔ nyra Belabätäa 'kɩɩ, ü 'daraa' bɩa Soarë, 'üa 'fɩɔ nya poplogälɩ 'ünya mi 'ü nyra 'üün 'mä tou ‑fu ‑nyɛɛ Sidimëa 'käblatʋtʋ ‑gälɩ.

Jenɛɛsë 14:2

'üü ‑bɛ Sodɔɔmëa 'kɩɩlɔ 'ü 'daraa' Bera nyra Gomɔɔrëa 'kɩɩlɔ 'ü 'daraa' Birisa, nyra Adëmaa 'kɩɩlɔ 'ü 'daraa' Sinabë, nyra Seboimëa 'kɩɩlɔ 'ü 'daraa' Semebɛrë, nyra 'kɩɩlɔ bäa' Belabätä, ä 'ü 'daraa' bɩa Soarë, ‑fu tou.

Jenɛɛsë 6:2

Nyɔsʋaa nyɩbɛjü 'jäa' 'sɩrɩ nyüüa 'ŋlëkayerü 'naa' nɩ, 'ünya 'ba 'üa ‑tɔrʋpɩɔ 'ŋlëkayerü ‑mölöö 'ünya bä 'üa 'ŋlëgë.

Jenɛɛsë 3:6

'Ŋlʋʋ 'jäa' 'sɩrɩ tuulua 'bö 'naa jijikʋa ‑gʋ, ‑bɛ 'u 'naraa' 'nyü ‑gälɩ, ‑bɛ 'u 'naa' wiijejrekʋa ‑nyɩnyɩkʋa ‑gʋ nɩ, 'ɔnya dɔrɔ 'ua 'bö 'wʋ 'ɔnya jidɛɛ, 'ɔnya ‑nyɩ bɩa 'ään 'ɔa dʋɔlɔ bäɩa' 'ɔa ‑gba, 'ɔnya ji 'ään.

Jenɛɛsë 11:27

‑Jäsɩ Tɛraa 'jüa 'jüa wii nʋa' ‑sisidɛɛ: Tɛra ‑gu Abramë, Nakɔɔrë, nyra Araan. Araan ‑gu Lɔɔtë.

Jenɛɛsë 13:9

‑Jää, 'blɩa 'fɩɔ bä ‑na 'klɩ. 'N bibie ‑mɩ fa ‑na ‑pɩɔ! ‑Ama fa kʋmla 'lɩ, 'nyaa 'dupa 'lɩ faa; ‑ama fa 'dupa 'lɩ nyaa kʋmla 'lɩ faa.»

Jenɛɛsë 13:11

Lɔɔtë nya dɔrɔ ‑tʋtʋpɛlɛ kä 'fɩɔ 'troroa' Jurëdɛɛn 'klɩ, 'ɔnya fa 'jrʋa 'wʋsɔrɔfaa 'pɛlɩ 'klɩ. 'Asɩ 'ü nʋ 'ünya sɔsrɔgba.

Jenɛɛsë 47:6

‑jää Ejiipëtë kʋpɩ; ‑nyɩ ‑na tʋ nyra ‑na ‑wlajü ‑tʋtʋlʋ 'naa' 'ümä 'lɩ kʋ. Ü kʋ Gosɛnëa ‑tʋtʋ ‑gälɩ. ‑Bɛ nyüü ma bä 'üa ‑tɔrʋpɩɔ üma kli nɩ, ‑tʋ 'üün 'na mlaaa 'wliklɩ.»