Jenɛɛsë 12:8 - Kuö Dëdrä Jenɛɛsë Rutë

⁸ 'Ɔnya sɔ ‑plɩɩlɩ 'ɔnya mi 'dëgbëa 'pɛlɩ ‑nyɛɛ Bɛtɛlëbätä, 'jrʋa 'wʋsɔrɔfa 'wʋ. Bɛtɛlëbätä bä 'jrʋa 'pifaa 'pɛlɩ. Aibätä bä 'jrʋa 'wʋsɔrɔfaa 'pɛlɩ. 'Ɔnya 'pala ‑plɩɩlɩa ‑tɔrʋpɩɔ 'ɔa mlafua ‑tete, 'a ‑plɩɩlɩ 'ɔ 'pala 'klaa Yawea ‑gbɔsatöwlö; 'ɔnya ‑pʋpʋa Yawe.

Jenɛɛsë 12:8 Referans Kwoze

Jenɛɛsë 4:26

Sɛɛtë nya ‑gu bɩa nyɩbɛjʋ, 'ɔnya 'dara 'ɔɔn Enɔsë. 'A ‑plɩɩ nyüü 'bala Nyɔsʋaa ‑pʋpʋakʋ; 'a ‑plɩɩ 'ü 'bala 'ɔa Yawea 'nyrɩ werekʋ.

Jenɛɛsë 21:33

Abraamë nya pla ‑plɩɩ tamalisë tuu Bɛɛsebaa 'bre. 'A ‑plɩɩ 'ɔ ‑pʋplʋa Yawe, Nyɔsʋalɔ 'nyɩa' 'blöröfa kä.

1 Korɛɛntënyüü 1:2

Amɔ ‑jɩjra 'amɩ 'wʋ, 'amɔ Nyɔsʋaa 'cɛcɩlɛ bäa' Korɛɛntëbätä, ɛ Nyɔsʋa berea' 'klɩ 'Kriisë Jesu 'lɩ, 'amɔlɔ werea' 'kä 'ana 'kläa 'nyü käa' 'ämäa' 'na, nyra ü bäa' ‑pɩɔa 'fɩɔ ü wea' ana 'Pläkänyɔɔ Jesu 'Kriisëa 'nyrɩ, ɔ bäa' 'üa 'Pläkänyɔɔ nyra ana 'Pläkänyɔɔ.

Jenɛɛsë 28:19

'Ɔnya 'dara ‑plɩɩlɩ Bɛtɛlë. ‑Kätɩsa bätäläa 'nyrɩ ma bä Lusë.

Jenɛɛsë 13:4

'ii 'ɔ 'pala kä ‑gbɔsatöwlö. 'A ‑plɩɩ 'ɔ 'nyüglö 'ɔnya ‑pʋpʋa Yawe.

Akëtë 2:21

'Ia 'taɩn 'lɩ, nyɔɔ o nyɔɔ 'mäa' 'Pläkänyɔɔa 'nyrɩ we nɩ, 'ɔnya 'lɩmlɩwʋa .

Jenɛɛsë 35:3

'Ba sɔwʋ amä Bɛtɛlë mi, 'mä Nyɔsʋaa ‑gbɔsatöwlö 'pie. 'Ɔɔ ji 'mɩ ‑gba 'taɩn 'lɩ 'n bä käa' ‑sʋɩ 'lɩ. ‑Plɩɩlɩ kä 'fɩɔ 'n ‑sröröa' 'ɔɔ bä kä 'na ‑gba.»

Ebröönyüü 11:9

'A 'ɔa nyɔsʋaplɛtorokʋa ‑gʋ 'ɔ kʋ ‑tete ‑wälɩ 'blɩlɩ Nyɔsʋa 'daaa' 'ɔmäa' 'ɔɔn ‑nyɩ 'ia 'mlɩ, ‑beere nyɔtugbanyɔɔ; 'ɔɔ, Isaakë, nyra Jakɔɔbë. Nyɔsʋa ‑gbala bɩaa' 'üün 'sɩrɩ 'ɔmäa' 'üün 'blɩlɩ ‑nyɩ.

Jenɛɛsë 8:20

Noe nya nʋ ‑gbɔsatöwlö Yawea ‑gʋ; 'ɔnya dɔrɔ mlaa ‑tɔrʋpɩɔa mlaalë 'nyɩa' ‑fre 'lɩ bä 'wʋ, 'ɔnya dɔrɔ nyisiea ‑tɔrʋpɩɔa nyisielü 'nyɩa' ‑fre 'lɩ bä 'wʋ, ‑gbɔsatöwlö ‑gälɩ 'ɔnya 'sa ‑gbɔsadiili fia'.

Jenɛɛsë 13:3

'Ɔma 'nyɛnyɛ 'kä 'ɔ 'prere ‑plɩɩlɩ ‑gbia jräa' 'ɔɔn. Nɛgɛvë 'ɔ sɔ 'ɔnya 'tɔ Betɛɛlëa ‑plɩɩlɩ ‑kätɩ 'ɔ pala käa' 'ɔa mlafia ‑tete. Bɛtɛlë nyra Aibätäa ‑tɔrʋpɩɔ,

Jenɛɛsë 13:18

Abramë nya 'sa 'ɔa ‑tetu 'kou, 'ɔnya kʋ Eblɔɔn bätä, Mamirea tiili 'ü 'daraa' terebitëtii, 'ia ‑gba. 'A ‑plɩɩ 'ɔ 'pala ‑gbɔsatöwlö Yawea ‑gʋ.

Jenɛɛsë 22:9

'Ü 'tɔa' ‑plɩɩlɩ Nyɔsʋa srara käa' 'ɔɔn nɩ, Abraamë nya 'pa ‑gbɔsatöwlö 'ɔnya tatra ‑gbalë 'klɩ. 'Ɔnya kpasa 'ɔa 'jʋ Isaakë. 'Ɔnya 'pie 'ɔɔn ‑gbalëlë bäa' ‑gbɔsatöwlö ‑gälɩ.

Jenɛɛsë 26:25

'A ‑plɩɩ 'ɔ 'pala ‑gbɔsatöwlö, 'a ‑plɩɩ 'ɔ ‑pʋplʋa Yawe. 'Ɔnya 'pala 'lɩ 'ɔa ‑tete. Isaakëa 'jrʋpafɛnyüü nya ‑goolo 'lɩ 'nɩbütügba.

Jenɛɛsë 31:25

Labaan nya jrä Jakɔɔbë ‑gälɩ. Jakɔɔbë 'pala 'ɔa ‑tete 'dʋgbë 'lɩ. Labaan nyra 'ɔa ‑wlajüa 'mʋgbɛ nya 'pala bɩa 'üa ‑tetu Galaadëa 'dëgbë 'lɩ.

Jenɛɛsë 33:20

'A ‑plɩɩ 'ɔ 'pala ‑gbɔsatöwlö, 'ɔnya 'dara ‑plɩɩlɩ Ɛlë Ɛloe Israɛɛlë.

Jenɛɛsë 35:7

Jakɔɔbë nya 'pala ‑plɩɩ ‑gbɔsatöwlö, 'ɔnya 'dara ‑plɩɩlɩ «Ɛlë Bɛtɛlë», 'be 'a ‑plɩɩlɩ Nyɔsʋa 'tɔrɔ kä 'ɔɔn 'klɩ, 'taɩn 'lɩ 'ɔ fɔlɔ käa' 'ɔa ‑wlajʋ 'klɩ.