17 ‑Maa Abramëa 'ŋlʋʋ Saraia ‑gʋ Yawe nya ja 'kple 'ɛnya kla Faraɔɔn nyra 'ɔa ‑gböölia nyüü.
'Be Yawe ka ɩ 'ŋlëgëlë kä 'fɩɔ ‑fɛɛrɛ ɩa' Abimɛlɛkëa nyüköli 'jrʋpa, 'üa ‑guguö 'klɩ, Abraamëa 'ŋlʋʋ Saraa ‑gʋ.
Abɩa 'titiö ‑träärälɩ wiia 'fɩɔa 'mlɩ, abɩa nyɔɔ 'blörö 'ɔa 'ŋlʋʋa 'doo ‑gälɩ, 'kä 'ŋlʋʋ 'blörö 'ɔa dʋɔa 'doo ‑gälɩ; 'be Nyɔsʋa nya nyüülü nöa' ‑sagbili Nyɔsʋa 'nyɩ 'bataa' nyra nyüülü 'paa' bätësa 'pɔnɩa.
‑Maa ‑gbiara, Nyɔsʋa nya 'tɔrɔ Abimɛlɛkë 'klɩ sanyü 'lɩ, 'ɔ ‑nëma: «‑Tre ‑na nyɩfa, 'titiŋlʋʋlɔ ‑jaa' 'ɔa ‑gʋ ‑nya jäa!»
Abraamë nya bibie Abimɛlɛkëa 'wli 'lɩ Nyɔsʋa nya 'pʋɔ 'ɔɔn, 'palɩ 'ɔa 'ŋlʋʋ nyra ‑goouŋlëgëlë ‑fɛɛrɛa' 'ɔa ‑nyɛɛ 'jrʋpa, Nyɔsʋa nya ‑nyɩ 'üün 'jü.