Jenɛɛsë 10:19 - Kuö Dëdrä Jenɛɛsë Rutë

¹⁹ Kanaanyüüa 'brea ‑panʋ sɔrɔ Sidɔɔnbätä ä bäa' Gelaabätäa ‑gba ‑a ‑tɔɔ Gasabätä, 'kä 'u mö Sodɔɔmëbätä nyra Gomɔɔrëbätäa 'pɛlɩ, Adëmaabätä nyra Seboimëbätä, 'kä 'u 'tɔ Lesabätä.

Jenɛɛsë 10:19 Referans Kwoze

Jenɛɛsë 14:2

'üü ‑bɛ Sodɔɔmëa 'kɩɩlɔ 'ü 'daraa' Bera nyra Gomɔɔrëa 'kɩɩlɔ 'ü 'daraa' Birisa, nyra Adëmaa 'kɩɩlɔ 'ü 'daraa' Sinabë, nyra Seboimëa 'kɩɩlɔ 'ü 'daraa' Semebɛrë, nyra 'kɩɩlɔ bäa' Belabätä, ä 'ü 'daraa' bɩa Soarë, ‑fu tou.

Jenɛɛsë 26:1

'Ia 'fɩɔ ‑sia' nɩ, ‑gbëkananiea ‑gbëkananie nya pa kä 'ia 'blɩlɩa 'fɩɔa ‑gälɩ; 'ä ‑si ‑mälä pa käa' Abraamëa 'taɩnlɩ 'wʋ. Isaakë nya mi Gelaabätä, Filisëtënyüüa 'kɩɩ Abimɛlɛkëa 'jäkalɩ.

Jenɛɛsë 20:1

Abraamë nyra sɔwʋ 'ɔnya mi Nɛgɛvëa ‑tʋtʋa 'pɛlɩ 'ɔnya kʋ Kadɛsë nyra Surëa ‑tɔrʋpɩɔ. 'Ɔnya ‑si jrüü Gelaabätä ‑beere nyɔtugbanyɔɔ.

Jenɛɛsë 18:20

Yawe nëma: «Sodɔɔmë nyra Gomɔɔrëa ‑balʋ 'a kälɩbä, 'ia ‑gʋ nyüüa 'dugu 'a 'wlisie 'üa nʋnʋgbia ‑gʋ.

Akëtë 8:26

'Pläkänyɔɔa 'aanjë nya ‑gbala Filipë: «Sɔwʋ ‑a mi 'jrʋa 'wʋsɔrɔfaa 'dupa 'pɛlɩ, fa 'nyʋfɔlʋ möa' Jerusalɛɛmë nyra Gasabätäa mlɩ.» 'Nyʋfɔlʋ 'nyɩ ‑sisia.

Jenɛɛsë 10:18

Afadiinyüü, Semaliinyüü, nyra Amaanyüü. 'I ‑sia' nɩ, Kanaanyüüa ‑glügbü nya ‑gbakä.

Jenɛɛsë 10:20

'A Samëa jüa ‑glügbü ‑glügbü. 'Sɩrɩ ‑glügbü bäbäa', 'sɩrɩ 'ü 'paaa' watu 'doo, 'sɩrɩ 'ü sɔsɔa' 'blɩ 'doo ‑gälɩ ‑bɛ 'sɩrɩ 'ü käkäa' 'bre, 'asɩ 'ü nʋ 'ünya kɔkɔwälɩ.

Jenɛɛsë 14:3

'Üa 'kɩɩɩlü nya trara Sidimëa ‑tʋtʋpɛlɛ blaa' 'käa ‑gälɩ, 'ii 'ü 'daraa' Taŋlʋ 'Nie.