Jenɛɛsë 1:1 - Kuö Dëdrä Jenɛɛsë Rutë

¹ Diia 'fɩɔa cɛtrɛfawʋ nɩ, cɛɩɩ nyra ‑tʋtʋ ‑kätɩ Nyɔsʋa nʋ.

Jenɛɛsë 1:1 Referans Kwoze

Ebröönyüü 11:3

'Abɩa ana nyɔsʋaplɛtorokʋa ‑gʋ a jresaa mlɩa wii Nyɔsʋa nʋ 'ɔnya nʋ 'plä. Anya jre bɩa 'saa ‑mää diili ana 'nyü 'jääa' 'wʋ nɩ, ‑mää 'iin Nyɔsʋa 'nyɩ nʋ ‑bɛ 'ɔnyɩ 'ään nʋ.

'Nyügälɩjawii 4:11

«O 'Pläkänyɔɔ, ana Nyɔsʋa, 'i 'wʋ ‑mɩ 'klɩ amä ‑mɩ 'jrara, amä ‑mɩ 'bʋala, amä ‑mɩ 'klü ‑nyɩ, 'be ‑mɔ nʋ diia 'fɩɔ, ‑mɔ 'nyie 'aiɛ 'i nrörö ‑bɛ 'i bälɩ.»

Ebröönyüü 1:10

'Ɔnya 'daa 'sɔɔwʋ: ‑Mɔ 'Pläkänyɔɔ, ‑mɔ nʋ ‑na wlu, ‑nya nʋ cɛ, nya nʋ bɩa ‑tʋtʋ.

Akëtë 17:24

Nyɔsʋalɔ nʋa' ‑tʋtʋ nyra diili kä 'fɩɔ bäa' ‑tʋtʋ ‑gälɩ, 'a 'ɔɔ bä ‑tʋtʋ nyra cɛa 'Pläkänyɔɔ. 'Ɔnyɩ kʋ 'cɛcɩnyëkalä nyɔɔ 'paa' a ‑wälɩ ‑a.

2 Piɛɛrë 3:5

‑Maa 'ü ‑jɔjɔ 'ünya ‑trɔ wii 'doo; 'iibä: 'Papawii Nyɔsʋa nʋ 'ɔnya nʋ kä cɛ nyra ‑tʋtʋ. 'Ɔnya 'sasra ‑tʋtʋ nyra 'nieɩɩ ‑gba, 'ɔnya 'papla 'uun ‑gba 'nieɩɩa ‑tɔrʋpɩɔ.

'Nyügälɩjawii 14:7

'Ɔ 'kpöö ‑gböösa ‑bɛ 'ɔ nö: «'Ba pɩ Nyɔsʋa ‑bɛ 'ba 'bʋala 'ɔɔn! 'Be nyüüa ‑gätʋtaɩn 'a 'lɩjrä. 'Ba trara ɔ nʋa' cɛ nyra ‑tʋtʋ, 'tanie nyra 'nieɩɩa sɔrɔfa 'wli!»

Akëtë 14:15

«‑Wlajü 'amɩ, dɛplɛɛ kä ‑gʋ 'a nö 'saa le? Nyüü a bä ‑beere 'amɔ 'la! 'Mʋfagogo a 'saa 'amɩ, 'amä diili 'nyɩa' ‑gbaa kä ‑wälɩ 'cɛrɛ, 'amä 'Lɩbä Nyɔsʋaa 'pɛlɩ kälɩsie, ɔ nʋa' cɛ, ‑tʋtʋ, 'tanie nyra diili kä 'fɩɔ bäa' 'ia 'mlɩ.

1 Korɛɛntënyüü 8:6

amɔlɔ nɩ, Nyɔsʋa 'doo a jre. 'Ɔɔ bä Tʋlɔ nʋa' diia 'fɩɔ, 'a 'ɔa ‑gʋ a bä 'plä 'wʋ; 'Pläkänyɔɔ bä 'doo, 'ɔɔ bä Jesu 'Kriisë. 'Ɔɔ 'lɩ diia 'fɩɔ jara, ‑bɛ amɔlɔ nɩ, 'ɔa ‑gʋ a bälɩ.

Ebröönyüü 3:4

Nyɔɔ 'ɔɔ 'paa nyëkaa 'fɩɔ; ‑bɛ Nyɔsʋa, 'ɔ nʋ diia 'fɩɔ 'e.

Ebröönyüü 1:2

‑Maa ‑taa ‑gälɩblöröjrüülü 'lɩ nɩ, 'ɔa 'Jʋ 'ɔ ‑srörö kälɩ 'kä 'ɔ 'pala amɩ wii ‑gba. 'Ɔɔ Nyɔsʋa ‑srörö kälɩ 'ɔnya nʋ diia 'fɩɔ. 'Ɔɔ 'ɔ 'ba bɩa 'lɩ 'ɔmä diia 'fɩɔa ‑jaajinyɔɔ bä.

'Nyügälɩjawii 10:6

'Ɔnya 'sɔrɩ Nyɔsʋalɔ bäa' 'lɩ 'plɔʋplɔʋa 'nyrɩklɩ, 'ɔɔlɔ nʋa' cɛ nyra diili kä 'fɩɔ bäa' 'ɛa 'mlɩ, ‑tʋtʋ nyra diili kä 'fɩɔ bäa' 'ua ‑gälɩ nyra 'tanie nyra diili kä 'fɩɔ bäa' 'ɛa 'mlɩ. 'Ɔnya ‑nëma: «'Taɩn a ‑nyɩnyɩkʋ ‑kanyɩ 'lɩ ‑a bä.»

Rɔmënyüü 11:36

'Be 'ɔɔ diia 'fɩɔ sɔ kälɩ, 'ɔɔ 'ii ‑srörö kälɩ, 'ɔɔ kä 'imɩ. 'Ɔ kä 'bʋalakʋ 'plɔʋplɔʋ! 'Asɩ i bä!

Akëtë 4:24

'Cɛcɩnyüü 'nua' 'iin 'wli nɩ, 'üa 'fɩɔ nya ‑tʋ wii ‑pɩɔ 'doo 'wʋ, ‑bɛ 'ü bibie Nyɔsʋa: «'Pläkänyɔɔ, ‑mɔ bä Nyɔsʋalɔ nʋa' cɛ, ɔ nʋa' ‑tʋtʋ nyra 'nie ‑bɛ diili kä 'fɩɔ bäa' 'ia mlɩ.

'Nyügälɩjawii 22:13

«'Mɔɔ bä Alëfaa nyra Omegaa, ‑kätɩa nɔ nyra 'täpaa nɔ, 'käkolofa nyra bɩarafa.»

1 Jaan 1:1

I bä käa' 'pläa 'käkolofa 'wʋ, i a 'nua' 'wli, ‑bɛ ana 'nyü 'jäa', i a 'jäjräa', ‑bɛ ana wlu ‑fɛfɛa' ‑gba nɩ, 'a 'Papawiili bäa' 'klä.

Marëkë 13:19

'Ia jrüülüa 'mlɩ, ‑sʋɩlɩ nëmäa' 'lɩjrä, 'bala 'pläa 'käkolofa 'wʋ, 'taɩn 'lɩ kä 'mlɩ Nyɔsʋa nʋa' 'plä, 'ia 'samaa ‑sʋɩ ‑kaapɩɔ 'lɩjrä, 'ɛ ‑ka ‑nëmä bɩa 'lɩ ‑a jrä 'plɔʋ.

'Nyügälɩjawii 21:6

'Ɔnya ‑gbala 'mɩ: «'I 'a nrörö! 'Mɔɔ bä Alëfaa nyra Omegaa, 'käkolofa nyra bɩarafa. Nyɔɔlɔ 'mamlatʋ 'blaaa', 'mɔɔlɔ nɩ, 'nyaa 'nɩlɩ ‑nyɛɛa' 'klä, 'ia sɔrɔfawʋ 'nɩ 'baa, 'kä 'nyaa 'ɔmɩ ‑nyɩ 'flɛɛlɩ.

Ɛfɛsënyüü 3:9

'N kä 'mä bɩa wiili ‑sisie käa' sököö nyüüa 'klʋɩ ‑gälɩ ‑fälɩ be, wiili Nyɔsʋalɔ nʋa' diia 'fɩɔ 'mäa' nʋ.

'Nyügälɩjawii 3:14

«‑Jɩjra 'aanjëlɔ bäa' Laodisiia 'cɛcɩa 'wliklɩ 'wʋ, ‑gbala 'ɔɔn ‑maa: «Nyɔɔlɔ känyrɩ bäa' 'Asɩ i bä, nyɔɔlɔ ‑gäa' 'klɩ ‑bɛ ɔ 'saalɩ 'cɩcasa, ɔ bäa' diili kä 'fɩɔ Nyɔsʋa nʋa' a 'wliklɩ, ‑jäsɩ 'ɔ ‑gbaa:

Matiö 11:25

'Ia 'taɩn 'lɩ Jesu ‑nëmä: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ.