Jaan 8:42 - Kuö Dëdrä Jenɛɛsë Rutë

⁴² Jesu ‑nëma: «Nyɔsʋa ma bä ɩ 'ana tʋ nɩ, 'anya ɩ 'mɩ ‑waa. Nyɔsʋalɔ, 'ɔɔ 'lɩ 'n sɔ ‑bɛ 'n jö; ‑mää 'na 'mʋgbɛ 'lɩ 'nyɩ jrörö, ‑maa 'ɔɔ blɔ 'mɩ.

Jaan 8:42 Referans Kwoze

Jaan 12:49

Wiili kä 'fɩɔ 'n 'paa', ‑mää 'na 'dooa plɛklɩa wii ‑a, ‑maa Tʋlɔ blɔa' 'mɩ, 'ɔ ‑gbala 'mɩ wiili 'mäa' 'pa.

Jaan 14:10

'Sɩrɩ 'n bäa' Tʋ 'lɩ ‑bɛ Tʋ bäa' 'mɩ 'lɩ nɩ, ‑nyɩ 'dara 'iin wii ‑a 'la? Wiili 'n ‑gbalaa' 'amɩ nɩ, ‑mää 'na 'doo plɛ 'klɩ 'nyɩ 'ba 'imɩ. Tʋlɔ bäa' 'mɩ 'lɩ nɩ, 'ɔɔ ‑fɛɛɛ 'jrʋpa.

Jaan 17:8

'Be ‑na mlɩa wiili ‑nyɩa' 'mɩ nɩ, 'ii 'n ‑nyɩ 'üün. 'Ünya 'nyiere 'iin 'klɩ, 'ünya jresaa 'kasa ‑na ‑nyɛɛ 'n sɔ, ‑mɔ blɔ 'mɩ.

Jaan 17:25

'Na Tʋ, ‑mɔ ‑gäa' 'klɩ nɩ, 'plä 'nyɩ ‑mɩ ‑a jre, ‑maa 'mɔɔ 'n jre ‑mɩ, nyüülü kʋa' ‑pɩ nya jre 'iin 'sɩrɩ ‑mɔ blɔa' 'mɩ.

Jaan 1:14

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.

1 Jaan 4:14

Ana 'mʋgbɛlɔ nɩ, anya 'jä 'iin, 'ii a 'saalɩ: Tʋ blɔ 'ɔa 'Jʋ, 'pläa 'lɩmlɩbanyɔɔ.

Jaan 5:43

'Na Tʋa 'nyrɩklɩ 'n jrörö, ‑bɛ 'anyɩ 'kʋɛɛ 'mɩ 'lɩ. Nyɔɔ ‑moloo ma jrörö 'ɔa 'mʋgbɛa 'nyrɩklɩ, 'anya 'ɔɔn 'lɩ 'kʋɛɛa.

1 Korɛɛntënyüü 16:22

Nyɔɔ ma 'nyɩ 'Pläkänyɔɔ Jesu 'Kriisë ‑a ‑wa nɩ, ɔ busu. Maranata!

Jaan 3:17

‑Mää 'pläa ‑gätʋtʋkʋa ‑gʋ Nyɔsʋa 'nyɩ 'Jʋ 'pläa 'mlɩ ja. 'Ɔ ja 'ɔɔn 'plä 'mä 'ɔɔn kälɩ ‑srörö 'ämä 'lɩmlɩwʋ.

Jaan 5:23

nyüüa 'fɩɔ 'mä 'Jʋ 'bʋala, 'sɩrɩ 'ü 'bʋalaa' Tʋ. Nyɔɔlɔ 'nyɩ 'bʋalaa' 'Jʋlɔ 'nyɩ Tʋlɔ blɔa' 'ɔɔn ‑a 'bʋala.

'Nyügälɩjawii 22:1

'Pɩrɩgälɩ nɩ, 'aanjëlɔ nya srara 'mɩ 'nielɩ ‑nyɛɛa' 'kläa 'nɩ, 'i 'järälɩkä ‑beere ‑glasɩ; Nyɔsʋaa 'kɩɩkpata nyra ‑Bablëëjʋ 'lɩ 'i sɔrɔ.

Galaatënyüü 4:4

‑Maa jrüülü Nyɔsʋa ‑tʋa' 'lɩ jräa' 'lɩ nɩ, 'ɔnya jara 'ɔa 'Jʋ 'ŋlʋʋ kälɩ 'ɔnya ‑gu 'ɔmɩ. Moisëa ‑dɔ ‑wälɩ 'ɔ ‑glooro,

Jaan 8:14

Jesu ‑nëma nɩ: «‑Bakää 'na 'doo 'paa 'na ‑gä nɩ, wiili 'n 'saalɩ 'cɩcasa bäsaa. 'N jre ‑plɩɩ 'lɩ 'n sɔa', ‑bɛ ‑plɩɩ 'lɩ 'n möa' 'n jre 'lɩ, ‑maa 'amɔlɔ nɩ, 'anyɩ 'lɩ ‑a jre.

Jaan 13:3

Jesu jre 'iin 'sɩrɩ Tʋ ‑nyɩa' 'ɔɔn diia 'fɩɔ kälɩ. 'Ɔ jre 'iin 'sɩrɩ 'ɔ sɔa' Nyɔsʋaa ‑nyɛɛ. 'Ɔ jre bɩa 'iin 'sɩrɩ 'ɔ möa' Nyɔsʋaa ‑nyɛɛ,

Jaan 16:30

'Abɩa amɔ ‑ka jre ɩa' 'saa jre wiia 'fɩɔ, ‑nyɩ ‑glaaa ‑gla ‑a nyɔɔ 'mä ‑mɩ 'bete. 'A 'ia ‑gʋ a jresaa Nyɔsʋaa ‑nyɛɛ ‑sɔ.»

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.