Jaan 6:7 - Kuö Dëdrä Jenɛɛsë Rutë

⁷ Filipë nya ‑gbala 'ɔɔn: «‑Bakää anyɩ ‑su deniea ‑glʋɩsɔɔa 'flɔɔ, ‑bɛ anyɩ ‑pä 'ua klüü jie, 'u ‑nëmä 'üün mlɩ ‑a bɩa.»

Jaan 6:7 Referans Kwoze

Marëkë 6:37

'Ɔnya ‑gbala 'üün: «'Amɔ, 'ba ‑nyɩ 'üün jijri.» 'Iibäa' 'üün nɩ: «‑Yaa! ‑Bakää anyɩ ‑su deniea ‑glʋɩsɔɔa 'flɔɔ, 'kä 'unya 'üün mlɩ bɩaa?»

Jaan 12:5

«Dɛplɛɛ kä ‑gʋ anyɩ ‑daŋlʋɩnɩlɩ 'peru 'pa denie ‑glʋɩtää amä 'iin 'pʋablanyüü 'lɩ ‑päälä le?»

Matiö 18:28

'Jrʋpafɛnyɔɔlɔ mia' nɩ, 'ɔnya 'jä 'ɔa ‑moloo 'jrʋpafɛnyɔɔ 'klaaa' 'ɔa 'kpa; deniea ‑glʋɩgböö (100). 'Ɔnya 'kpla 'ɔa ‑plɩ, 'ɔ kakla 'ɔɔn ‑fʋflʋ 'klɩ ‑bɛ 'ɔ nö: ‹'Sa 'na 'kpalä ‑klaaa'!›

Jaan 1:43

'Ia ‑srɩ ‑gbaa' 'kä nɩ, Jesu nëmä ɩ Galilee mi, 'ɔnya 'jä Filipë, 'ɔnya ‑gbala 'ɔɔn: «Prɛ 'mɩ dɛrɩ.»

Jaan 1:44

Filipëlɔ nɩ Bɛtësaidaa nyɔɔ 'ɔ bä, 'ɔ ‑bɛ Andree nyra Piɛɛrë bä bätä 'döö 'wʋa nyüü.

Jaan 1:45

Filipë nya mi bɩa Natanaɛɛlë ‑gbala: «Nyɔɔlɔ kä ‑gä Moisë 'palaa' ‑Dɔa ‑pɔɔkʋa 'mlɩ, i nyɔsʋaamlɩpalanyüü ‑gbalaa' amɩ, anya 'ɔɔn 'jä. Josɛɛfëa 'jʋ Jesu bäsaa, Nasarɛɛtënyɔɔ.»

Jaan 1:46

'Iibäa' Natanaɛɛlë nɩ: «'Cɩcadɛɛ 'plɛɛ 'mä ‑plɩɩ Nasarɛɛtë sɔ le?» Filipë ‑nëma: «Ji, ‑mä 'iin 'jä.»

Jaan 1:48

'Iibäa' Natanaɛɛlë nɩ: «‑A 'plɛɛ jrere 'mɩ le?» Jesu ‑nëma: «'N 'järä ‑mɩ figietuu ‑wälɩ 'fɩɔwʋ Filipë nya nëmä ‑mɩ we.»