Jaan 6:51 - Kuö Dëdrä Jenɛɛsë Rutë

⁵¹ 'Mɔɔ bä 'flɔɔlʋ sɔa' cɛlɩ, u ‑nyɛɛa' 'klä. Nyɔɔ ma ji 'uun, 'ɔnya 'klälä 'nyɩa' blöröfa kä 'jäa. ‑Bɛ 'flɔɔlʋ 'nëmäa' 'ɔɔn ‑nyɩ nɩ, 'na 'jajɛ bäsaa, 'ɛɛ 'nëmä ‑nyɩ 'pläa 'kläa ‑gʋ.»

Jaan 6:51 Referans Kwoze

Lukë 22:19

'Ɔnya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Na fugba bäsaa, ä 'saraa' 'ana ‑gʋ. 'Ba nʋ 'imɩ 'amä 'na ‑gä plɛ 'pa.»

Jaan 6:33

Nyɔsʋaa 'flɔɔlʋ nɩ, 'au sɔa' cɛlɩ ‑bɛ u ‑nyɛɛa' 'plä 'klä.»

Jaan 3:13

Nyɔɔ ‑kaapɩɔ cɛa 'mlɩ 'jra; Nyɔɔa 'Jʋlɔ bäa' cɛlɩ 'ɔa 'doo 'ɔ sɔ 'lɩ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

Ebröönyüü 10:20

'Ɔ 'sa 'nyʋfɔ dëdrä, 'kläa 'nyʋfɔ; dɔʋlʋ pösöa' Nyɔsʋaanyukua papapɩɔ 'ɔ ‑srörö kälɩ, 'uu bä 'ɔa fugba.

2 Korɛɛntënyüü 5:21

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

1 Piɛɛrë 2:4

'Ba jijrö 'Pläkänyɔɔ ‑gba 'ɔɔ bä 'lɩbä 'täkälä nyüü bea' 'klʋɛɛ. ‑Maa Nyɔsʋa 'ba 'ɔɔn 'lɩ 'ɔnya kä 'peru Nyɔsʋaa 'klɔɔtrʋ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Jaan 3:16

'Be Nyɔsʋa ‑wa 'plä ‑gböösa, 'ɔnya 'sa 'ɔa 'jʋ 'doo 'doo, 'ia ‑gʋ nyɔɔ o nyɔɔ toroa' 'ɔɔn plɛ ‑pɩ jä, ‑maa 'ɔmä 'klälä 'nyɩa' blöröfa kä 'jä.

Jaan 1:29

‑Srɩ ‑gbaa' kä nɩ, Jaan 'jääa' Jesu ‑bɛ 'ɔ jaraa' 'ɔa 'pɛlɩ nɩ, 'ɔ ‑nëma: «‑Jää Nyɔsʋaa ‑Bablëëjʋlɔ 'baa' 'lɩ 'pläa ‑balʋ.

1 Jaan 4:14

Ana 'mʋgbɛlɔ nɩ, anya 'jä 'iin, 'ii a 'saalɩ: Tʋ blɔ 'ɔa 'Jʋ, 'pläa 'lɩmlɩbanyɔɔ.

1 Jaan 4:10

‑Jää dɛɛlɛ bäa' ‑wawakʋ: ‑mää amɔ 'nyɩ Nyɔsʋa ‑wa, ‑maa 'ɔɔ ‑wa amɩ. Ana ‑wawakʋa ‑gʋ nɩ, 'ɔnya 'sa 'ɔa 'Jʋ ana ‑balʋa ‑gʋ ‑bɛ 'ɔa 'crɛ 'mä 'wʋcie.

1 Jaan 2:2

'Ɔɔ 'sa 'ɔa nyufa ana ‑balʋa ‑gʋ Nyɔsʋaa 'crɛ nya 'ciewʋ. ‑Mää ana 'dooa ‑gʋ ‑a, ‑maa 'pläa 'fɩɔa ‑gʋ bɩa.

Jaan 1:14

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.

Ɛfɛsënyüü 5:25

'Amɔ dʋɔɩɩ, 'ba ‑wa 'ana 'ŋlëgë 'sɩrɩ 'Kriisë ‑waa' 'cɛcɩ ‑bɛ 'ɔ 'saa' 'ɔa nyufa 'ɛa ‑gʋ,

2 Korɛɛntënyüü 5:19

‑A 'jää 'iin le? Nyɔsʋa ‑sröröa' 'Kriisë kälɩ nɩ, 'pläa 'fɩɔ nyra 'ɔɔlɔ bäa' Nyɔsʋa 'nönröwli, 'ɔnyɩ 'ma bɩa 'üün 'üa bʋbɔgbi ‑gälɩ 'kä ‑a. 'Ɔnya blɔ amɩ a mi a 'sara 'lɩ nyüü 'wlinönröwii.

Jaan 7:38

Nyɔɔ toroa' 'mɩ plɛ nɩ, 'nɩlɩ ‑nyɛɛa' 'klä nya 'ɔa 'kläa mlɩ ‑gbaala, 'sɩrɩ 'i ‑jɩjraa' nyɔsʋapɔɔkʋ 'lɩ.»

Jaan 3:14

'Sɩrɩ Moisë 'jraraa' trɔɔ ‑aaga 'lɩ, 'asɩ Nyɔɔa 'Jʋ kä 'ɔmä bɩa 'saa 'jrara,

Jaan 3:36

Nyɔɔlɔ toroa' 'Jʋ plɛ nɩ, 'ɔ kä ‑wɩara 'klä; nyɔɔlɔ 'nyɩ toroa' 'Jʋ plɛ nɩ, 'ɔ ‑nëmä 'klä ‑a 'jä, ‑maa Nyɔsʋaa 'crɛ bä 'ɔɔn ‑gälɩ 'plɔʋplɔʋ.»

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Jaan 6:35

Jesu nya ‑gbala 'üün: «'Mɔɔlɔ nɩ, 'mɔɔ bä 'flɔɔlʋ bäa' 'klä. Nyɔɔlɔ jöa' 'na ‑nyɛɛ, ‑gbëka ‑nëmä ‑srɩɩ 'ɔmɩ ‑a 'bla, ‑bɛ ‑mɔlɔ toroa' 'mɩ plɛ nɩ, 'mamlatʋ ‑nëmä ‑srɩɩ 'ɔmɩ ‑a 'bla.

Jaan 6:41

Jesu 'daaa' ‑gʋ «'Mɔɔ bä 'flɔɔlʋ sɔa' cɛlɩ» nɩ, 'ia ‑gʋ juifë ‑ŋuŋlowälɩ:

Jaan 6:47

'Tasɩrɩa 'cɩcasa 'n ‑gbala 'amɩ, nyɔɔlɔ toroa' 'mɩ plɛ kä 'klälä 'nyɩa' blöröfa kä.

Jaan 6:48

'Mɔɔ bä 'flɔɔlʋ ‑nyɛɛa' 'klä.

Jaan 6:50

‑Jää 'flɔɔlʋ sɔa' cɛlɩ, nyɔɔ ma ji 'uun 'ɔ ‑pɩ jä.

Jaan 11:26

‑Bɛ nyɔɔ ka bäa' 'lɩ, ‑bɛ 'ɔ toroa' 'mɩ plɛ nɩ, jäjä ‑nëmä 'ɔɔn dɛrɩ ‑a kala 'plɔʋ. ‑Daara ‑plɩɩ 'iin wii?»