Jaan 5:44 - Kuö Dëdrä Jenɛɛsë Rutë

⁴⁴ 'Amɔlɔ nyüüa 'bʋalakʋ käa' 'tʋ, ‑bɛ ünyɩ 'bataa' Nyɔsʋalɔ bäa' 'doo, 'ɔa në 'bʋalakʋ, ‑asɩ 'anya 'mɩ plɛtoro le?

Jaan 5:44 Referans Kwoze

Jaan 12:43

Nyüü ma 'bʋala 'üün nɩ, 'i kä 'üün tʋ, 'kä Nyɔsʋa 'mä 'üün 'bʋala.

Rɔmënyüü 2:29

'Tasɩrɩa juifëlɔ nɩ, 'a nyɔɔlɔ bäa' juifë plɛklɩ; ‑bɛ 'böbökʋlʋ nɩ, plɛa 'böbökʋ bäsaa. 'Ia 'böbökʋlʋ nɩ, 'Nyüna ‑Susu 'uu nö 'iin, ‑maa ‑mää ‑dɔlʋ ‑jɩjraa' ‑a. 'Ia juifënyɔɔlɔ nɩ, ‑mää nyüü 'nyɩ 'bʋala 'ɔɔn ‑maa Nyɔsʋa 'ɔɔ 'bʋala 'ɔɔn.

Filipënyüü 2:3

'Anyɩ nrörö dɛɛ ‑gbakɛklɛkʋ 'lɩ. 'Anyɩ 'bata 'ana 'jäjräkʋ, 'fʋflɛgbi bäsaa. ‑Maa 'ba 'cie 'ana nyüfë 'wʋ ‑bɛ 'ba ‑träärälɩ 'ana ‑mölöö 'sɩrɩ 'ü ‑sia' 'nɩmɩ 'amɩ 'wʋ.

Matiö 23:5

Diili kä 'fɩɔ 'ü nöa', nyüü 'mä ‑gʋ 'üün 'jäjrä. 'Ü kpasra 'üa 'kʋtapra ‑gälɩ nyɔsʋaawii. 'Ü tʋŋlɔ 'üa ‑panëa 'mri ‑gböösa.

1 Piɛɛrë 1:7

‑Sʋɩlɩ nɩ, 'ii srara 'sɩrɩ 'ana nyɔsʋaplɛ bäa' 'cɩcasa ‑bɛ 'ɛ ‑sia' ‑sika 'wʋ. ‑Sika 'mrɛɛ ä bɩa. ‑Bɛ ‑sikalä nɩ, kapu 'lɩ 'ü ‑srörö 'ään 'ämä kpëträ. 'Asɩ 'ana nyɔsʋaplɛ bä bɩa, 'kä ‑srɩlɩ kä 'mlɩ Jesu 'Kriisë 'mäa' ji nɩ, 'amä 'bʋala, 'ümä 'amɩ 'lɩbrɛrɛ, 'amä 'wliklɩbʋala 'ana nyɔsʋaplɛa ‑gʋ.

1 Korɛɛntënyüü 4:5

'Ii känyrɩ 'anyɩ tɩ 'taɩnlɩ ‑trääräa' 'lɩdɛrɩ 'anyɩ ‑tʋ ‑gä. 'Ba ‑glaaa 'Pläkänyɔɔ. Diili ‑sisrea' 'jöjrüükpü 'lɩ nɩ, 'ɔnya 'iin ‑srɩ 'klɩ jaa, 'kä 'ɔnya bobowiili ‑sisrea' nyɔɔa plɛklɩ srara. 'Kä Nyɔsʋa nya nyüü 'bʋala, ‑moloo ‑bɛ 'ɔa 'bʋalakʋ.

Rɔmënyüü 2:10

‑Maa nyɔɔ o nyɔɔ nöa' 'cɩcagbi nɩ, Nyɔsʋa nya 'ɔɔn 'bʋalaa, 'ɔnya 'ɔɔn 'nyrɩ nyra fugbaflɛrɛkʋ ‑nyɩa, kolo juifë ‑gälɩ 'kä 'fɩɔwʋ, ‑a ‑tɔɔ nyüülü 'nyɩa' juifë bä ‑gälɩ.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Lukë 19:17

Nyɔɔlɔ ‑nëma: ‹'I 'na 'mʋfasa, 'cɩca 'jrʋpafɛnyɔɔ ‑bä! ‑Sraraa' 'mɩ 'sɩrɩ bäa' plɛtoronyɔɔ diijie 'lɩ 'n ‑nyɩa' ‑mɩa 'mlɩ nɩ, 'n ‑nyɛɛ ‑mɩ bätë ‑pʋa 'kamakʋ.›

Jaakë 2:1

'Na ‑wlajü 'amɩ, 'amɔ toroa' 'Pläkänyɔɔ Jesu 'Kriisëlɔ 'bʋaa' 'wliklɩ plɛ nɩ, 'anyɩ ‑glɛ nyüü.

Ebröönyüü 3:12

'Na ‑wlajü 'amɩ, 'ba ‑tre 'ana nyüfë! 'Ana ‑tɔrʋpɩɔa nyɔɔ 'nyɩ kä bʋbɔplɛ, plɛlɛ blaraa' nyɔsʋaplɛtorokʋ 'klɩ ‑bɛ ɛ sɔa' 'Lɩbä Nyɔsʋa dɛrɩ.

2 Korɛɛntënyüü 10:18

'Ii känyrɩ, ‑mää nyɔɔlɔ 'kɔlɔa' 'ɔa nyufa nɩ, ‑mää 'ɔɔ 'nyɩ 'wʋsi, ‑maa ‑mɔlɔ 'Pläkänyɔɔ 'kɔlɔa'.

Jaan 17:3

‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

Jaan 8:43

Dɛplɛɛ kä ‑gʋ 'anyɩ 'na 'papawii jre le? 'Be 'anyɩ 'lɩ ‑a bɩa 'amä 'na 'papawii 'nyaklipo.

Jaan 3:20

Nyɔɔ o nyɔɔ nöa' ‑balʋ, 'ɔnyɩ ‑srɩ ‑a ‑wa. 'Ɔ 'nɩ ji bɩa ‑srɩ 'klɩ ‑a, 'ɔa bʋbɔgbili 'ɔ nöa', 'ia ŋalɛ 'blaa 'ɔɔn, 'i ‑pɩ ‑fälɩ blö.

Jaan 5:41

‑Mää nyüü 'nyɩ 'bʋala 'mɩ.

1 Tɛsalonikënyüü 2:6

Anyɩ 'daa abɩa nyüü 'bʋala amɩ 'ana ‑nyɛɛ 'aiɛ ‑pɩɔ ‑mɩdoo. ‑Bɛ a bäa' 'Kriisëa apotrëɩɩ nɩ, a 'mrɛɛ ɩ a ja 'amɩ ana 'kamakʋ ‑gälɩ.

1 Timotee 1:17

'Abɩa 'Taɩn a 'fɩɔ 'lɩa 'Kɩɩ, ɔnyɩ 'cicia', ɔ nyɔɔ 'nyɩ 'jäa' 'wʋ, ɔ bäa' 'Lɩgla Nyɔsʋa 'doo, ɔ 'jrara ‑bɛ ɔ 'bʋala 'plɔʋplɔʋ! 'Asɩ i bä.

Judë 1:25

'Ɔa 'doo bä ana 'Lɩgla Nyɔsʋa, 'ɔɔ ‑srörö Jesu 'Kriisë ana 'Pläkänyɔɔ kälɩ 'ɔnya 'balɩ amɩ mlɩ, a ‑nyɩ 'ɔɔn 'bʋalakʋ, 'wliklɩbʋabʋakʋ, 'klü nyra 'kamakʋ 'taɩn a 'fɩɔ 'lɩ, 'köklesaplɩɩ nyra 'plɔʋplɔʋa ‑gʋ. 'Asɩ i bä!