Jaan 3:7 - Kuö Dëdrä Jenɛɛsë Rutë

⁷ Ama 'daa: ‹'Ba ‑glooro 'wʋ 'sɔɔwʋ› nɩ, 'inyɩ kala ‑mɩ plɛ 'klɩ.

Jaan 3:7 Referans Kwoze

Jaan 3:3

Jesu nya ‑gbala 'ɔɔn: «'Tasɩrɩa 'cɩcasa 'n ‑gbala ‑mɩ, nyɔɔ ma 'nyɩ ‑glooro ‑a ‑glooro 'sɔɔwʋ, 'ɔnyɩ 'lɩ ‑a bɩa ɔ 'jä Nyɔsʋaa 'kamaplä.»

'Nyügälɩjawii 21:27

Diili kä 'fɩɔ plaa' nyüü ‑fre 'lɩ Nyɔsʋaa 'klɩ ‑nëmä bätäläa 'mlɩ ‑a pa, nyüülü nöa' bɩa bʋbɔgbi, ‑bɛ ü käa' ‑gbagblɛ nɩ, 'ü ‑nëmä bätäläa 'mlɩ ‑a pa. Nyüülü kä 'dooa 'nyrɩ ‑jɩjraa' ‑Bablëëjʋa 'kläa ‑pɔɔkʋa 'mlɩ nɩ, 'üa 'doo nëmä 'äa 'mlɩ pa.

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

Ebröönyüü 12:14

‑Yrɛ 'nyɩ bä 'a nyra nyüüa 'fɩɔa ‑tɔrʋpɩɔ, 'kä 'ana 'klä ‑gäääklɩ. Nyɔɔlɔ 'nyɩ nʋa' 'iin nɩ, 'ɔ ‑nëmä 'Pläkänyɔɔ ‑a 'jä.

Kolɔɔsënyüü 1:12

‑Bɛ 'amä Tʋ 'trɛɛ, 'ɔɔlɔ nʋa' 'iin ‑bɛ amäa' ana në 'pɛ ‑jaaa 'mlɩ 'järä, ‑jaalä 'ɔ tɛrɛa' 'nyünanyüülü bäa' 'ɔa në 'napɛ 'lɩ.

Jaan 3:12

'Jä ‑pɩ, ‑tʋtʋ ‑gälɩa wiili 'n ‑gbalaa' 'amɩ, 'anyɩ 'dara 'iin wii ‑a. ‑Asɩ 'anya cɛlɩa ni wii 'dara le?

Jaan 5:28

'I 'nɩ kala 'amɩ plɛ 'klɩ, 'ia 'taɩn jö nyüülü kä 'fɩɔ bäa' 'kuyi 'lɩ nya 'ɔa wii 'wli 'nua,

Jaan 3:6

Dɛɛlɛ nyɔɔ ‑gua' bä nyɔɔa dɛɛ, ‑maa ‑mɛlɛ ‑Susu ‑gua' bä ‑susua dɛɛ.

Jaan 3:8

‑Plɩɩlɩ ‑fʋflʋ ‑waa' 'ii 'u fa, ‑nööö 'ua wii 'wli, ‑maa ‑plɩɩlɩ 'u sɔa', ‑plɩɩlɩ 'u möa' ‑nyɩ 'lɩ ‑a jre. 'Asɩ nyɔɔlɔ ‑glooroa' ‑Susu 'lɩ bä.»