Jaan 3:2 - Kuö Dëdrä Jenɛɛsë Rutë

² 'Ɔɔ ji ‑gbiara Jesu 'jäkalɩ, 'iibä: «Rabii, a jre 'iin, Nyɔsʋa blɔ ‑mɩ ‑mä amɩ 'kpɩa. ‑Saragbia tielë kä 'fɩɔ ‑nöa' nɩ, Nyɔsʋa ma 'nyɩ nyɔɔ dɛrɩ ‑a bä 'ɔnyɩ 'lɩ ‑a bɩa ɔ nʋ 'iin.»

Jaan 3:2 Referans Kwoze

Jaan 5:36

'Mɔɔlɔ nɩ, 'na ‑gä ‑si Jaan a nä 'wʋ. 'Jrʋpalä Tʋ ‑nyɩa' 'mɩ ‑a 'wlaraa', ä 'n ‑fɛɛɛa', 'ää 'saalɩ 'sɩrɩ Tʋ blɔa' 'mɩ.

Akëtë 10:38

'A jre 'iin 'sɩrɩ Nyɔsʋa ‑tʋa' 'Nyüna ‑Susu nyra 'klü Nasarɛɛtënyɔɔ Jesu ‑gälɩ, ‑bɛ 'ɔ ‑nyɩa' 'ɔɔn 'klü, 'sɩrɩ 'ɔ ‑sröröa' ‑tʋtʋa 'fɩɔ ‑gälɩ, 'ɔ nöa' 'mʋfagbi ‑bɛ 'ɔ ‑futoa' nyüülü kä 'fɩɔ ma bäa' Sataan a ‑goou; 'be Nyɔsʋa bä kä 'ɔɔn dɛrɩ.

Akëtë 2:22

«'Ba po 'mɩ 'nyakli 'cɩcasa Israɛɛlënyüü 'amɩ! Nyɔsʋa srara 'amɩ 'sɩrɩ Nasarɛɛtënyɔɔ Jesu bäa': Nyɔsʋa ‑srörö 'ɔɔn kälɩ 'ɔnya nrörö 'ana ‑tɔrʋpɩɔ Nyɔsʋaa 'klü, plɛklɩkalawii nyra ‑saragbia tie; 'ana 'mʋgbɛ jre 'imɩ.

Jaan 9:16

Nyɔɔlɔ nʋa' 'saa 'ɔ ‑gbalaa' 'üün nɩ, 'iibäa' Farisinyüü 'doorodoo nɩ: «‑Mää Nyɔsʋa 'nyɩ nyɔɔlɔ kʋa' ‑pɩ blɔ; 'ɔnyɩ ‑träärälɩ ‑fʋflʋpasrɩ ‑a.» ‑Mölöö nö: «‑Balʋnyɔɔ 'plɛɛ 'mä 'samaa ‑saragbia tielɛ nʋ le?» 'Ünya 'bölötɩa.

Jaan 12:37

‑Saragbia tielë kä 'fɩɔ Jesu nʋa', 'ü 'jä 'iin, ‑maa 'asɩɛ 'ünyɩ toro 'ɔɔn plɛ ‑a.

Jaan 1:38

Jesu ‑siea' kälɩ ‑bɛ 'ɔ 'jäa' 'üün nɩ, 'ɔnya 'bete 'üün: «Dɛplɛɛ 'a 'bata le?» 'Ünya 'bete 'ɔɔn: «Rabii, ‑a 'plɛɛ kʋ le?» Rabiia ‑gbaa bä «'Kpɩkpɩanyɔɔ».

Matiö 22:16

'Ünya blɔ 'üa 'wʋnyɛrɛnyüü nyra Erɔɔdëa nyüü Jesu dɛrɩ, ü 'bete 'ɔɔn: «'Kpɩkpɩanyɔɔ, a jre 'iin 'sɩrɩ ‑saaa' 'lɩ 'cɩcasa, ‑bɛ ‑kpɩaa' 'cɩcasa Nyɔsʋaa 'nyʋfɔ. Nyɔɔ 'nyɩ ‑mɩ ŋalɛ 'wʋ ‑a kä, ‑nyɩ ‑gbasa nyüü 'lɩ ‑a.

Jaan 7:31

‑Jrialɩanyüü 'kɔkɔmlɛ toro 'ɔɔn plɛ. 'Ü 'bete 'üa nyüfë: «'Taɩn 'lɩ 'Kriisëlɔ 'mäa' ‑srɩɩ ji, 'kä 'ɔa në ‑saragbia tielë nya ‑srɩɩ nyɔɔlɔ kʋa' ‑pɩa ni 'wʋsi ‑ale?»

Jaan 20:16

Jesu nya we 'ɔɔn: «Marii!» 'Ɔ ‑siea' kälɩ, 'ɔnya 'pa Ebrööwii 'ɔ ‑nëma: «Rabuni!» 'Ia ‑gbaa bä «'Kpɩkpɩanyɔɔ.»

Jaan 15:24

Ama 'nyɩ ɩ 'üa ‑tɔrʋpɩɔ 'jrʋpa ‑a ‑fɛɛɛrɛ, ä nyɔɔ ‑kaapɩɔa' ‑fɛ nɩ, ‑balʋ ‑nëmä ɩ 'üün 'lɩ ‑a bä. ‑Maa 'köklesaplɩɩ ɔ nɩ, 'ü 'jä 'ään, ‑bɛ 'ü jrara 'mɔɔ ‑bɛ 'na Tʋ 'nyüamlɩ.

Jaan 3:26

'Ünya ji ‑tɛ Jaan bäa', 'iibä: «Rabii, ‑jää nyɔɔlɔ nyra 'ɔɔ bäa' ‑mla Jurëdɛɛn a 'wlugba, ɔ kä ‑gä ‑paaa', ‑jää 'ɔɔ 'paa nyüü 'nɩ 'wli. 'A 'ɔa ‑nyɛɛ nyüüa 'fɩɔ mö.»

Marëkë 12:14

'Ünya ji Jesu 'bete: «'Kpɩkpɩanyɔɔ, a jre 'sɩrɩ ‑saaa' 'lɩ 'cɩcasa, ‑bɛ ‑kpɩaa' 'cɩcasa Nyɔsʋaa 'nyʋfɔ. Nyɔɔ 'nyɩ ‑mɩ ŋalɛ 'wʋ ‑a kä, ‑nyɩ ‑gbasa nyüü 'lɩ ‑a. A kä amä Sesaa dapoo kälɩ 'pɛɛrɛ? ‑Yɛɛ ‑ale 'Woo?»

Filipënyüü 1:14

‑Wlajü 'kɔkɔmlɛlü bäa' 'Kriisë 'lɩ 'nua' 'sɩrɩ 'n bäa' ‑jie 'lɩ nɩ, 'inya 'papla 'sɔɔwʋ 'Pläkänyɔɔa plɛtorokʋ ‑gälɩ, 'ünya 'pa 'nɩmɩ 'üa nyüfë 'klü 'lɩ 'klaasɔɔwʋ 'ümä nyüü nyɔsʋaawii ‑gba 'pala; ŋalɛ 'nyɩ 'üün 'bla ‑a 'bla.

Matiö 23:7

'Ü ‑wa abɩa nyüü 'trɛɛ 'üün ‑saplɛ 'klɩ, 'kä 'ü were 'üün Rabii, Rabii.

Matiö 23:8

«‑Maa 'amɔlɔ nɩ, 'kpɩkpɩanyɔɔ 'doo 'a kä, 'ɔɔ bä 'Kriisë, 'ii känyrɩ 'anyɩ 'nyie 'ünyɩ 'dara 'amɩ Rabii. 'Ana 'fɩɔ bä ‑wlajü.

Jaan 2:11

'A Jesua 'klɩsa ‑saragbia tielɛ ‑kätɩ 'ɔ nröröa' Kanaa, Galileea ‑tʋtʋ ‑gälɩ. 'Asɩ 'ɔ srara 'ɔa 'wli 'klɩ 'bʋabʋakʋ, 'ɔa 'wʋnyɛrɛnyüü nya toro 'ɔɔn plɛ.

Jaan 4:31

'Ɔa 'wʋnyɛrɛnyüü 'soso 'ɔɔn 'wʋ bɩa: «Rabii, jidɛɛ.»

Jaan 6:2

‑Saragbia tielë 'ɔ nöa' ‑bɛ 'ɔ 'pʋɔa' ‑wusublanyüü, 'ia ‑gʋ nyüü 'kɔkɔmlɛ prɛ 'ɔɔn dɛrɩ.

Jaan 10:38

‑Maa ama ‑fɛ 'ään nɩ, ‑bakää 'ama ‑nëmä 'mɩ plɛtoro nɩ, 'jrʋpalä 'n ‑fɛɛɛa' nɩ, 'ba toro 'ään plɛ 'amä 'saa jre Tʋ bä 'mɩ 'lɩ ‑bɛ 'n bä 'ɔɔn 'lɩ.»

Jaan 14:10

'Sɩrɩ 'n bäa' Tʋ 'lɩ ‑bɛ Tʋ bäa' 'mɩ 'lɩ nɩ, ‑nyɩ 'dara 'iin wii ‑a 'la? Wiili 'n ‑gbalaa' 'amɩ nɩ, ‑mää 'na 'doo plɛ 'klɩ 'nyɩ 'ba 'imɩ. Tʋlɔ bäa' 'mɩ 'lɩ nɩ, 'ɔɔ ‑fɛɛɛ 'jrʋpa.