Jaan 3:15 - Kuö Dëdrä Jenɛɛsë Rutë

¹⁵ ‑bɛ ü kä 'fɩɔ toroa' 'ɔɔn plɛ ‑pɩ jä, ‑maa 'ümä 'klälä 'nyɩa' blöröfa kä 'jä.

Jaan 3:15 Referans Kwoze

Jaan 3:16

'Be Nyɔsʋa ‑wa 'plä ‑gböösa, 'ɔnya 'sa 'ɔa 'jʋ 'doo 'doo, 'ia ‑gʋ nyɔɔ o nyɔɔ toroa' 'ɔɔn plɛ ‑pɩ jä, ‑maa 'ɔmä 'klälä 'nyɩa' blöröfa kä 'jä.

Jaan 6:40

Wiili 'na Tʋ blɔa' 'mɩ 'bataa' nɩ, 'iibä: nyɔɔ o nyɔɔ 'jäa' 'Jʋ, ‑bɛ ɔ toroa' 'ɔɔn plɛ nɩ, ɔ 'jää 'klälä 'nyɩa' blöröfa kä, ‑bɛ 'pläa bɩarafa 'wʋ 'mä 'üün 'kuaabre 'ba.»

Jaan 3:36

Nyɔɔlɔ toroa' 'Jʋ plɛ nɩ, 'ɔ kä ‑wɩara 'klä; nyɔɔlɔ 'nyɩ toroa' 'Jʋ plɛ nɩ, 'ɔ ‑nëmä 'klä ‑a 'jä, ‑maa Nyɔsʋaa 'crɛ bä 'ɔɔn ‑gälɩ 'plɔʋplɔʋ.»

Jaan 20:31

‑Mɩlɩ kʋa' ‑pɩ nɩ, 'i ‑jɩjra 'kä 'amä 'saa jre Jesu bä 'Kriisë. 'Ɔ bä Nyɔsʋaa 'Jʋ, 'ama toro 'ɔɔn plɛ, 'amä 'klä 'jä 'ɔa 'nyrɩklɩ.

1 Jaan 5:1

Nyɔɔ o nyɔɔ jrea' 'saa Jesu bä 'Kriisë nɩ, Nyɔsʋaa 'jʋ 'ɔ bä. Nyɔɔ o nyɔɔ ‑waaa' Tʋ nɩ, 'ɔ ‑waaa' bɩa 'ɔa 'Jʋ.

Ebröönyüü 7:25

'A 'ia ‑gʋ 'ɔ 'mrɛɛ ɔ 'pʋɔ bɩa 'plɔʋplɔʋa ‑gʋ nyüülü ‑sröröa' 'ɔɔn kälɩ ü 'bataa' Nyɔsʋaa ‑gbajijrökʋ, 'be 'ɔ bälɩ 'plɔʋplɔʋa ‑gʋ 'ɔmä 'üa 'wlili bibie.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Jaan 6:47

'Tasɩrɩa 'cɩcasa 'n ‑gbala 'amɩ, nyɔɔlɔ toroa' 'mɩ plɛ kä 'klälä 'nyɩa' blöröfa kä.

Jaan 1:12

‑Mülü kä 'fɩɔ 'nyierea' 'iin 'klɩ, ü toroa' 'iin plɛ nɩ, 'i nrörö 'üün Nyɔsʋaa 'tasɩrɩa 'jü 'lɩ.

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Lukë 19:10

Nyɔɔa 'Jʋ ji 'ɔmä nyüülü 'mɔlɔa' 'bata, 'ɔmä 'üün 'pʋɔ.»

Galaatënyüü 2:16

‑Bɛ a jre 'iin 'sɩrɩ ‑dɔa 'lɩträräkʋ 'nyɩ ‑gä 'a amɩ 'klɩ Nyɔsʋaa 'klɔɔtrʋ. ‑Maa Jesua plɛtorokʋ 'lɩ nyɔɔ ‑srörö 'kä 'ɔ ‑gäääklɩ Nyɔsʋaa 'klɔɔtrʋ. Ana 'mʋgbɛlɔ nɩ, Jesu 'Kriisë a toroplɛ, 'a 'ɔa plɛtorokʋa ‑gʋ Nyɔsʋa nya 'mä amɩ 'jä ‑beere 'klɩgänyüü. ‑Maa ‑mää 'kä ‑dɔa 'lɩträäräkʋa ‑gʋ ‑a. 'Be ‑mää ‑dɔa 'lɩträäräkʋ Nyɔsʋa 'nyɩ tɛklɩ ‑bɛ 'ɔnyɩ 'daa nyɔɔlɔ kʋa' ‑pɩ ‑gäklɩ.

1 Jaan 2:25

‑Bɛ dɛɛlɛ 'ɔ 'daaa' 'ɔmäa' amɩ ‑nyɩ nɩ, 'ɛɛ bä 'klälä 'nyɩa' blöröfa kä.

Ebröönyüü 10:39

Amɔlɔ nɩ, anyɩ nyüülü 'nyɛnyrɛa' ‑gälɩ ‑bɛ ü 'mɔlɔa' ‑a bä. Nyüülü käa' nyɔsʋaplɛ, ü 'wʋa' 'lɩmlɩ, 'ia nyüü a bä.

Akëtë 8:36

'Ü möa' a 'doo nɩ, 'ünya 'tɔ 'nie 'dee ‑gba. Nyɔɔlɔ ‑nëma: «‑Jää 'nie, 'nyɩ 'lɩ ‑a bɩa ‑a 'pala 'nɩwli?»

Marëkë 16:16

Ɔ nëmäa' 'ään wii 'dara, ‑bɛ 'ümäa' 'nɩ 'wli 'pa, 'ɔnya 'lɩmlɩwʋa. ‑Maa ‑mɔlɔ ‑nëmäa' 'ään wii 'dara, Nyɔsʋa nya 'ɔɔn 'pɔnɩa.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

2 Korɛɛntënyüü 4:3

‑Maa 'Mʋfagogolä a 'saaa' ma ‑sisie 'kä ‑mölööa ‑gʋ nɩ, 'abɩa nyüülü 'mɔlɔa', 'üü bobo ‑maa 'ä ‑sisie.

1 Korɛɛntënyüü 1:18

Nyüülü faa' 'mɔlɔnyʋfɔ ma 'jä 'Kriisëa krʋagälɩjäräwii nɩ, saklawii 'ü 'dara 'iin. ‑Maa amɔlɔ 'wʋa' 'lɩmlɩ nɩ, a jre 'iin 'sɩrɩ 'i bäa' Nyɔsʋaa 'klü.

Rɔmënyüü 5:21

‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

Akëtë 13:41

'Ba ‑pʋpɔ, nyüüsrörönyüü 'amɩ, abɩa 'ana plɛklɩkala 'kä 'a saka! 'Nyaa 'ana ‑srɩa 'mlɩ 'jrʋpa ‑fɛɛɛrɛa, ‑bɛ 'jrʋpalä 'nëmäa' ‑fɛ nɩ, nyɔɔ ma ‑gbala 'amɩ nɩ, 'a ‑nëmä 'nɩmɩ 'iin wii 'wʋ ‑a 'ba !»

Matiö 18:10

«'Ba ‑tre 'ana nyüfë ‑bɛ 'anyɩ 'pa 'ia ‑tɔrʋpɩɔa 'jʋ 'doo sawʋ, 'be 'n ‑gbala 'amɩ: 'üa 'aanjëlü bäa' cɛlɩ, 'ü kʋ 'na Tʋlɔ bäa' cɛlɩ, 'ɔa 'klɩ 'plɔʋplɔʋ.

Jaan 16:33

Wiili kä 'fɩɔ 'n ‑gbalaa' 'amɩ nɩ, 'amä 'mɩ 'lɩ kʋ, ‑bɛ 'ana plɛ ‑gälɩ 'mä flɛrɛ. 'Plä nya 'amɩ bʋbɔgbi ‑gba nʋa, ‑maa 'ba ‑sɔɔrɔwʋ, 'nyaa 'plä du.»

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Jaan 6:27

«'A 'nɩ ‑fɛ 'jrʋpa jijrili ‑fɛɛɛa' 'ia ‑gʋ, ‑maa 'ba ‑fɛ 'jrʋpa ‑mɩlɩ bäa' ‑wɩara 'klä 'ia ‑gʋ, i Nyɔɔa 'Jʋ 'mäa' 'amɩ ‑nyɩ. 'Ɔɔ Tʋ Nyɔsʋa ‑nyɩ 'ɔa 'klü.»