Jaan 21:3 - Kuö Dëdrä Jenɛɛsë Rutë

³ Simɔɔ Piɛɛrë ‑nëma: «Fɩakalɩ 'n mö.» 'Iibäa' 'üa 'fɩɔ nɩ: «A nyra ‑mɔ mö.» 'Ünya 'jra ‑gɔlʋ 'doo 'lɩ, ‑maa 'ia ‑gbialäa 'mlɩ nɩ, 'ünyɩ dɛɛ ‑a fɩa.

Jaan 21:3 Referans Kwoze

Lukë 5:5

'Iibäa' Simɔɔ nɩ: «'Kamanyɔɔ, anyɩ 'mʋmɔ ‑a 'mʋmɔ ‑gbiara, a fɩafɩa anya sɩa, anyɩ dɛɛ ‑a 'jä. ‑Maa ‑gbaa' 'iin nɩ, 'nyaa ‑tata bea.»

1 Tɛsalonikënyüü 2:9

'Na ‑wlajü 'amɩ, 'jrʋpalä a ‑fɛa', 'sɩrɩ a sɩaa', 'n jresaa 'a ‑kaaŋlʋ 'iin ‑trɔ: ‑srɩ ‑bɛ ‑gbia kɔsɔ, a ‑fɛɛɛ 'jrʋpa a ‑pɩ 'ana nyɔɔ 'doo 'wli kʋ. 'Asɩ a 'sara 'lɩ 'amɩ Nyɔsʋaa 'Mʋfagogo.

1 Korɛɛntënyüü 3:7

'Ii känyrɩ, nyɔɔlɔ plaa' 'uun ‑bɛ ‑mɔlɔ 'papaa' 'uun 'nɩ ‑gba 'nyɩ dɛɛ ‑a nʋ. Nyɔɔlɔ 'ɔ nʋa' dɛɛ nɩ, 'ɔɔ bä Nyɔsʋa, 'be 'ɔɔ 'bʋala 'uun.

1 Korɛɛntënyüü 9:6

'Aiɛ, 'mɔɔ ‑bɛ Banabasë 'nyɩ kä ‑a kä amä 'jrʋpa ‑fɛ?

Akëtë 20:34

'Ana 'fɩɔ jre 'iin, 'na wlu 'uu ‑fɛɛɛ 'jrʋpa ‑bɛ 'n 'paa 'mɔɔ ‑bɛ nyüülü 'nyraa 'üün 'nyɛɛa' a ‑gä.

Akëtë 18:3

‑Bɛ 'ü nyra 'ɔɔn ‑fɛɛɛa' 'jrʋpa 'döö nɩ, 'ɔ nyra 'üün nya kʋwälɩ, 'ɔnya ‑fɛjrʋpa. 'Üa 'jrʋpalä 'ü käa' nɩ, mlafia ‑tetu 'ü ma 'paa.

Jaan 21:4

‑Srɩ jö 'lee, ‑bɛ Jesu bä 'kɔtʋmlɩ, ‑maa 'wʋnyɛrɛnyüü 'nyɩ 'sa ‑a jre 'sɩrɩ 'i bäa' 'ɔɔn.