2 'Ɔ 'jäa' 'iin nɩ, 'ɔnya fɔ, 'ɔnya mi Simɔɔ Piɛɛrë nyra 'wʋnyɛrɛnyɔɔlɔ Jesu ‑waa' ‑gbala, 'ɔ ‑nëma: «'Ü 'a 'Pläkänyɔɔ 'kuyu 'lɩ 'ba, ‑plɩɩlɩ 'ü ‑tʋa' 'ɔɔn anyɩ 'lɩ ‑a jre.»
Nyɔɔlɔ Jesu ‑waa' ‑gböösa nɩ, 'ɔ kʋ ‑plɩɩ Jesua ‑gba.
'Ünya 'bete 'ɔɔn: «'Ŋlʋʋ, dɛplɛɛ ‑bɛ ‑wuuö le?» 'Ɔ ‑nëma: «'Na 'Pläkänyɔɔ 'ü 'balɩ, ‑bɛ ‑plɩɩlɩ 'ü faa' 'ɔɔn 'nyɩ 'lɩ ‑a jre.»
'A 'wʋnyɛrɛnyɔɔ 'doolɔ nɩ, 'ɔɔ 'jä wiili kä 'fɩɔ kʋa' ‑pɩ, 'ɔɔ ‑jɩjra bɩa 'iin, ‑bɛ a jre 'iin 'sɩrɩ wiili 'ɔ 'saalɩ bäa' 'cɩcasa.
'Wʋnyɛrɛnyɔɔlɔ Jesu ‑waa' nya ‑gbala Piɛɛrë: «'Pläkänyɔɔ bäsaa!» Simɔɔ Piɛɛrë 'nua' 'sɩrɩ 'i bäa' 'Pläkänyɔɔ nɩ, ‑bɛ 'ɔnyɩ ɩa' 'kotu 'lɩpa nɩ, 'ɔnya pa 'uun 'lɩ, 'ɔnya bere 'ɔa nyufa 'nie 'lɩ.
Jesu 'järäa' 'ɔa 'yioa ‑gba 'ɔa 'wʋnyɛrɛnyɔɔlɔ 'ɔ ‑waa' nɩ, 'ɔnya ‑gbala 'ɔa 'yio: «'Ŋlʋʋ o, ‑jää ‑na 'jʋ.»
Piɛɛrë ‑siea' kälɩ nɩ, 'ɔ 'jä 'wʋnyɛrɛnyɔɔlɔ Jesu ‑waa'. 'A 'wʋnyɛrɛnyɔɔlɔ fala käa' Jesu 'wli ‑gba 'taɩn 'doo 'lɩ 'ü jö käa' dɛɛ, ‑bɛ ɔ 'bete käa' 'ɔɔn: «'Pläkänyɔɔ, nyɔɔ 'plɛɛ 'mä ‑mɩ 'sa le?»
Jesu nya 'bete 'ɔɔn: «'Ŋlʋʋ, dɛplɛɛ kä ‑gʋ ‑wuuö le? Nyɔɔ 'plɛɛ ‑baata le?» 'Ɔa plɛɛ nyɔɔlɔ ‑fɛɛɛrɛa' putulua 'mlɩ 'jrʋpa 'ɔɔ 'bete 'ɔɔn, 'iibä: «'Na nyɔɔ, ‑ama fa 'ɔɔn nɩ, srara 'mɩ ‑plɩɩlɩ ‑tʋa' 'ɔɔn, 'mä 'ɔa 'klɛɛ mi.»
'Ia 'taɩn 'lɩ nɩ, wiili ‑jɩjraa' nyɔsʋapɔɔkʋ 'lɩ 'sɩrɩ Jesu 'mäa' 'kuaabre sɔ, 'ü ‑kaaŋlʋ 'ia ‑gbaa 'wli ‑a 'nu.