Jaan 20:16 - Kuö Dëdrä Jenɛɛsë Rutë

¹⁶ Jesu nya we 'ɔɔn: «Marii!» 'Ɔ ‑siea' kälɩ, 'ɔnya 'pa Ebrööwii 'ɔ ‑nëma: «Rabuni!» 'Ia ‑gbaa bä «'Kpɩkpɩanyɔɔ.»

Jaan 20:16 Referans Kwoze

Jaan 10:3

Ɔma ji nɩ, nyɔɔlɔ ‑glaaraa' ‑glɔ ‑gälɩ 'saa 'ɔɔn tatu 'klɩ, 'kä ‑bablëë 'nöö 'ɔa mlɩa wii 'wli. 'Ɔ we 'ɔa nɩ ‑bablëëa 'nyrɩ, 'kä 'ɔ fa 'üün ‑fälɩ.

Jaan 1:38

Jesu ‑siea' kälɩ ‑bɛ 'ɔ 'jäa' 'üün nɩ, 'ɔnya 'bete 'üün: «Dɛplɛɛ 'a 'bata le?» 'Ünya 'bete 'ɔɔn: «Rabii, ‑a 'plɛɛ kʋ le?» Rabiia ‑gbaa bä «'Kpɩkpɩanyɔɔ».

Akëtë 10:3

Jrüü 'doo 'lɩ ‑bɛ 'jrʋ möa' ‑gbiajrʋ ‑wälɩ nɩ, Nyɔsʋa nya jaa 'ɔɔn sanyü 'nyü ‑gälɩ. 'Ɔnya 'jä Nyɔsʋaa 'aanjë; 'aanjëlɔ nya pa 'ɔa ‑nyɛɛ, 'ɔnya we 'ɔɔn: «Kɔrënɛɛyë!»

Akëtë 9:4

'Ɔnya blö ‑bɛ 'ɔ 'nöö mlɩa wii 'wli ‑bɛ 'i nö: «Sɔɔlë, Sɔɔlë, dɛplɛɛ kä ‑gʋ ‑nö 'mɩ ‑gbigba le?»

Jaan 6:25

'Ü jräa' 'ɔɔn 'niea 'wlugba nɩ, 'ü ‑nëma: «Rabii, 'taɩn 'plɛɛ 'lɩ ‑ji ‑tɛ le?»

Jenɛɛsë 22:11

'a ‑plɩɩ Yawea 'aanjëa wii ja cɛ 'lɩ, 'ɔnya we 'ɔɔn dɛrɩ: «Abraamë! Abraamë!» 'Iibäa' 'ɔɔn: «'N bä ‑plɩɩ.»

Jaan 20:28

Tomaa ‑nëma: «'Na 'Pläkänyɔɔ ‑bɛ 'na Nyɔsʋa!»

Jaan 13:13

'A were 'mɩ ‹'Kpɩkpɩanyɔɔ nyra 'Pläkänyɔɔ›, 'a jre 'iin 'anya we 'iin, 'ɔɔ 'n bä.

Jaan 11:28

Marëtë nʋa' ‑plɩɩ 'saa 'ɔ 'saalɩ nɩ, 'ɔnya mi, 'ɔnya we 'ɔa ‑wladia Marii. 'Ünya bereklɩ, 'ɔnya ‑gbala 'ɔɔn: «'Kpɩkpɩanyɔɔ 'a ji, 'ɔ 'bete ‑na ‑gʋ.»

Jaan 5:2

‑Bɛ ‑nyɛɛ Jerusalɛɛmë 'lee nɩ, 'nie 'dee bä ‑plɩɩ, ‑bablëëa palafawʋa ‑gba, 'ɛɛ 'ü 'dara Bɛtɛsëdaa Ebrööwii 'lɩ. 'Ɛa ‑gba bä papu ‑gböö.

Jaan 3:2

'Ɔɔ ji ‑gbiara Jesu 'jäkalɩ, 'iibä: «Rabii, a jre 'iin, Nyɔsʋa blɔ ‑mɩ ‑mä amɩ 'kpɩa. ‑Saragbia tielë kä 'fɩɔ ‑nöa' nɩ, Nyɔsʋa ma 'nyɩ nyɔɔ dɛrɩ ‑a bä 'ɔnyɩ 'lɩ ‑a bɩa ɔ nʋ 'iin.»

Jaan 1:49

'Iibäa' Natanaɛɛlë nɩ: «Rabbi, Nyɔsʋaa 'Jʋ bä! Israɛɛlëa 'kɩɩ bä!»

Lukë 10:41

Jesu nya ‑gbala 'ɔɔn: «Marëtë, Marëtë, ‑na plɛ ‑taaralɩ, ‑bɛ ‑fɛɛɛ 'jrʋpa 'kɔkɔmlɛ dii 'kɔkɔmlɛa ‑gʋ.

Matiö 14:27

'A ‑plɩɩ Jesu kʋ dotro 'ɔnya ‑gbala 'üün: «'Ba 'pa plɛ 'mlɩ, ŋalɛ 'nyɩ 'bla 'amɩ, 'mɔɔ bäsaa.»

Jenɛɛsë 45:12

«'Ana 'nyü nyra 'na ‑wlajʋ Bɛnjamɛɛa 'nyü 'jä 'mɩ 'wʋ, 'sɩrɩ 'na 'mʋgbɛ 'mɔɔ 'paaa' wii.

Jenɛɛsë 22:1

'Ia 'fɩɔ ‑sia' nɩ, Nyɔsʋa nya tɛlɩ Abraamë, 'ɔnya we: «Abraamë!» 'Ɔnya 'nyie: «'N bä ‑plɩɩ.»

Marëkë 10:51

'Iibäa' Jesu nɩ: «‑Asɩ ‑baata ‑a nʋ ‑mɩ le?» 'Iibäa' 'nɔnɔnyɔɔlɔ nɩ: «Rabii, ‑a 'jäkä.»