Jaan 2:19 - Kuö Dëdrä Jenɛɛsë Rutë

¹⁹ 'Iibäa' Jesu nɩ: «'Ba ‑gblooo Nyɔsʋaanyuku kpakulu kʋa' ‑pɩ, ‑bɛ 'mä 'uun 'jrara jrüü tääa 'mlɩ.»

Jaan 2:19 Referans Kwoze

Marëkë 14:58

«A 'nu, i ja 'ɔa mlɩ ‑maa: ‹'Nyaa Nyɔsʋaanyukulu kʋa' ‑pɩ u nyɔɔ 'paa' ‑gbloooa, 'kä 'nyaa ‑moloo 'pa jrüü tääa 'mlɩ, u nyɔɔ ‑nëmäa' 'pa.› »

Marëkë 15:29

‑Sisinyüü ‑gbata 'wli ‑bɛ 'ü ‑jejre 'ɔɔn ‑bɛ 'ü nö: «‑A si ‑a 'jä! ‑Mɔ ‑gbloooa' Nyɔsʋaanyuku kpaku ‑bɛ ɔ 'paa' 'uun jrüü tääa 'mlɩ nɩ,

Matiö 27:40

‑bɛ 'ü nö: «‑Mɔ ‑gbloooa' Nyɔsʋaanyuku kpaku ‑bɛ ɔ 'paa' 'uun jrüü tääa 'mlɩ nɩ, ‑ama bä Nyɔsʋaa 'Jʋ nɩ, 'balɩ ‑na nyufa mlɩ, 'kä ‑ciie krʋa ‑gälɩ!»

Matiö 12:40

'N ‑gbaa' 'iin nɩ, 'sɩrɩ Jonaasë ‑si käa' ‑sre kpakia 'mlɩ jrüü tää, ‑gbia tää nɩ, 'asɩ Nyɔɔa 'Jʋ 'mä ‑tʋtʋa mlɩ jrüü tää, ‑gbia tää ‑si.

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

Akëtë 3:15

'A 'bla 'Kläa Käkänyɔɔ. ‑Maa Nyɔsʋa 'ba 'ɔɔn jäjäa ‑tɔrʋpɩɔ, ana 'mʋgbɛ nya nʋ 'nyü anya 'jä 'imɩ.

Akëtë 2:32

'A Jesulɔ nɩ, 'ɔɔ Nyɔsʋa 'ba jäjäa ‑tɔrʋpɩɔ, ana 'fɩɔ nya 'jä 'ɔɔn.

Akëtë 2:24

Nyɔsʋa nya 'ba 'ɔɔn jäjä nyra jäjäa mɩmɩakʋ 'lɩ; jäjä nya 'nyɩ 'mrɛɛ 'ämä 'ɔɔn dɛrɩkala.

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

Rɔmënyüü 6:4

‑Bɛ 'a 'nɩwlipapakʋ 'lɩ a nyra 'Kriisë järä 'wʋ, 'ünya ‑träärä amɩ ‑pɩɔ 'doo 'wʋ. 'Ü 'pa amɩ 'nɩwli amä 'klä dëdrä ‑gälɩ 'nyɛrɛ 'sɩrɩ Tʋa 'wliklɩbʋabʋakʋ 'lɩ 'ɔ 'baa' 'Kriisë jäjänyüüa ‑tɔrʋpɩɔ.

Jaan 11:25

Jesu nya ‑gbala 'ɔɔn: «'Mɔɔ bä 'kubreasɔsɔkʋ, 'nyaa bä 'klä. Nyɔɔlɔ toroa' 'mɩ plɛ nɩ, 'ɔnya 'lɩbäa ‑bakää 'ɔ jä.

Marëkë 8:31

Jesu 'bala 'ɔa 'wʋnyɛrɛnyüüa 'kpɩkpɩakʋ 'sɩrɩ 'ɔɔ Nyɔɔa 'Jʋ käa' 'ɔmäa' ‑sʋɩ 'jä ‑gböösa, 'sɩrɩ juifëa tagbü, ‑gbɔsapɛrɩnyüü kpakü, nyra ‑dɔkpɩanyüü nya 'ɔɔn 'nyüamlɩjraraa; 'ünya 'ɔɔn 'blaa, 'kä 'ɔnya 'kuaabre sɔ jrüü tääa ‑srɩ 'lɩ.

Kolɔɔsënyüü 2:12

'A 'palaa' 'nɩwli nɩ, 'amɔ ‑bɛ 'Kriisë 'sɔ 'ü ‑träärä ‑pɩɔ 'doo 'wʋ, 'anya toro Nyɔsʋaa 'klülü 'baa' 'ɔɔn jäjäa 'bre plɛ, 'a 'ia ‑gʋ 'a nyra 'ɔɔn sɔ 'kuaabre.

1 Korɛɛntënyüü 15:12

‑Bɛ a ‑gbalaa' 'amɩ ‑ma 'Kriisë sɔ 'kuaabre nɩ, dɛplɛɛ kä ‑gʋ 'ana ‑tɔrʋpɩɔa ‑mölöö nö jäjänyɔɔ 'nyɩ sɔwʋ ‑ale?

Rɔmënyüü 4:24

ana ‑gʋ 'ä 'pala bɩa, amɔlɔ Nyɔsʋa 'mäa' ‑gbala a bä bɩa 'klɩgänyüü, amɔ toroa' nyɔɔlɔ 'baa' ana 'Pläkänyɔɔ Jesu jäjäa 'mlɩ plɛ.

Akëtë 3:26

'Amɔ ‑kätɩ Nyɔsʋa srara 'ɔa 'jrʋpafɛnyɔɔ 'ɔnya ja 'amɩ 'ɔɔn. 'Ɔ ja 'ɔɔn 'ɔmä nyüü 'nɩpa, 'ɔmä 'iin nʋ ‑moloo ma bälɩ 'ɔmä 'lɩ 'ɔa bʋbɔgbi ‑gälɩtoro.»

Jaan 5:19

Jesu nya 'patä 'ɔnya ‑gbala 'üün: «'Tasɩrɩa 'cɩcasa 'n ‑gbala 'amɩ, 'Jʋa 'doo 'nyɩ 'lɩ ‑a bɩa 'ɔ nʋ dɛɛ, wiili Tʋ nʋa' 'ɔ 'jäa' 'ii 'ɔ nö: wiili kä 'fɩɔ Tʋ nöa', 'asɩ 'Jʋ nö bɩa 'iin.

Matiö 27:63

'Ünya ‑gbala 'ɔɔn: «'Kamanyɔɔ, ‑taa ‑gbagblɛnyɔɔlɔ nɩ, 'taɩn 'lɩ 'ɔ ‑ka bä ɩa' 'lɩ nɩ, 'ɔ nɩnɩa kä: ‹Tääa në jrüüa ‑srɩlɩ 'nyaa 'kuaabre sɔa.›

Matiö 16:21

'Bala ‑plɩlɩ ɔ nɩ, Jesu ‑gbala 'ɔa 'wʋnyɛrɛnyüü 'sɩrɩ 'ɔ käa' 'ɔmäa' Jerusalɛɛmë mi, ‑bɛ 'ɔmäa' ‑sʋɩ 'jä ‑gböösa; juifëa tagbü, ‑gbɔsapɛrɩnyüü kpakü nyra ‑dɔkpɩanyüüa ‑gʋ; 'sɩrɩ 'ümäa' 'ɔɔn 'blaa ‑bɛ 'ɔmäa' 'kuaabre sɔ 'ia jrüü tääa ‑srɩ 'lɩ.

Akëtë 6:14

a bä ‑plɩɩ ‑bɛ 'ɔ 'daa ‑maa Nasarɛɛtënyɔɔ Jesu nya ‑plɩɩlɩ kʋa' ‑pɩ ‑gbloooa, 'kä 'ɔnya ‑Dɔlʋ Moisë ‑nyɩa' amɩ 'cici.»