Jaan 19:6 - Kuö Dëdrä Jenɛɛsë Rutë

⁶ ‑Gbɔsapɛrɩnyüü kpakü nyra 'üa 'sʋgɩa 'jäa' 'ɔɔn dotro nɩ, nyüüa 'fɩɔ nya 'klerewʋ: «Kolo 'ɔɔn krʋa ‑gälɩ! Kolo 'ɔɔn krʋa ‑gälɩ!» Pilatë nya ‑gbala 'üün: «'Ana 'mʋgbɛ 'ba fa 'ɔɔn 'amä 'ɔɔn ko; ‑balʋlʋ 'ɔ nʋa', 'mɔɔlɔ nɩ, 'nyɩ 'jä 'uun 'wʋ ‑a.»

Jaan 19:6 Referans Kwoze

Jaan 18:31

Pilatë 'jäa' 'iin nɩ, 'ɔ ‑nëma: «'N! 'Ana 'mʋgbɛ 'ba fa 'ɔɔn, ‑bɛ 'sɩrɩ 'ana ‑dɔ ‑gbaa' nɩ, 'ba nʋ 'lɩ 'ɔɔn.» 'Iibäa' juifë nɩ: «Anyɩ kä ‑a kä amä nyɔɔ 'bla.»

Jaan 19:4

Pilatë nya 'cie 'sɔɔwʋ 'ɔnya ‑gbala 'üün: «'Ba ‑jää 'ɔɔn! 'Ɔɔ 'n ja 'amɩ ‑fälɩ 'amä 'saa jre ‑balʋlʋ 'ɔ nʋa', 'nyɩ 'jä 'uun 'wʋ ‑a.»

Akëtë 7:52

Nyɔsʋaamlɩpalanyɔɔ 'plɛɛ 'ünyɩ ‑gbigba nʋ le? 'Ü 'bla nyüülü 'paa' 'Klɩgänyɔɔa jijigä. 'Saarɩ 'sɔɔwʋ nɩ, 'anya 'Klɩgänyɔɔlɔ 'sa 'anya 'ɔɔn 'bla!

Akëtë 2:23

'Ia nyɔɔlɔ nɩ, 'ɔ 'sara 'amɩ kälɩ 'sɩrɩ Nyɔsʋa tʋ käa' 'lɩ 'imɩ ‑bɛ 'sɩrɩ 'ɔ jre ɩa' 'iin. 'Anya dɔrɔ 'ɔɔn 'wʋ 'anya 'bla 'ɔɔn: nyüülü 'nyɩa' Nyɔsʋa jre, 'üü 'a ‑srörö kälɩ 'anya kolo 'ɔɔn krʋa ‑gälɩ.

Jaan 19:15

‑Maa 'ünyɩ 'nyie ‑a 'nyie. 'Ünya 'klerewʋ: «'Bla 'ɔɔn! 'Bla 'ɔɔn! Kolo 'ɔɔn krʋa ‑gälɩ!» Pilatë nya ‑gbala 'üün: «‑A kolo 'ana 'kɩɩ krʋa ‑gälɩ?» 'Iibäa' ‑gbɔsapɛrɩnyüü kpakü nɩ: «'Kɩɩlɔ kä 'doo a käa' 'ɔɔ bä Sesaa!»

Lukë 23:4

'Ia ‑gʋ Pilatë nya ‑gbala ‑gbɔsapɛrɩnyüü kpakü nyra ‑jria ‑maa: «'Nyɩ 'jä wiili kä ‑gʋ 'mäa' nyɔɔlɔ kʋa' ‑pɩ 'bla ‑a.»

Matiö 27:24

Pilatë jrea' 'saa 'ɔnyɩ 'lɩ ‑a bɩa ɔ nʋ dɛɛ, ‑bɛ ‑jria nëmäa' 'lɩcakla nɩ, 'ɔnya dɔrɔ 'nɩ 'wʋ 'üa 'klʋɩ 'ɔnya su 'ɔa wlu. 'Ɔnya ‑gbala 'üün ‑maa: «'Klɩgänyɔɔlɔ kʋa' ‑pɩa ‑toru 'nyɩ 'na kälɩ ‑a bä. 'Ana wii 'i bä!»

Matiö 27:22

Pilatë nya ‑gbala 'üün: «‑Bɛ ‑asɩ 'a 'bata ‑a nʋ Jesulɔ 'ü 'daraa' 'Kriisë le?» 'Üa 'fɩɔ ‑nëma: «Kolo 'ɔɔn krʋa ‑gälɩ!»

Matiö 26:58

Piɛɛrë ‑nɛpɛ ‑bɛ 'ɔ ‑mɛɛɛ Jesu ‑gälɩ, 'ɔnya pa ‑gbɔsapɛrɩnyɔɔ kpaköa ‑gböölia ‑glɔ 'lɩ. 'Ɔnya 'prɛrɛ nyüülü ‑fɛɛɛrɛa' 'lɩ 'jrʋpaa ‑tɔrʋpɩɔ 'ɔnya kʋwälɩ, 'ɔmä ‑plɩɩlɩ 'imäa' bɩara 'jä.

Jaan 18:3

Judaa nya mi 'lɩ. 'Ɔɔ ‑bɛ 'sʋgɩa 'kɔkɔmlɛ, nyra Nyɔsʋaanyükölia 'sʋgɩalë ‑gbɔsapɛrɩnyüü kpakü nyra Farisinyüü ‑tʋa' 'ɔɔn ‑gba. 'Üa kälɩa 'napu, ‑teri nyra tafudii.

Jaan 18:38

'Iibäa' Pilatë nɩ: «Dɛplɛɛ bä 'cɩcasa le?» 'Ɔ nʋa' ‑plɩɩ 'saa 'ɔ 'betea' nɩ, 'ɔnya 'cie 'sɔɔwʋ, 'ɔnya mi ‑tɛ juifë bäa' 'ɔnya ‑gbala 'üün: «'Nyɩ 'jä ‑balʋlʋ 'ɔ nʋa' 'wʋ ‑a.