Jaan 18:4 - Kuö Dëdrä Jenɛɛsë Rutë

⁴ ‑Bɛ Jesu jrea' wiili kä 'fɩɔ nëmäa' 'ɔɔn ‑gälɩjrä nɩ, 'ɔnya jijrö 'üün ‑gba, 'ɔnya 'bete 'üün: «Nyɔɔ 'plɛɛ 'a 'bata le?»

Jaan 18:4 Referans Kwoze

Jaan 13:1

'Paakëa ‑srɩ ‑ka bä dɛrɩ, ‑bɛ Jesu jre bɩa 'saa 'ɔa 'taɩn 'a 'lɩjrä 'ɔmä 'plälä kʋa' ‑pɩa 'mlɩ sɔ 'ɔmä Tʋa ‑nyɛɛ mi. 'Ɔ ‑wa 'ɔa nyüülü bäa' 'pläa 'mlɩ, 'ɔ ‑wa 'üün 'ɔnya ‑siewli.

Jaan 18:7

Jesu nya 'patä 'ɔnya 'bete 'üün: «Nyɔɔ 'plɛɛ 'a 'bata le?» 'Ü ‑nëma: «Nasarɛɛtënyɔɔ Jesu a 'bata.»

Akëtë 2:28

‑Srara 'mɩ 'kläa 'nyifi, ‑nya 'mɩ dɔrʋ 'klɩ 'siea, 'be ‑bä 'na ‑gba .

Jaan 19:28

'Ia 'fɩɔ ‑sia', Jesu jrea' 'saa 'ɔa 'jrʋpa 'a 'wlara, ‑bɛ wiili ‑jɩjraa' nyɔsʋapɔɔkʋ 'lɩ 'mäa' nrörö nɩ, 'ɔ ‑nëma: «'Mamlatʋ 'blaa 'mɩ!»

Jaan 13:11

'Be 'ɔ jre nyɔɔlɔ nëmäa' 'ɔɔn 'sa, 'ia ‑gʋ 'ɔ 'daa ‑maa: «‑Mää 'ana 'fɩɔ 'nyɩ ‑fre 'lɩ 'wʋ.»

Jaan 6:64

‑Maa, 'doorodoo bä 'ana ‑tɔrʋpɩɔ, 'ünyɩ 'dara 'iin wii ‑a.» 'Be 'bala 'käkolofa 'wʋ Jesu jre nyüülü 'nyɩ toroa' 'ɔɔn plɛ, nyra nyɔɔlɔ nëmäa' 'ɔɔn 'sa.

Lukë 24:44

'Ɔnya ‑gbala 'üün: «'A 'ii 'n ‑gbala käa' 'amɩ 'taɩn 'lɩ 'n bä käa' 'ana ‑tɔrʋpɩɔ: wiili 'paaa' 'na ‑gä Moisëa ‑pɔɔkʋ 'lɩ, i 'paaa' 'na ‑gä nyɔsʋaamlɩpalanyüüa ‑pɔɔkɩ 'lɩ nyra Nyɔsʋaa 'lɩbrɛrɛpɔɔkʋa 'mlɩ nɩ, 'ia 'fɩɔ kä 'imä nrörö.»

Matiö 26:31

Jesu nya ‑gbala 'ɔa 'wʋnyɛrɛnyüü: «'Ana 'fɩɔ nya 'mɩ ‑gba 'kägbaa ‑taa ‑gbiaralä; 'i ‑jɩjra: 'Nyaa ‑bablëëgbanyɛrɛnyɔɔ 'blaa, 'kä ‑bablëëa 'fɩɔ nya 'kägba ‑gba .

Matiö 26:21

'A dɛɛ 'ü jö ɩ, Jesu ‑nëma: «'Cɩcasa 'n ‑gbala 'amɩ, 'ana ‑tɔrʋpɩɔa nyɔɔ 'doo nya 'mɩ 'saa.»

Matiö 26:2

'Be a jre 'iin anya 'Paakë 'jäa jrüü 'sɔɔa 'mlɩ, 'a ‑plɩɩ 'ümä Nyɔɔa 'Jʋ 'saa 'kä 'ünya 'ɔɔn krʋa ‑gälɩ kolo.

Matiö 16:21

'Bala ‑plɩlɩ ɔ nɩ, Jesu ‑gbala 'ɔa 'wʋnyɛrɛnyüü 'sɩrɩ 'ɔ käa' 'ɔmäa' Jerusalɛɛmë mi, ‑bɛ 'ɔmäa' ‑sʋɩ 'jä ‑gböösa; juifëa tagbü, ‑gbɔsapɛrɩnyüü kpakü nyra ‑dɔkpɩanyüüa ‑gʋ; 'sɩrɩ 'ümäa' 'ɔɔn 'blaa ‑bɛ 'ɔmäa' 'kuaabre sɔ 'ia jrüü tääa ‑srɩ 'lɩ.

1 Piɛɛrë 4:1

'Sɩrɩ 'Kriisë 'järäa' 'ɔa 'jajɛa 'mlɩ ‑sʋɩ ana ‑gʋ nɩ, 'ana 'mʋgbɛ 'ba 'klaa 'ia bobowli, 'be nyɔɔlɔ 'järäa' 'ɔa fugbaa 'mlɩ ‑sʋɩ nɩ, 'ɔ 'a ‑balʋ 'pie.

Jaan 18:5

'Ü ‑nëma: «Nasarɛɛtënyɔɔ Jesu a 'bata.» 'Iibäa' Jesu nɩ: «'Ɔɔ 'n bä.» Judaalɔ 'saa' Jesu nɩ 'ɔ kʋ ‑plɩɩ.