Jaan 17:6 - Kuö Dëdrä Jenɛɛsë Rutë

⁶ «Nyüülü ‑baaa' 'pläa ‑tɔrʋpɩɔ ‑nyɩa' 'mɩ nɩ, 'n srara 'üün ‑na 'nyrɩ. ‑Mɔ ma kä 'üün, ‑nya ‑nyɩ 'mɩ 'üün. 'Ünya ‑träärälɩ ‑na mlɩa wii.

Jaan 17:6 Referans Kwoze

Jaan 17:26

'Nyaa srara 'üün ‑na 'nyrɩ, 'nyaa 'sɔɔwʋ 'ümɩ 'iin sraraa, ‑bɛ 'sɩrɩ ‑waa' 'mɩ, 'ia ‑wawakʋ 'mä 'üün 'lɩbä, ‑bɛ 'mä bɩa 'üün 'lɩbä.»

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Jaan 6:37

Ü kä 'fɩɔ Tʋ ‑nyɩa' 'mɩ 'ünya 'na 'pɛlɩ jia, ‑bɛ 'nëmä bɩa nyɔɔlɔ jöa' 'na 'pɛlɩ ‑fälɩ ‑a be 'plɔʋ.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

Jaan 17:2

‑Mɔ ‑nyɩ 'ɔɔn nyüüa 'fɩɔa 'klügälɩkäläkʋ, 'kä nyüülü kä 'fɩɔ ‑nyɩa' 'ɔɔn nɩ, 'ɔmä 'üün 'klälä 'nyɩa' blöröfa kä ‑nyɩ.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Jaan 15:19

'Ama bä ɩ 'pläa 'mlɩa nyüü nɩ, 'plä nya ɩ 'amɩ ‑waa, 'be 'äa nü 'a bä. ‑Maa 'n 'baa' 'amɩ 'pläa ‑tɔrʋpɩɔ ‑bɛ 'a ‑kanyɩa' 'pläa nü bä nɩ, 'a 'ia ‑gʋ 'plä jrara 'amɩ 'nyüa 'mlɩ.

'Nyügälɩjawii 3:8

'N jre ‑na nʋnʋdii. 'N jre 'iin 'sɩrɩ ‑nyɩa' 'saa 'klü kä, ‑maa ‑tʋ 'na 'papawii 'nyü ‑gba, ‑nyɩ 'mɩ dɛrɩ ‑a sɔ. 'Ia ‑gʋ, 'n 'sara ‑mɩ tatu 'klɩ nyɔɔ 'nyɩ 'lɩ ‑a bɩa ɔ 'pa 'umɩ.

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.

Jaan 15:7

'Ama 'ma 'mɩ ‑gbakä ‑bɛ 'na 'papawii ma bä 'amɩ 'lɩ nɩ, dɛɛlɛ 'a 'bataa' 'ba 'bete 'ɛɛn, 'anya 'ɛɛn 'jäa.

'Nyügälɩjawii 2:13

'N jre wiili ‑nöa' nyra ‑plɩɩlɩ ‑kʋa', i Sataan a 'kɩɩkpata bäa'. ‑Kpaasra 'na 'nyrɩ ‑gba. 'Ana ‑tɔrʋpɩɔ, i Sataan kʋa', 'ii 'ü 'blaraa 'na ‑gäpanyɔɔ Antipasë 'nyɩa' 'mɩ dɛrɩ sɔ. ‑Maa ‑mɔlɔ nɩ, ‑jää 'ia 'fɩɔ ‑maa ‑ka toro 'mɩ plɛ.

Ebröönyüü 2:12

‑bɛ 'ɔ nö: 'Nyaa ‑na 'nyrɩ 'na ‑wlajü ‑gbalaa; 'nyaa ‑mɩ 'klɩbrɛrɛa nyüüa ‑jriaa 'mlɩ .

2 Timotee 1:13

'Cɩcasalä ‑nröröa' 'na mlɩ 'wli 'äa 'sa ‑a ‑nyɛɛ; ‑träärä 'iin ‑na nyɔsʋaplɛtorokʋ 'lɩ ‑wälɩ nyra ‑wawlakʋlʋ sɔa' Jesu 'Kriisëa ‑nyɛɛ.

Kolɔɔsënyüü 3:16

Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.

Rɔmënyüü 11:2

Nyɔsʋaa 'jülü 'ɔnya käa' 'lɩba, 'ɔnyɩ 'üün dɛrɩ ‑a sɔ. ‑Ale wiili nyɔsʋaawii 'paa' Eliia ‑gʋ 'anyɩ 'iin 'wli ‑a 'nu, 'sɩrɩ 'ɔ bibiea' Nyɔsʋa Israɛɛlëa ‑gʋ ‑bɛ 'ɔ 'daaa' ‑maa:

Akëtë 13:48

«Nyüülü 'nyɩa' juifë bä 'nua' 'iin 'wli nɩ, dɔrʋ 'bla 'üün, 'ünya 'bʋala 'Pläkänyɔɔa 'papawii. Nyüülü kä 'fɩɔ Nyɔsʋa 'baa' 'lɩ 'ümäa' 'klälä 'nyɩa' blöröfa kä 'jä nɩ, 'ü toro 'iin plɛ.»

Jaan 18:9

Wiili 'ɔ 'pa käa' ‑bɛ 'ɔ 'daaa' ‑maa: «Nyüülü ‑nyɩa' 'mɩ, 'üa ‑tɔrʋpɩɔa 'doo 'nyɩ 'mɩ kälɩ ‑a 'mɔlɔ» 'i nrörö.

Jaan 17:16

'Sɩrɩ 'nyɩa' 'pläa 'mlɩa nyɔɔ bä, 'asɩ 'ünyɩ 'pläa 'mlɩa nyüü bä.

Jaan 17:14

'N 'kpɩa 'üün ‑na mlɩa wii. 'Plä nya jrara 'üün 'nyüamlɩ. Dɛɛlɛ kä ‑gʋ, 'ünyɩa' 'pläa 'mlɩa nyüü bä ‑beere 'mɔɔ.

Jaan 15:3

'Amɔlɔ nɩ, wiili 'n 'kpɩaa' 'amɩ, 'ii 'a kä 'amɩ kpëtä.

Jaan 12:28

'Na Tʋ, 'bʋala ‑na 'nyrɩ!» Wii nya ja cɛlɩ, 'iibä: «'Nyaa ɩ 'iin 'bʋala, 'kä 'nyaa 'iin 'bʋala 'sɔɔwʋ.»

Jaan 6:39

‑Bɛ wiili Tʋlɔ blɔa' 'mɩ 'bataa' nɩ, 'iibä, 'nyɩ 'mɔlɔ ü kä 'fɩɔ 'ɔ ‑nyɩa' 'mɩ 'üa ‑tɔrʋpɩɔa 'doo; ‑maa ‑a 'ba 'üün 'kuaabre 'pläa bɩarafa 'wʋ.

Jaan 1:18

Nyɔɔ ‑kaapɩɔ Nyɔsʋa 'jä. 'Jʋ 'doo 'doolɔ sɔa' Tʋa ‑nyɛɛ, 'ɔɔ 'lɩ a 'järä 'ɔɔn.

1 Piɛɛrë 1:1

'Mɔɔ Piɛɛrë, Jesu 'Kriisëa apotrë, 'mɔɔ ‑jɩjra 'amɩ 'wʋ, 'amɔ bäa' Nyɔsʋaa 'lɩbanyüülü ‑gbalaa' Pɔɔntëa ‑tʋtʋ ‑gälɩ 'kä ‑bɛ ɔ bäa' Galasii, Kapadosii, Asii nyra Bitenii, 'ia nyɔtugbanyüü.

Jaan 8:51

'Tasɩrɩa 'cɩcasa 'n ‑gbala 'amɩ, nyɔɔ ma ‑träärälɩ 'na mlɩa wii, 'ɔ ‑nëmä jäjäkʋ ‑a 'jä 'plɔʋ.»

Jaan 8:52

'Iibäa' juifë nɩ: «A jre 'kasa 'saa domoo bä ‑mɩ 'lɩ. Abraamë jä, nyɔsʋaamlɩpalanyüü jä bɩa, 'kä ‑jää ‑maa: ‹Nyɔɔ ma ‑träärälɩ ‑na mlɩa wii, 'ɔ ‑nëmä jäjäkʋ ‑a 'jä 'plɔʋplɔʋa ‑gʋ.›

Jaan 17:7

'Ü jre 'iin ‑mlatɩ 'sɩrɩ diili kä 'fɩɔ ‑nyɩa' 'mɩ sɔa' ‑mɩ kälɩ.

Jaan 17:12

'Nyraa 'üün 'sɔ ma bä käa' 'pläa 'mlɩ nɩ, 'mɔɔ ma ‑tʋʋä 'üün 'nyügba ‑na 'nyrɩklɩ. 'N ‑tʋ nyüülü ‑nyɩa' 'mɩ 'nyügba. 'Üa ‑tɔrʋpɩɔa nyɔɔ 'doo 'nyɩ 'mɔlɔ ‑a 'mɔlɔ, ima 'nyɩ ɔ nëmä ɩa' 'mɔlɔ 'ɔa 'doo ‑a bä, wiili ‑jɩjraa' nyɔsʋapɔɔkʋ 'lɩ, 'i jrälɩ.

'Nyügälɩjawii 3:10

'N ‑gbalaa' ‑mɩ ‑a kpʋkplɔmlɩ ‑sʋɩa 'mlɩ ‑beere 'mɔɔ, ‑bɛ ‑nʋa' 'imɩ nɩ, 'ia ‑gʋ 'na 'mʋgbɛ 'nyaa ‑mɩ 'nyiöli ‑gääläa 'taɩn 'lɩ ‑sʋɩ 'mäa' 'pläa 'fɩɔa 'mlɩ ji. ‑Sʋɩlɩ jö 'imä ‑tʋtʋ ‑gälɩa nyüüa 'fɩɔ 'lɩtɛ.