Jaan 17:5 - Kuö Dëdrä Jenɛɛsë Rutë

⁵ 'Na Tʋ, 'bʋala 'mɩ ‑na ‑gba 'sɩrɩ 'n 'bʋa käa' 'wliklɩ 'fɩɔwʋ ‑bɛ 'plä 'mäa' nrörö.

Jaan 17:5 Referans Kwoze

1 Piɛɛrë 1:20

'Plä ‑kaaŋlʋ nrörö Nyɔsʋa nya 'ba kä 'lɩ 'ɔɔn, ‑bɛ ‑taa jrüülü bäa' ‑gälɩ 'blörö jrüü nɩ, 'ɔnya srara 'ɔa nyufa 'ana ‑gʋ.

Jaan 10:30

'Mɔɔ ‑bɛ 'na Tʋ bä 'doo.»

Filipënyüü 2:6

'Ɔɔlɔ Nyɔsʋaa bäbäkʋa 'fɩɔ bäa' 'lɩ, 'ɔnyɩ 'nɩmɩ ‑a 'daa 'ɔɔ ‑bɛ Nyɔsʋa 'mɩmrɛlɩ 'plɔʋ.

Ebröönyüü 1:10

'Ɔnya 'daa 'sɔɔwʋ: ‑Mɔ 'Pläkänyɔɔ, ‑mɔ nʋ ‑na wlu, ‑nya nʋ cɛ, nya nʋ bɩa ‑tʋtʋ.

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

Jaan 8:58

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'mɔɔ bä ‑plɩɩ 'fɩɔwʋ Abraamë nya 'mä ji.»

Jaan 1:18

Nyɔɔ ‑kaapɩɔ Nyɔsʋa 'jä. 'Jʋ 'doo 'doolɔ sɔa' Tʋa ‑nyɛɛ, 'ɔɔ 'lɩ a 'järä 'ɔɔn.

Jaan 14:9

Jesu nya ‑gbala 'ɔɔn: «‑Mää ‑mlatɩkä 'nyraa 'amɔ 'nyɩ 'nyɛ, ‑bɛ ‑kaapɩɔ 'mɩ jre, Filipë? Nyɔɔ ma 'jä 'mɩ, 'ɔ 'a Tʋlɔ 'jä. 'Iɛ ‑daaa ‑maa: ‹Srara amɩ Tʋ le?›

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Jaan 3:13

Nyɔɔ ‑kaapɩɔ cɛa 'mlɩ 'jra; Nyɔɔa 'Jʋlɔ bäa' cɛlɩ 'ɔa 'doo 'ɔ sɔ 'lɩ.

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

1 Jaan 1:2

'Klälä srara 'äa nyufa: anya 'jäjrä 'ämɩ, 'a 'äa ‑gä a 'paa. 'A 'klälä 'nyɩa' blöröfa kä ‑bɛ ä bä käa' Tʋa ‑gba, ä sraraa' amɩ 'äa nyufa nɩ, 'äa ‑gä a ‑gbala 'amɩ.

Jaan 17:1

Jesu nʋa' ‑plɩɩ 'saa 'ɔ bɩaa' wii 'papakʋ ɔ nɩ, 'ɔnya 'jrara cɛ 'nyükä 'ɔ ‑nëma: «Tʋ, 'taɩn 'a 'wlijrä, 'bʋala ‑na 'jʋ, ‑na 'jʋ 'mä ‑mɩ 'bʋala.

1 Piɛɛrë 1:21

'Ɔɔ 'lɩ 'a toro Nyɔsʋa plɛ; Nyɔsʋalɔ 'baa' 'ɔɔn jäjä 'lɩ ‑bɛ 'ɔ ‑nyɩa' 'ɔɔn 'wliklɩbʋabʋakʋ. 'Ia 'taɩn 'lɩ 'ana plɛtorokʋ nyra plɛgälɩpiepiekʋ 'mä Nyɔsʋa 'lɩ bä.