Jaan 17:3 - Kuö Dëdrä Jenɛɛsë Rutë

³ ‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

Jaan 17:3 Referans Kwoze

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Jaan 17:25

'Na Tʋ, ‑mɔ ‑gäa' 'klɩ nɩ, 'plä 'nyɩ ‑mɩ ‑a jre, ‑maa 'mɔɔ 'n jre ‑mɩ, nyüülü kʋa' ‑pɩ nya jre 'iin 'sɩrɩ ‑mɔ blɔa' 'mɩ.

Jaan 3:17

‑Mää 'pläa ‑gätʋtʋkʋa ‑gʋ Nyɔsʋa 'nyɩ 'Jʋ 'pläa 'mlɩ ja. 'Ɔ ja 'ɔɔn 'plä 'mä 'ɔɔn kälɩ ‑srörö 'ämä 'lɩmlɩwʋ.

1 Jaan 4:6

Amɔlɔ nɩ, Nyɔsʋaa nü a bä. Nyɔɔlɔ jrea' Nyɔsʋa nɩ, 'ɔ po amɩ 'nyakli. Nyɔɔlɔ 'nyɩa' Nyɔsʋaa nɔ bä nɩ, 'ɔnyɩ po amɩ 'nyakli ‑a. 'A ‑plɩɩ a jrere 'cɩcasusu nyra ‑gbagblɛsusu.

Jaan 17:23

'N bä 'üün 'lɩ, ‑nya bä 'mɩ 'lɩ, 'ümä 'tasɩrɩ 'doo bä, ‑bɛ 'plä 'mä 'saa jre ‑mɔ ‑blɔ 'mɩ, 'ümä bɩa 'saa jre 'sɩrɩ ‑waa' 'mɩ, 'asɩ ‑wa 'üün.

Jaan 17:21

'üa 'fɩɔ 'mä 'doo bä. 'Na Tʋ, 'sɩrɩ ‑bäa' 'mɩ 'lɩ ‑bɛ 'n bäa' ‑mɩ 'lɩ, 'üa 'mʋgbɛ 'mä amɩ 'lɩ 'doo bä, ‑bɛ 'pläa 'mlɩa nyüü 'mä 'saa jre ‑mɔ blɔ 'mɩ.

Jaan 3:34

'Be nyɔɔ Nyɔsʋa blɔa' nɩ, Nyɔsʋaa mlɩa wii 'ɔ 'paa, Nyɔsʋa 'nyɩ nyaka 'ɔa ‑Susua 'kä 'ɔ 'cere 'ɔmɩ 'uun ‑gälɩ.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

2 Tɛsalonikënyüü 1:8

Kapu ‑gbogboa 'mlɩ 'ɔmä kʋ 'ɔmä ji. 'A ‑plɩɩ 'ɔmä nyüülü 'nyɩa' Nyɔsʋa jrea ‑gä ‑tʋ, nyra bɩa nyüülü 'nyɩ ‑trääräa' 'lɩ ana 'Pläkänyɔɔ Jesu 'Kriisëa 'Mʋfagogo.

Jaan 17:8

'Be ‑na mlɩa wiili ‑nyɩa' 'mɩ nɩ, 'ii 'n ‑nyɩ 'üün. 'Ünya 'nyiere 'iin 'klɩ, 'ünya jresaa 'kasa ‑na ‑nyɛɛ 'n sɔ, ‑mɔ blɔ 'mɩ.

Jaan 14:26

‑Maa ‑Gbajisusulu, u bäa' 'Nyüna ‑Susu, u Tʋ 'mäa' 'na 'nyrɩklɩ jara nɩ, 'unya 'amɩ diia 'fɩɔ 'kpɩaa, 'kä 'unya 'amɩ wiili 'kä 'fɩɔ 'n ‑gbalaa' 'amɩ plɛpa.

Jaan 8:19

'Ünya 'bete 'ɔɔn: «‑A 'jää ‑na tʋlɔ le?» 'Iibäa' Jesu nɩ: «'Anyɩ 'mɩ ‑a jre, 'anyɩ 'na Tʋ ‑a jre. 'Ama jre ɩ 'mɩ nɩ, 'anya ɩ 'na Tʋ jrea bɩa.»

1 Korɛɛntënyüü 15:34

'Ba ‑nyɩgla 'ana bobowli 'kä ‑bɛ 'ba fio ‑balʋa ‑gʋ; 'be ‑mölöö bä 'ana ‑tɔrʋpɩɔ 'ünyɩ Nyɔsʋa ‑a jre. ‑Gbala 'n ‑gbala 'amɩ; 'a bä 'nyüsü 'wʋ.

1 Tɛsalonikënyüü 1:9

'Ii känyrɩ, ‑moloo ma bälɩ 'ɔ 'saalɩ 'sɩrɩ 'a nʋa' ana 'kplakpladɛɛ, 'sɩrɩ 'a 'cɛrɛa' ‑papanyɔsʋaɩɩ ‑wälɩ ‑bɛ 'a jia' 'Lɩbä Nyɔsʋalɔ bäa' 'cɩcasaa 'jrʋpa ‑fɛ.

Jaan 10:36

‑mɔlɔ Nyɔsʋa 'baalɩ, ‑bɛ 'ɔ blɔa' 'pläa 'mlɩ nɩ, 'ɔɔ 'a ‑gbala ‑maa: ‹Nyɔsʋa ‑nɔpɔ!› Dɛɛlɛ kä ‑gʋ 'n 'daaa' ‑maa: ‹Nyɔsʋaa 'Jʋ 'n bä?›

Jaan 7:29

'Mɔɔlɔ nɩ, 'n jre 'ɔɔn, 'ɔa ‑nyɛɛ 'n sɔ, ‑bɛ 'ɔɔ blɔ 'mɩ.»

Jaan 6:57

'Sɩrɩ 'lɩbä Tʋlɔ blɔa' 'mɩ käa' 'nyrɩ ‑bɛ 'n bäa' 'lɩ nɩ, nyɔɔlɔ nëmäa' 'mɩ ji, 'asɩ 'nëmä bɩa 'nyrɩkä ‑bɛ 'ɔmä 'lɩbä.

Jaan 5:44

'Amɔlɔ nyüüa 'bʋalakʋ käa' 'tʋ, ‑bɛ ünyɩ 'bataa' Nyɔsʋalɔ bäa' 'doo, 'ɔa në 'bʋalakʋ, ‑asɩ 'anya 'mɩ plɛtoro le?

Jaan 11:42

'Mɔɔlɔ nɩ, 'n jre 'iin 'sɩrɩ ‑saaa' 'mɩ ‑gälɩ 'plɔʋplɔʋ, ‑maa nyüülü traraa' 'mɩ 'klɩ 'üa ‑gʋ 'n 'paa wii 'ümä 'saa jre ‑mɔ blɔ 'mɩ.»

Lukë 9:48

'Ɔnya ‑gbala 'üün: «Nyɔɔ ‑o nyɔɔ 'kʋɛɛa' 'lɩ 'samaa 'jʋjɔlɔ kʋa' ‑pɩ, 'na 'nyrɩklɩa ‑gʋ nɩ, 'mɔɔ 'ɔ 'kʋɛɛlɩ bɩa. Nyɔɔ o nyɔɔ 'kʋɛɛa' 'lɩ 'mɩ nɩ, nyɔɔlɔ blɔa' 'mɩ 'ɔɔ 'ɔ 'kʋɛɛ 'lɩ. ‑Mɔlɔ bäa' 'ana 'fɩɔa dɛrɩ 'täpaa nɔ, 'ɔɔ nëmä 'wliklɩa nɔ bä.»

Marëkë 9:37

«'Sɩrɩ 'jʋjɔlɔ kʋa' ‑pɩ bäa', nyɔɔ o nyɔɔ 'kʋɛɛa' 'lɩ 'jʋlɔ 'na 'nyrɩklɩa ‑gʋ nɩ, 'mɔɔ 'ɔ 'kʋɛɛlɩ bɩa. Nyɔɔ o nyɔɔ 'kʋɛɛa' 'lɩ 'mɩ nɩ, ‑mää 'na 'doo 'ɔnyɩ 'lɩkʋɛɛ, ‑maa nyɔɔlɔ blɔa' 'mɩ 'ɔɔ 'ɔ 'kʋɛɛlɩ.»

1 Korɛɛntënyüü 8:4

'Ii känyrɩ, wiili bäa' ‑maa: nyɔɔ 'mrɛɛ ɔ ji mlaalü 'ü 'blaraa' ‑gbagblɛ nyɔsʋaɩɩ nɩ, a jre 'iin 'sɩrɩ: «‑Gbagblɛnyɔsʋa 'nyɩa' dɛɛ bä ‑pɩ ‑tʋtʋ ‑gälɩ», ‑bɛ 'sɩrɩ Nyɔsʋa bäa' 'doo.

Jaan 17:18

'Sɩrɩ ‑blɔa' 'mɩ 'pläa 'mlɩ, 'asɩ 'n blɔ bɩa 'üün 'pläa 'mlɩ.

Filipënyüü 3:8

'Pɩrɩgälɩ nɩ, 'Kriisë Jesua jejrekʋa ‑gʋ 'n 'jää diia 'fɩɔwʋ ‑beere diili 'nyɩa' ‑tɔɔ kä. 'Na 'Pläkänyɔɔ 'Kriisëlɔ 'n toroa' plɛ, 'ɔɔ bä 'cɩca wiili. 'Ɔa ‑gʋ 'n 'nyiere diia 'fɩɔa ‑wälɩcɛrɛkʋ 'klɩ, ‑yɛɛ, 'n 'jää 'iin 'wʋ ‑beere dɛɛ 'ü bea' 'kʋtʋfʋ ‑gälɩ, 'kä 'mä 'Kriisë 'kpla;

Filipënyüü 3:10

Dɛɛlɛ 'n 'bataa' nɩ, 'iibä ‑a jre 'Kriisë nyra 'ɔa 'kuaabresɔsɔkʋa 'klü; 'nyraa 'ɔɔn 'mä 'ɔa ‑sʋɩ ‑gbötö, 'nyraa 'ɔɔn 'mä 'wʋjärä,

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.

2 Piɛɛrë 1:2

Abɩa ‑gbinanakʋ nyra plɛgälɩflɛrɛkʋ bä 'amɩ ‑gälɩ ‑gböösa, ana Nyɔsʋaa jejrekʋ nyra ana 'Pläkänyɔɔ Jesu 'lɩ.

2 Piɛɛrë 1:3

'Be 'ɔa 'nyrɩ 'klüa ‑gʋ, Nyɔsʋa ‑nyɩ amɩ diia 'fɩɔ amäa' 'plä 'wʋ kʋ ‑bɛ amäa' 'ɔɔn dɛrɩprɛ. 'Ɔɔlɔ sara amɩ nyɔɔlɔ werea' amɩ 'ɔa 'mʋgbɛa 'wliklɩbʋabʋakʋ 'lɩ nyra 'ɔa ‑gbinanakʋ 'lɩ.

2 Piɛɛrë 1:8

'Be 'ama 'klaa 'samaa nʋnʋgbi nɩ, ‑bɛ 'ima bä 'amɩ 'lɩa 'doo nɩ, 'inya 'iin nʋa 'kä ana 'Pläkänyɔɔ Jesu 'Kriisëlɔ a jrea', 'ɔa 'jrʋpa ‑nëmä tɩɔ ‑a tɩɔ.

1 Jaan 1:2

'Klälä srara 'äa nyufa: anya 'jäjrä 'ämɩ, 'a 'äa ‑gä a 'paa. 'A 'klälä 'nyɩa' blöröfa kä ‑bɛ ä bä käa' Tʋa ‑gba, ä sraraa' amɩ 'äa nyufa nɩ, 'äa ‑gä a ‑gbala 'amɩ.

1 Jaan 1:3

I a 'jäa' ‑bɛ a 'nua' 'wli nɩ, 'ii a ‑gbala bɩa 'amɩ, 'ana 'mʋgbɛ nyra amɔ 'mä 'doo bä. ‑Mää ana 'kpɔ ‑a, ‑maa a nyra Tʋ ‑bɛ 'ɔa 'Jʋ Jesu 'Kriisë nëmä 'doo bä.

1 Jaan 2:23

Nyɔɔ o nyɔɔ blaraa' 'Jʋ 'klɩ nɩ, 'ɔnyɩ bɩa Tʋ ‑a jre. ‑Mɔlɔ 'nyierea' 'Jʋ 'klɩ nɩ, 'ɔ jre bɩa Tʋ.