Jaan 16:3 - Kuö Dëdrä Jenɛɛsë Rutë

³ 'Be 'ünyɩ 'mɔɔ ‑bɛ Tʋ ‑a jre, 'ia ‑gʋ 'ümä 'iin nʋ.

Jaan 16:3 Referans Kwoze

Jaan 15:21

'Na 'nyrɩa ‑gʋ 'ünya 'amɩ 'ia 'fɩɔlʋ ‑gba nʋa, 'be nyɔɔlɔ blɔa' 'mɩ, 'ünyɩ 'ɔɔn jre ‑a jre.

Jaan 17:25

'Na Tʋ, ‑mɔ ‑gäa' 'klɩ nɩ, 'plä 'nyɩ ‑mɩ ‑a jre, ‑maa 'mɔɔ 'n jre ‑mɩ, nyüülü kʋa' ‑pɩ nya jre 'iin 'sɩrɩ ‑mɔ blɔa' 'mɩ.

2 Tɛsalonikënyüü 1:8

Kapu ‑gbogboa 'mlɩ 'ɔmä kʋ 'ɔmä ji. 'A ‑plɩɩ 'ɔmä nyüülü 'nyɩa' Nyɔsʋa jrea ‑gä ‑tʋ, nyra bɩa nyüülü 'nyɩ ‑trääräa' 'lɩ ana 'Pläkänyɔɔ Jesu 'Kriisëa 'Mʋfagogo.

Jaan 8:55

‑bɛ 'anyɩa' jre. 'Mɔɔlɔ nɩ, 'n jre 'ɔɔn, ‑bɛ ama 'daa ɩ 'nyɩ 'ɔɔn jre ‑a jre nɩ, 'nyaa 'ana 'sa bä, 'nyaa ‑gbagblɛkänyɔɔ bä. ‑Maa 'n jre 'ɔɔn, ‑bɛ 'n ‑träärälɩ 'ɔa mlɩa wii.

Jaan 8:19

'Ünya 'bete 'ɔɔn: «‑A 'jää ‑na tʋlɔ le?» 'Iibäa' Jesu nɩ: «'Anyɩ 'mɩ ‑a jre, 'anyɩ 'na Tʋ ‑a jre. 'Ama jre ɩ 'mɩ nɩ, 'anya ɩ 'na Tʋ jrea bɩa.»

1 Jaan 4:8

Nyɔɔlɔ 'nyɩ ‑waa' 'ɔa ‑wlajʋ nɩ, 'ɔnyɩ Nyɔsʋa ‑a jre, 'be Nyɔsʋa bä ‑wawakʋ.

1 Jaan 3:1

'Ba 'jä 'sɩrɩ Tʋ ‑waa' amɩ: 'ɔ 'dara 'nɩmɩ amɩ 'ɔa 'jü, ‑bɛ 'üü a bä 'kasa! 'A 'ia ‑gʋ 'plä 'nyɩ amɩ jre, 'be 'änyɩ 'ɔɔn jre ‑a jre.

Jaan 17:3

‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

1 Korɛɛntënyüü 2:8

'Kamanyɔɔ 'doo 'nyɩ ‑taa ‑tʋtʋlʋa ‑gälɩ ‑a bä ɔ jrea' ‑taa 'lɩgaglakʋlʋ. 'Üma jre ɩ 'imɩ nɩ, 'ü ‑nëmä 'Pläkänyɔɔlɔ 'sia' 'wliklɩbʋabʋakʋ 'klɩ krʋa ‑gälɩ ‑a kolo.

Jaan 15:23

Nyɔɔlɔ jraraa' 'mɩ 'nyüa 'mlɩ nɩ, 'na Tʋ 'ɔ jrara bɩa 'nyüa 'mlɩ.

Lukë 10:22

'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.»

1 Timotee 1:13

‑Bɛ ‑kätɩsa nɩ, 'maa 'paa 'ɔa bʋbɔnyrɩ. 'Maa nö 'ɔa nyüü ‑gbigba, 'na wiia 'fɩɔ ma bä 'klü 'lɩ. ‑Maa Nyɔsʋa nya 'jä 'na nyatɛrɩ 'be wiili 'maa nöa' 'nyɩ 'iin jre ‑a jre; 'nyɩ kä 'Kriisëa nyɔsʋaplɛ ‑a kä.

Akëtë 3:17

«'Na ‑wlajü 'amɩ, 'abɩa 'mɔɔ ‑ka jre ɩa' 'saa 'sɩrɩ 'a nyra 'ana 'cifu 'sɔ 'nyɩa' 'iin jre ‑bɛ 'a nʋa' 'imɩ.

1 Jaan 2:23

Nyɔɔ o nyɔɔ blaraa' 'Jʋ 'klɩ nɩ, 'ɔnyɩ bɩa Tʋ ‑a jre. ‑Mɔlɔ 'nyierea' 'Jʋ 'klɩ nɩ, 'ɔ jre bɩa Tʋ.