Jaan 15:8 - Kuö Dëdrä Jenɛɛsë Rutë

⁸ 'Ama tʋ ‑gböösa nɩ, 'anya 'na 'wʋnyɛrɛnyüü bäa. 'Iibä 'na Tʋa 'wliklɩ 'bʋalakʋ.

Jaan 15:8 Referans Kwoze

Jaan 8:31

Jesu nya ‑gbala juifënyüülü 'daa' ‑maa 'ü toro 'ɔɔn plɛ: «'Ama kʋ 'na mlɩa wii 'lɩ nɩ, 'na 'wʋnyɛrɛnyüü 'a bä 'kasa,

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Jaan 15:5

'Mɔɔlɔ nɩ, 'mɔɔ bä viinyëtuu, 'amɔ bä katë. Nyɔɔlɔ 'maaa' 'mɩ ‑gbakä, ‑bɛ 'n 'maaa' ‑gbakä nɩ, 'ɔ tʋä ‑gböösa. ‑A ‑gbala 'amɩ, ama 'nyɩ 'amɩ 'lɩ ‑a bä, 'anyɩ 'lɩ ‑a bɩa 'amä dɛɛ nʋ.

1 Piɛɛrë 4:11

Nyɔɔ ma 'pawii nɩ, ɔ bä Nyɔsʋaa wiisienyɔɔ. Nyɔɔlɔ jöa' nyüü ‑gba nɩ, 'ɔ nʋ 'klülü Nyɔsʋa ‑nyɩa' 'ɔɔn ‑bɛ ɔ ji nyüü ‑gba. ‑Bɛ wiia 'fɩɔa 'mlɩ nɩ, Nyɔsʋa 'mä 'bʋala Jesu 'Kriisëa ‑gʋ, 'ɔɔlɔ käa' 'wliklɩbʋbʋakʋ nyra 'klü 'plɔʋplɔʋa ‑gʋ! 'Asɩ i bä.

Jaan 13:35

'Ana ‑wawlakʋ nyüü 'mä 'jä 'kä 'ünya 'saa jre 'na 'wʋnyɛrɛnyüü 'a bä.»

1 Korɛɛntënyüü 10:31

'Ii känyrɩ, 'ama jidɛɛ 'aiɛ 'ama 'mla nɩ, dɛɛ o dɛɛ 'a nöa', 'ba nʋ 'imɩ Nyɔsʋaa 'bʋalakʋa 'nyrɩklɩa ‑gʋ.

1 Korɛɛntënyüü 6:20

'Be Nyɔsʋa 'pɛɛ ‑gböösa, 'ɔnya 'mä 'amɩ kä. 'Ii känyrɩ, 'a kä 'amä 'ana fugba nyra 'ana ‑susulu Nyɔsʋa käa' nʋ, 'amä 'ɔɔn 'bʋala.

Lukë 6:35

‑Maa 'amɔlɔ nɩ, 'ba ‑wa nyüülü bäa' 'ana 'kpɛɛ 'lɩ, 'kä 'a nö 'üün 'cɩcagbi ‑gba. 'Ba ‑nyɩ 'üün, 'kä 'anyɩ bobo 'ümä 'amɩ dɛɛ ‑nyɩ. 'Ama nʋ 'saa nɩ, 'anya 'pɛɛ kpaki 'jäa, 'kä 'anya 'Wʋsi Nyɔsʋaa 'jü bä. 'Be 'ɔɔlɔ nɩ, nyüülü 'nyɩ jrea' nyüüa 'cɩcagbi, nyra plɛbʋbɔnyüü, 'ɔ nö 'cɩcagbi ‑gba.

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

Titë 2:10

‑bɛ 'ünyɩ 'jie 'üün. ‑Maa ü srara 'taɩn a 'fɩɔ 'lɩ 'sɩrɩ 'ü käa' 'cɩcagbi ‑bɛ 'ü ‑gäa' 'klɩ. 'Asɩ 'ümä 'lɩ ana 'Lɩmlɩbanyɔɔ Nyɔsʋaa 'kpɩkpɩakʋ 'bʋala diia 'fɩɔa 'mlɩ.

Titë 2:5

'Ü kä 'ümä wiia 'kpakplakʋ jre, 'ünyɩ bä ‑fre 'lɩ, ü ‑gäälä 'üa ‑jarɛ 'nyiöli, ü kä 'cɩcagbi ‑bɛ ü ‑träärälɩ 'üa dʋɔɩɩ ‑gböösa. 'Ia 'taɩn 'lɩ nyüü ‑nëmä nyɔsʋaawiia ‑gʋ bʋbɔwii ‑a 'pa.

Matiö 5:44

‑Maa ‑jäsɩ 'n ‑gbalaa' 'amɩ nɩ, 'ba ‑wa 'ana 'nyüamlɩjraranyüü, nyüülü busua' 'amɩ, 'ba 'pa 'üün 'nɩ, ‑bɛ 'ba nʋ 'ana 'nyüamlɩjraranyüü 'cɩcagbi ‑gba, 'kä 'a bibie nyüülü nöa' 'amɩ ‑gbi ‑gba 'üa 'wli 'lɩ.

Matiö 9:8

‑Jria 'lɩa nyüü 'jäa' 'imɩ nɩ, 'üa plɛklɩkala ‑bɛ 'ü 'bʋala Nyɔsʋalɔ ‑nyɩa' nyüü 'ia 'samaa 'kamakʋlʋ.