7 'Ama 'ma 'mɩ ‑gbakä ‑bɛ 'na 'papawii ma bä 'amɩ 'lɩ nɩ, dɛɛlɛ 'a 'bataa' 'ba 'bete 'ɛɛn, 'anya 'ɛɛn 'jäa.
Ama ‑sɛ 'ɔmɩ dɛɛ 'sɩrɩ 'ɔ 'bataa' nɩ, 'ɔ po amɩ 'nyakli, ‑jää wiili kä ‑gʋ ana plɛ 'nyɩ ‑taaraa' 'lɩ Nyɔsʋaa 'klɩ.
‑bɛ diili kä 'fɩɔ 'amäa' 'na 'nyrɩklɩ 'betre, 'nyaa 'iin nʋa, ‑bɛ nyüü 'mä 'iin 'jä 'sɩrɩ Tʋ 'bʋaa' 'wliklɩ.
‑Bɛ dɛɛ o dɛɛ a nëmäa' 'bete nɩ, 'ɔnya amɩ 'ɛɛn ‑nyɩa, 'be a ‑träärälɩ 'ɔa ‑dɔ ‑bɛ wiili käa' 'ɔɔn 'tʋ nɩ, 'ii a nö.
‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.
«'Ba ‑sɛ, ‑bɛ Nyɔsʋa 'mä 'amɩ ‑nyɩ; 'ba 'bata, 'anya 'ɛɛn 'jäa; 'ba bɔtɔ tatu, 'ɔnya 'amɩ tatu 'klɩ 'saa.
«'Ia ‑srɩlɩa 'mlɩ nɩ, 'a ‑ka ‑nëmä 'mɩ ‑a 'bete. 'Tasɩrɩa 'cɩcasa 'n ‑gbala 'amɩ, dɛɛ 'amäa' Tʋ ‑sɛ, 'na 'nyrɩklɩ 'ɔnya 'amɩ 'ɛɛn ‑nyɩa.
'Ii känyrɩ, ‑jäsɩ 'n ‑gbalaa' 'amɩ nɩ: 'Ba 'cɛrɛ 'Nyüna ‑Susu ‑wälɩ 'umä 'amɩ 'tiere, 'a ‑pɩ bʋbɔgbili 'ana plɛ 'bataa' nʋ.
‑Maa 'amɔlɔ 'ɔ 'baa' 'lɩ, ‑bɛ 'ɔ ‑nyɩa' 'Nyüna ‑Susu nɩ, 'u bä 'amɩ 'lɩ. 'A ‑kanyɩ 'kpɩkpɩakʋ ‑a kä, 'be ‑Susulu 'ɔ ‑nyɩa' 'amɩ nɩ, 'u 'kpɩa 'amɩ diia 'fɩɔ. 'U 'salɩ 'cɩcasa, 'u 'nɩ kä ‑gbagblɛ ‑a. 'Sɩrɩ 'u 'kpɩaa' 'amɩ nɩ, 'asɩ 'ba kʋ 'ɔɔn 'lɩ.
Tʋɩɩ 'amɩ, 'nyaa 'amɩ 'wʋ ‑jɩjra: 'a jre ɔ bä käa' ‑plɩɩ 'käkolofa 'wʋ. ‑Sëgbë 'amɩ, 'nyaa 'amɩ 'wʋ ‑jɩjra: 'a ‑sɔɔrɔwʋ, Nyɔsʋaa 'papawii nya bä 'amɩ 'lɩ, 'anya du Plɛbʋbɔsusu.
Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.
'N jre 'iin 'sɩrɩ 'a bäa' Abraamëa ‑glügböklɩa 'jü, ‑bɛ 'asɩɛ 'a 'bata 'na 'bablakʋ; dɛɛlɛ kä ‑gʋ, 'na 'papawiia kʋfa 'nyɩa' 'ana plɛklɩ bä.
‑Maa nyüülü ‑tʋʋäa' 'ɔɔ ‑bɛ 'ɔa käkädii 'nyügba nɩ, 'ɔ kä 'ɔmä 'lɩ 'üün ‑träärä ‑träärä 'kä 'taɩnlɩ 'ɔa tʋ ‑tʋa' 'lɩ nya 'lɩjrä.
Jesu nya ‑gbala juifënyüülü 'daa' ‑maa 'ü toro 'ɔɔn plɛ: «'Ama kʋ 'na mlɩa wii 'lɩ nɩ, 'na 'wʋnyɛrɛnyüü 'a bä 'kasa,