Jaan 15:5 - Kuö Dëdrä Jenɛɛsë Rutë

⁵ 'Mɔɔlɔ nɩ, 'mɔɔ bä viinyëtuu, 'amɔ bä katë. Nyɔɔlɔ 'maaa' 'mɩ ‑gbakä, ‑bɛ 'n 'maaa' ‑gbakä nɩ, 'ɔ tʋä ‑gböösa. ‑A ‑gbala 'amɩ, ama 'nyɩ 'amɩ 'lɩ ‑a bä, 'anyɩ 'lɩ ‑a bɩa 'amä dɛɛ nʋ.

Jaan 15:5 Referans Kwoze

Filipënyüü 4:13

'N 'mrɛɛ 'ia 'fɩɔlʋ mlɩ 'Kriisëa 'nyrɩklɩa ‑gʋ, 'be 'ɔɔ ‑nyɛɛɛ 'mɩ 'klü.

Kolɔɔsënyüü 1:10

'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Jaan 15:16

‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

2 Korɛɛntënyüü 13:8

'Be anyɩ 'lɩ ‑a bɩa amä Nyɔsʋaa 'cɩcasa 'klɩ ka; dɛɛlɛ a käa' amäa' nʋ nɩ, a ‑fɛ 'jrʋpa 'cɩcasa 'mä 'klɔɔtrʋ mi.

Jaan 5:19

Jesu nya 'patä 'ɔnya ‑gbala 'üün: «'Tasɩrɩa 'cɩcasa 'n ‑gbala 'amɩ, 'Jʋa 'doo 'nyɩ 'lɩ ‑a bɩa 'ɔ nʋ dɛɛ, wiili Tʋ nʋa' 'ɔ 'jäa' 'ii 'ɔ nö: wiili kä 'fɩɔ Tʋ nöa', 'asɩ 'Jʋ nö bɩa 'iin.

Jaakë 1:17

dɛɛ bäa' ‑nyɩnyɩdɛɛ ɛ 'naa', ɛ bäa' 'mʋfadɛɛ nɩ, cɛlɩ 'ɛ sɔ. ‑Srɩa Tʋa ‑nyɛɛ 'ɛ sɔ. 'Ɔ 'nɩ 'cici 'cici ‑a. 'Cicikʋ 'nyɩ 'ɔɔn 'lɩ ‑a bä.

2 Piɛɛrë 3:18

‑Maa 'ba 'bʋala Jesu 'Kriisëa ‑gbinanakʋ 'lɩ 'kä 'a jre 'ɔɔn ‑gböösa, 'ɔɔlɔ bäa' ana 'Pläkänyɔɔ nyra ana 'Lɩmlɩbanyɔɔ. 'Ɔɔ kä 'wliklɩbʋbʋakʋ 'köklesaplɩɩ, 'plɔʋplɔʋ! 'Asɩ i bä.

Jaan 12:24

'Tasɩrɩa 'cɩcasa 'n ‑gbala 'amɩ, dɛɛ bäa' 'jaji, ɛma blö ‑tʋtʋa 'mlɩ nɩ, 'ɛ ‑kaaŋlʋa' ‑fɛ nɩ, 'dee 'ɛ bä, ‑maa ɛma ‑fɛ, 'kä 'ɛ ‑gaaa, 'kä 'ɛ tʋä 'kɔkɔmlɛ.

Rɔmënyüü 7:4

'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Jaan 9:33

Nyɔɔlɔ kʋa' ‑pɩ ma 'nyɩ Nyɔsʋaa ‑nyɛɛ ‑a sɔ ɩ nɩ, 'ɔ ‑nëmä dɛɛ ‑a nʋ.»

Filipënyüü 4:17

‑Mää 'sɩrɩ 'n 'bataa' 'crɛrɛdii ‑a, ‑maa dɛɛlɛ 'n 'bataa', 'iibä 'jrʋpalä 'a ‑fɛɛɛa' nɩ, 'ba 'järä 'lɩ ‑gälɩa 'doo.

Rɔmënyüü 6:22

‑Maa dɛɛlɛ a kʋa' ‑plɩɩ ‑gälɩ nɩ, 'anya 'a ‑balʋ mlɩ sɔ, 'anya 'a Nyɔsʋaa ‑goou bä. 'A tʋä 'bölö 'nyɩa' ‑fre pa, 'ii 'tiere 'amɩ 'nyüna 'kläa 'mlɩ ‑bɛ 'amä 'klälä 'nyɩa' blöröfa kä 'jä.

Akëtë 4:12

'Lɩmlɩwʋwʋkʋ ‑kanyɩ nyɔɔ ‑moloo kälɩ ‑a bä. ‑A ‑gbala 'amɩ, Nyɔsʋa 'nyɩ 'nyrɩ ‑mɩdoo ‑pɩ ‑tʋtʋ ‑gälɩ ‑a ‑nyɩ i nyɔɔ 'mäa' kälɩ ‑srörö ‑bɛ 'ɔmäa' 'lɩmlɩwʋ.»

1 Korɛɛntënyüü 12:12

'Be, fugba bä 'döö ‑maa 'äa ‑gbaa dii ‑sümlö. 'Ia diilia 'fɩɔ ‑sümlö ‑tɛɛ ‑maa 'ia 'fɩɔ 'ii nö nyɔɔa fugba 'döö; 'asɩ 'Kriisë bä.

1 Piɛɛrë 2:4

'Ba jijrö 'Pläkänyɔɔ ‑gba 'ɔɔ bä 'lɩbä 'täkälä nyüü bea' 'klʋɛɛ. ‑Maa Nyɔsʋa 'ba 'ɔɔn 'lɩ 'ɔnya kä 'peru Nyɔsʋaa 'klɔɔtrʋ.

1 Korɛɛntënyüü 12:27

'Amɔ bä 'Kriisëa fugba, ‑moloo ma bälɩ 'ɔ bä 'ɔa fugbaa ‑gbaa dɛɛ.

Ɛfɛsënyüü 5:9

'be Nyɔsʋaa ‑Susu ‑nyɛɛ ‑gbinanakʋa 'kaɩn 'kaɩn, 'klɩgägäkʋ, nyra 'cɩcasa.

2 Korɛɛntënyüü 9:10

Nyɔsʋalɔ ‑nyɛɛa' papladii paplanyɔɔ ‑bɛ 'ɔ ‑nyɛɛa' 'ɔɔn 'klɩfini jijrɛ nɩ, 'ɔnya 'amɩ papladii ‑nyɩa 'kä 'ɔnya 'ia tʋtʋdii ‑sümlö, ‑bɛ 'ɔmä 'ana plɛnanakʋ ‑gälɩ 'papla.

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Rɔmënyüü 12:5

'Asɩ a ‑sümlö ‑maa a bä nyɔɔ 'doo 'Kriisë 'lɩ, ‑bɛ ‑moloo bä ‑molooa 'pɛ.

1 Korɛɛntënyüü 10:16

'Nɩpaköwölä kä ‑gʋ a 'trɛɛa' Nyɔsʋa nɩ, 'änyɩ nrörö amɩ 'doo 'lɩ 'Kriisëa ‑toru 'lɩ ‑a? ‑Bɛ 'flɔɔlʋ a ‑päpläa' 'lɩ nɩ, 'unyɩ nrörö amɩ 'doo 'lɩ 'Kriisëa 'jajɛ 'lɩ ‑a?

Matiö 13:21

‑maa 'ɔa plɛ 'nyɩ 'iin 'kpla ‑a 'kpla 'cɩcasa. 'Ɔnyɩ ‑tʋ wii 'nyügba ‑a. 'Pɩrɩgälɩ nɩ, ɔma bä ‑sʋɩ 'lɩ, 'aiɛ üma jrara 'ɔɔn 'nyüamlɩ nyɔsʋaawiia ‑gʋ nɩ, 'köklesaplɩɩ 'ü 'wʋä nyɔsʋaawii dɛrɩ.