Jaan 15:16 - Kuö Dëdrä Jenɛɛsë Rutë

¹⁶ ‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.

Jaan 15:16 Referans Kwoze

Jaan 15:19

'Ama bä ɩ 'pläa 'mlɩa nyüü nɩ, 'plä nya ɩ 'amɩ ‑waa, 'be 'äa nü 'a bä. ‑Maa 'n 'baa' 'amɩ 'pläa ‑tɔrʋpɩɔ ‑bɛ 'a ‑kanyɩa' 'pläa nü bä nɩ, 'a 'ia ‑gʋ 'plä jrara 'amɩ 'nyüa 'mlɩ.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Lukë 6:13

‑Srɩ paa' nɩ, 'ɔnya we 'ɔa 'wʋnyɛrɛnyüü, 'ɔnya tɛ 'üa ‑tɔrʋpɩɔ 'ɔnya 'balɩ nyüüpʋnyüüsɔɔ. 'Ɔnya 'dara 'üün Apotrë:

Galaatënyüü 1:15

‑Maa 'n ‑ka bä 'na 'yioa 'mlɩ Nyɔsʋa nya 'balɩ 'mɩ, 'ɔnya were 'mɩ 'ɔa ‑gbinanakʋ 'lɩ. 'Taɩn 'lɩ 'ɔ ‑waa'

1 Jaan 4:19

Amɔlɔ nɩ, a ‑wa 'ɔɔn, 'be 'ɔɔ ‑kätɩ ‑wa amɩ.

Akëtë 22:14

'Ɔ ‑nëma nɩ: ‹Ana tʋɩɩa Nyɔsʋa 'a kä 'lɩ ‑mɩ 'ba, ‑mä wiili 'ɔ 'bataa' jre, ‑mä 'Klɩgänyɔɔ 'jä, ‑bɛ ‑mä 'ɔa mlɩa wii 'wlinu,

2 Timotee 2:2

‑Bɛ wiili 'n 'palaa' nyüü 'kɔkɔmlɛa 'klɩ, i ‑nuua' 'wli nɩ, tɩ 'iin plɛtoronyüülü 'mrɛɛa' 'ümäa' bɩa 'iin nyüü ‑mölöö 'kpɩa ‑gba.

Jaan 13:18

«‑Mää 'ana 'fɩɔ 'nyɩ 'daa; 'n jre ‑mülü 'n 'baa' 'lɩ. ‑Maa wiili ‑jɩjraa' nyɔsʋapɔɔkʋ 'lɩ, i 'daa': ‹Nyɔɔlɔ nyra 'ɔɔn taraa' ‑pööö 'döö 'lɩ, 'ɔɔ bä 'na 'kpɛɛ 'lɩ› 'asɩ 'i nrörö.

Jaan 6:70

Jesu nya ‑gbala 'üün: «‑Mää 'mɔɔ 'nyɩ 'lɩ 'ana nyüüpʋnyüüsɔɔ 'baa? ‑Bɛ 'ana ‑tɔrʋpɩɔa 'doo bä Sataan 'e!»

1 Piɛɛrë 3:15

'Ba 'bʋala 'Pläkänyɔɔ Nyɔsʋa 'ana plɛklɩ. Nyüüa 'fɩɔ ma 'bete 'amɩ: dɛplɛɛ bä plɛgälɩpiepiekʋ u bä 'amɩ 'lɩ le? 'Ba ‑ëlere 'taɩn a 'fɩɔ 'amä 'üün ‑gälɩsa plɛböblösa nyra 'lɩträäräsa.

1 Jaan 4:10

‑Jää dɛɛlɛ bäa' ‑wawakʋ: ‑mää amɔ 'nyɩ Nyɔsʋa ‑wa, ‑maa 'ɔɔ ‑wa amɩ. Ana ‑wawakʋa ‑gʋ nɩ, 'ɔnya 'sa 'ɔa 'Jʋ ana ‑balʋa ‑gʋ ‑bɛ 'ɔa 'crɛ 'mä 'wʋcie.

Akëtë 1:24

'Ünya bibie Nyɔsʋa, 'ü ‑nëma: «'Pläkänyɔɔ, ‑mɔ jrea' nyüüa 'fɩɔa polu, srara amɩ ‑mɔlɔ ‑baaa' 'lɩ 'üa 'sɔɔa ‑tɔrʋpɩɔ,

1 Piɛɛrë 3:2

'Ümä 'iin 'jä 'sɩrɩ 'ana nʋnʋgbi 'naa ‑bɛ 'i ‑trääräa' 'lɩ Nyɔsʋa.

Rɔmënyüü 15:4

Diili kä 'fɩɔ ‑jɩjra käa' nyɔsʋapɔɔkʋ 'lɩ nɩ, ana 'kpɩkpɩakʋa ‑gʋ 'i ‑jɩjra. 'Inya amɩ plɛböblökʋ nyra 'klü ‑nyɩa, amä 'suru dɛɛlɛ 'naa' ɛ Nyɔsʋa tɛrɛa' 'amɩ, 'amä 'ɛɛn 'jä.

Akëtë 9:15

‑Maa 'Pläkänyɔɔ nya ‑gbala 'ɔɔn: «Mi! 'A nyɔɔlɔ 'n 'baa' 'lɩ 'ɔmä 'na 'nyrɩ 'plä 'klɩsrara: nyüülü 'nyɩa' juifë bäa 'klɩ, 'üa 'kɩɩɩa 'klɩ, nyra Israɛɛlëa 'klɩ.

Matiö 21:22

'Ama toro Nyɔsʋa plɛ nɩ, dɛɛ o dɛɛ 'a nëmäa' Nyɔsʋa 'lɩ 'betre nɩ, 'ɔnya 'amɩ 'ɛɛn ‑nyɩa.»

2 Timotee 1:11

'A 'Mʋfagogoläa ‑gʋ Nyɔsʋa nrörö 'mɩ 'ɔa mlɩawiipanyɔɔ 'lɩ, apotrë nyra nyüülü 'nyɩa' juifë bä 'üa 'kpɩkpɩanyɔɔ.

1 Korɛɛntënyüü 10:11

‑Bɛ 'ia 'fɩɔlʋ jrä ana tʋɩɩ ‑gälɩ 'imä ana ‑tɔɔɔ bä. ‑Bɛ 'i ‑jɩjra amä 'ia plɛ kä, amɔlɔ nyaa' 'taɩn a blöröfa 'wʋ 'tɔtɔkʋ bɩa.

Rɔmënyüü 9:21

Nyɔɔlɔ 'maaa' bëtë nɩ, ‑mää 'ɔɔn 'nyɩ 'kama ‑mamɛɛ? ‑Mää 'ɔɔ 'nyɩ nrörö ‑mamɛɛ 'deelɛ 'cɩcɩatakɔ nyra 'lɩkäwlatakɔ 'lɩ?

Jaakë 3:18

Nyüülü 'bataa' 'wlinönrökʋ nɩ, 'wlinönrösa 'ü ‑fɛɛɛ 'jrʋpa. 'Üa 'pɛɛ bä 'klɩgägäkʋ.

Ebröönyüü 11:4

Abɛɛlëa nyɔsʋaplɛtorokʋa ‑gʋ 'ɔ ‑nyɩ Nyɔsʋa ‑gbɔsadiili 'naa' i ‑sia' Kaɛɛn a ni 'wʋ. 'A 'ɔa nyɔsʋaplɛtorokʋa ‑gʋ Nyɔsʋa 'kʋɛɛ 'lɩ 'ɔa në ‑gbɔ, 'ɔnya 'daa 'ɔ bä 'klɩgänyɔɔ. 'A 'ɔa nyɔsʋaplɛtorokʋlʋa ‑gʋ Abɛɛlë jä ‑bɛ 'ɔ ‑ka 'paa wii.

Titë 1:5

'N tɩ ‑mɩ Krɛɛtëa 'mlɩ, 'kä diili ‑kaaŋlʋa' 'känyɩgla nɩ, ‑mä 'iin 'känyɩgla, ‑bɛ 'cɛcʋlʋ bäa' bätäa 'mlɩ nɩ, ‑mä 'ua 'mlɩ 'cɛcɩtagbü ‑tätä, 'sɩrɩ 'n ‑gbala käa' ‑mɩ.

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Rɔmënyüü 1:5

'Ɔɔ Nyɔsʋa ‑srörö kälɩ 'ɔnya ‑nyɩ amɩ 'ɔa ‑gbinanakʋ, 'ɔa ‑gʋ 'ɔ nrörö amɩ apotrë 'lɩ, amä 'iin nʋ 'kä 'ɔa 'nyrɩklɩ nyüülü 'nyɩa' juifë bä 'mä 'ɔɔn plɛtoro ‑bɛ 'ümä 'ɔɔn 'lɩträärä.

Akëtë 10:41

‑mää nyüüa 'fɩɔ 'ɔnyɩ 'klɩtɔrɔ ‑maa nyüülü Nyɔsʋa 'baa' 'lɩ ‑kätɩ 'ümäa' 'lɩ wiili 'ü 'jäa' 'sa nɩ, 'üü 'ɔ 'tɔrɔklɩ. 'Abɩa amɔ, amɔ nyra 'ɔɔn taraa' 'wʋ ‑bɛ a 'mlaraa' 'wʋ, amɔ 'ɔ 'tɔrɔklɩ 'ɔ sɔa' 'kuaabre.

1 Timotee 2:7

'Abɩa 'mä 'lɩ 'iin 'sa, 'ia ‑gʋ 'ɔ nönrö 'mɩ apotrë nyra nyɔsʋaawiipanyɔɔ. 'Cɩcasa 'n 'saalɩ 'Kriisëa 'klɩ, ‑mää ‑gbagblɛ 'nyɩ kä. 'Ɔ nönrö 'mɩ apotrë 'lɩ 'mä dɛɛlɛ bäa' nyɔsʋaplɛtorokʋ nyra 'cɩcasa nyüülü 'nyɩa' juifë bä 'kpɩa.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Jenɛɛsë 18:18

Abraamë nya 'wʋsɔɔrɔ ‑glügbö kpakö bäa, 'kä 'nyaa 'ɔɔn kälɩ ‑srörö 'kä 'nyaa ‑tʋtʋ ‑gälɩa 'blɩa 'fɩɔ 'nɩ 'pa.

Rɔmënyüü 1:13

'Na ‑wlajü 'amɩ, 'ba jresaa ‑srɩ ‑mɩdoo 'lɩ 'n ‑tʋʋä 'lɩ jrüü 'mä 'ana ‑nyɛɛ ji, ‑maa 'n ‑kaaŋlʋ 'saalɩ 'casɩ ‑a 'jä 'mä ɩ 'ana ‑tɔrʋpɩɔ nyra 'blɩ ‑mɩdooa 'mlɩ 'nyüüdëdrë 'järä.

Akëtë 1:8

‑Maa 'Nyüna ‑Susu nya 'amɩ ‑gälɩ 'cerea, 'kä 'unya 'amɩ 'klü ‑nyɩ, ‑bɛ wiili käläa' 'mɩ ‑gba, i 'a 'jäa' nɩ, 'amä 'iin 'lɩsa Jerusalɛɛmë; sɔ bɩa Judee nyra Samariia ‑tʋtʋa 'fɩɔ ‑gälɩ, ‑a ‑tɔɔ ‑tʋtʋa blöröfa 'wʋ.»

Matiö 7:7

«'Ba ‑sɛ, ‑bɛ Nyɔsʋa 'mä 'amɩ ‑nyɩ; 'ba 'bata, 'anya 'ɛɛn 'jäa; 'ba bɔtɔ tatu, 'ɔnya 'amɩ tatu 'klɩ 'saa.

Jaan 15:5

'Mɔɔlɔ nɩ, 'mɔɔ bä viinyëtuu, 'amɔ bä katë. Nyɔɔlɔ 'maaa' 'mɩ ‑gbakä, ‑bɛ 'n 'maaa' ‑gbakä nɩ, 'ɔ tʋä ‑gböösa. ‑A ‑gbala 'amɩ, ama 'nyɩ 'amɩ 'lɩ ‑a bä, 'anyɩ 'lɩ ‑a bɩa 'amä dɛɛ nʋ.