Jaan 15:10 - Kuö Dëdrä Jenɛɛsë Rutë

¹⁰ 'Ama ‑träärälɩ 'na ‑dɔwii nɩ, 'anya 'na ‑wawakʋ 'lɩ kʋa, 'sɩrɩ 'n ‑trääräa' 'lɩ 'na Tʋa ‑dɔwii ‑bɛ 'n kʋa' 'ɔa ‑wawakʋ 'lɩ.

Jaan 15:10 Referans Kwoze

Jaan 14:15

«'Ama ‑wa 'mɩ nɩ, 'ba ‑träärälɩ 'na 'papawii,

1 Jaan 5:3

'Be Nyɔsʋaa ‑wawakʋ bä 'ɔa ‑dɔa 'lɩträäräkʋ. ‑Bɛ 'ɔa ‑dɔ 'nyɩ 'kʋɛɛ ‑a bä.

1 Jaan 2:5

‑Maa ‑mɔlɔ ‑trääräa' 'lɩ 'ɔa mlɩa wii nɩ, Nyɔsʋaa ‑wawakʋlʋ bäa' 'ɔɔn 'lɩ 'u jräwli. 'A ‑plɩɩ a jresaa 'sɩrɩ a bäa' 'ɔɔn 'lɩ.

2 Piɛɛrë 2:21

'Be 'i 'na ɩ 'nɩmɩ 'kä 'ünyɩ jre 'nyʋfɔlʋ ‑gäa' 'klɩ; ‑maa jre 'uun ‑bɛ ‑a ‑sɔ 'nyünawiili ‑kpɩaa' dɛrɩ nɩ, 'i bʋbɔ.

Jaan 8:29

Nyɔɔlɔ blɔa' 'mɩ bä 'mɩ dɛrɩ; 'ɔnyɩ 'mɩ dɛrɩ ‑a sɔ, 'be wiili 'ɔ 'bataa' 'a 'ii 'n nöa 'doo.»

Jaan 4:34

Jesu nya ‑gbala 'üün: «'Na jijrɛ bä ‑a nʋ wiili nyɔɔlɔ blɔa' 'mɩ 'daaa', ‑bɛ ‑a 'wlara 'ɔa 'jrʋpa.»

1 Tɛsalonikënyüü 4:1

'Na ‑wlajü 'amɩ, 'a 'kpɩara amɩ ‑gba 'sɩrɩ 'amäa' 'nyɛ ‑bɛ 'amäa' Nyɔsʋa 'tʋkä; 'ii 'a nö ɩ ‑piii. ‑Maa amɔ 'betre 'amɩ 'iin 'lɩ: a bibie 'amɩ, 'sɩrɩ 'a nyra 'Pläkänyɔɔ Jesu bäa' 'doo nɩ, 'ia 'nyrɩklɩ, 'ba 'palɩ 'klü 'ba nʋ 'iin a 'doo.

Jaan 17:4

'N 'bʋala ‑mɩ ‑tʋtʋ ‑gälɩ, 'nyaa 'wlara 'jrʋpalä ‑nyɩa' 'mɩ.

Jaan 14:31

‑Maa 'plä 'mä 'saa jre 'n ‑wa Tʋ ‑bɛ wiili kä 'fɩɔ Tʋ 'daaa' ‑a nʋa', 'iin 'n nʋ. 'Ba sɔwʋ amä mi!»

Jaan 12:49

Wiili kä 'fɩɔ 'n 'paa', ‑mää 'na 'dooa plɛklɩa wii ‑a, ‑maa Tʋlɔ blɔa' 'mɩ, 'ɔ ‑gbala 'mɩ wiili 'mäa' 'pa.

'Nyügälɩjawii 22:14

Abɩa dɔrʋ 'bla nyüülü ‑trääräa' 'lɩ nyɔsʋaawii 'lɩ, 'üü nëmä tuulu ‑nyɛɛa' 'kläa 'bü ji, 'kä 'ünya bätäläa tatia mlɩ ‑srörö 'kä 'ünya pa.

Jaan 14:21

Nyɔɔlɔ poa' 'na 'papawii 'nyakli ‑bɛ ɔ ‑trääräa' 'lɩ 'iin nɩ, 'ɔɔ ‑wa 'mɩ; ‑bɛ nyɔɔlɔ ‑waaa' 'mɩ nɩ, 'na Tʋ nya 'ɔɔn ‑waa, 'na 'mʋgbɛ 'nyaa 'ɔɔn ‑waa, 'kä 'nyaa 'ɔɔn 'na nyufa srara.»

1 Korɛɛntënyüü 7:19

Nyɔɔa 'böbökʋ 'nyɩ dɛɛ ‑a bä, ‑bɛ nyɔɔ ma 'nyɩ 'bölö ‑a 'bölö 'inyɩ dɛɛ ‑a bä; wiili bäa' wii nɩ, 'iibä Nyɔsʋaa ‑dɔa 'lɩträäräkʋ.

Ebröönyüü 7:26

'A 'samaa 'nyüna ‑gbɔsapɛrɩnyɔɔ kpakö a 'bata, 'ɔ ‑kaapɩɔ bʋbɔgbi nʋ; 'ɔ ‑kaapɩɔ ‑balʋ nʋ, 'ɔnya sɔ ‑balʋnyüü dɛrɩ, Nyɔsʋa nya 'jrara 'ɔɔn cɛɩɩa 'wliklɩ.

Jaan 8:55

‑bɛ 'anyɩa' jre. 'Mɔɔlɔ nɩ, 'n jre 'ɔɔn, ‑bɛ ama 'daa ɩ 'nyɩ 'ɔɔn jre ‑a jre nɩ, 'nyaa 'ana 'sa bä, 'nyaa ‑gbagblɛkänyɔɔ bä. ‑Maa 'n jre 'ɔɔn, ‑bɛ 'n ‑träärälɩ 'ɔa mlɩa wii.

Jaan 10:18

Nyɔɔ 'nyɩ 'ba 'ään 'mɩ kälɩ ‑a. 'Na 'mlɔɔ ‑nyɛɛ 'ään. 'N 'mrɛɛ ‑a ‑nyɩ 'ään, ‑bɛ 'n 'mrɛɛ ‑a dɔrɔ 'ään 'wʋ; 'n 'klaa 'ia 'klü. 'A wiili 'na Tʋ ‑gbalaa' 'mɩ ‑a nʋa'.»

Jaan 14:23

Jesu nya ‑gbala 'ɔɔn: «Nyɔɔ ma ‑wa 'mɩ nɩ, 'ɔnya 'lɩ 'na mlɩa wii ‑trääräa, 'kä 'na Tʋ nya 'ɔɔn ‑wa; anya 'ɔa ‑nyɛɛ jia, 'kä anya 'lɩ ana kʋfa nrörö.

1 Jaan 2:3

Ama ‑träärälɩ 'ɔa ‑dɔ nɩ, 'a ‑plɩɩ a jresaa 'sɩrɩ a jrea' 'ɔmɩ.

1 Jaan 2:6

Nyɔɔlɔ 'daa ‑maa 'ɔ bä 'ɔɔn 'lɩ nɩ, 'sɩrɩ 'ɔa 'mʋgbɛ 'nyɛa' nɩ, 'asɩ 'ɔ 'kä 'ɔmä bɩa 'nyɛ.