Jaan 14:7 - Kuö Dëdrä Jenɛɛsë Rutë

⁷ 'Ama jre ɩ 'mɩ nɩ, 'anya ɩ bɩa 'na Tʋ jrea. 'Bala 'saarɩ ‑gälɩ 'anya 'ɔɔn jre, 'anya 'jä 'ɔɔn.»

Jaan 14:7 Referans Kwoze

Jaan 8:19

'Ünya 'bete 'ɔɔn: «‑A 'jää ‑na tʋlɔ le?» 'Iibäa' Jesu nɩ: «'Anyɩ 'mɩ ‑a jre, 'anyɩ 'na Tʋ ‑a jre. 'Ama jre ɩ 'mɩ nɩ, 'anya ɩ 'na Tʋ jrea bɩa.»

Lukë 10:22

'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.»

Jaan 17:8

'Be ‑na mlɩa wiili ‑nyɩa' 'mɩ nɩ, 'ii 'n ‑nyɩ 'üün. 'Ünya 'nyiere 'iin 'klɩ, 'ünya jresaa 'kasa ‑na ‑nyɛɛ 'n sɔ, ‑mɔ blɔ 'mɩ.

Jaan 17:6

«Nyüülü ‑baaa' 'pläa ‑tɔrʋpɩɔ ‑nyɩa' 'mɩ nɩ, 'n srara 'üün ‑na 'nyrɩ. ‑Mɔ ma kä 'üün, ‑nya ‑nyɩ 'mɩ 'üün. 'Ünya ‑träärälɩ ‑na mlɩa wii.

1 Jaan 2:13

Tʋɩɩ 'amɩ, 'amɔ 'n ‑jɩjra 'wʋ: 'a jre ɔ bä käa' ‑plɩɩ 'käkolofa 'wʋ. ‑Sëgbë 'amɩ, 'amɔ 'n ‑jɩjra 'wʋ: 'anya 'a Plɛbʋbɔsusu du. 'Jü 'amɩ, 'amɔ 'n ‑jɩjra 'wʋ: 'a jre Tʋ.

Jaan 17:26

'Nyaa srara 'üün ‑na 'nyrɩ, 'nyaa 'sɔɔwʋ 'ümɩ 'iin sraraa, ‑bɛ 'sɩrɩ ‑waa' 'mɩ, 'ia ‑wawakʋ 'mä 'üün 'lɩbä, ‑bɛ 'mä bɩa 'üün 'lɩbä.»

Jaan 17:23

'N bä 'üün 'lɩ, ‑nya bä 'mɩ 'lɩ, 'ümä 'tasɩrɩ 'doo bä, ‑bɛ 'plä 'mä 'saa jre ‑mɔ ‑blɔ 'mɩ, 'ümä bɩa 'saa jre 'sɩrɩ ‑waa' 'mɩ, 'asɩ ‑wa 'üün.

Jaan 17:21

'üa 'fɩɔ 'mä 'doo bä. 'Na Tʋ, 'sɩrɩ ‑bäa' 'mɩ 'lɩ ‑bɛ 'n bäa' ‑mɩ 'lɩ, 'üa 'mʋgbɛ 'mä amɩ 'lɩ 'doo bä, ‑bɛ 'pläa 'mlɩa nyüü 'mä 'saa jre ‑mɔ blɔ 'mɩ.

Jaan 16:3

'Be 'ünyɩ 'mɔɔ ‑bɛ Tʋ ‑a jre, 'ia ‑gʋ 'ümä 'iin nʋ.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Jaan 17:3

‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

Jaan 15:24

Ama 'nyɩ ɩ 'üa ‑tɔrʋpɩɔ 'jrʋpa ‑a ‑fɛɛɛrɛ, ä nyɔɔ ‑kaapɩɔa' ‑fɛ nɩ, ‑balʋ ‑nëmä ɩ 'üün 'lɩ ‑a bä. ‑Maa 'köklesaplɩɩ ɔ nɩ, 'ü 'jä 'ään, ‑bɛ 'ü jrara 'mɔɔ ‑bɛ 'na Tʋ 'nyüamlɩ.

Jaan 6:46

Nyɔɔ ‑kaapɩɔ Tʋ 'jä, ima 'nyɩ ɔ sɔa' Nyɔsʋaa ‑nyɛɛ ‑a bä; 'ɔɔ 'jä Tʋ.

Jaan 1:18

Nyɔɔ ‑kaapɩɔ Nyɔsʋa 'jä. 'Jʋ 'doo 'doolɔ sɔa' Tʋa ‑nyɛɛ, 'ɔɔ 'lɩ a 'järä 'ɔɔn.

Matiö 11:27

«'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ bɩa 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.