Jaan 14:3 - Kuö Dëdrä Jenɛɛsë Rutë

³ Ama mi, ‑bɛ ama ‑nyɩgla 'ana kʋfa 'kä nɩ, 'nyaa 'ana 'klɛɛ jia, ‑bɛ ‑plɩɩlɩ 'n kʋa' nɩ, 'amä bɩa 'lɩ kʋ.

Jaan 14:3 Referans Kwoze

Jaan 12:26

Nyɔɔ ma ‑fɛ 'na 'jrʋpa, ɔ ‑mɛ 'mɩ ‑gälɩ; ‑bɛ ‑plɩɩlɩ 'n kʋa' 'na 'jrʋpafɛnyɔɔ 'mä bɩa 'lɩ kʋ. Nyɔɔ ma ‑fɛ 'na 'jrʋpa, 'na Tʋ nya 'ɔɔn 'bʋalaa.»

2 Timotee 2:12

‑Bɛ ama ‑sɔɔrɔwʋ ‑sʋɩa 'mlɩ nɩ, a nyra 'ɔɔn nya 'kɩɩa 'kamakʋ 'lɩ 'nyɛrɛa. ‑Maa ama sɔ 'ɔɔn dɛrɩ nɩ, 'ɔa 'mʋgbɛ nya amɩ dɛrɩ sɔa.

Akëtë 1:11

'Ünya ‑gbala nyüülü tɛ ɩa' cɛ 'lɩ: «Galileenyüü, dɛplɛɛ kä ‑gʋ 'a kʋ ‑plɩɩ ‑bɛ 'a ‑pʋpɔ cɛ 'lɩ le? Jesulɔ Nyɔsʋa 'baa' 'ana ‑tɔrʋpɩɔ ɔ mia' cɛ 'lɩ nɩ, 'sɩrɩ 'a 'jäa' 'ɔɔn ‑bɛ 'ɔ 'jraa' cɛ 'lɩ nɩ, 'asɩ 'ɔmä dɛrɩblöö.»

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

Rɔmënyüü 8:17

‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.

Jaan 14:28

'A 'nu 'mɩ 'wli, 'nyaa 'daa: ‹Mö 'n mö ‑bɛ 'mä ‑srɩɩ 'ana ‑nyɛɛ dɛrɩ 'blöö.› 'Ama ‑wa ɩ 'mɩ nɩ, dɔrʋ nya 'amɩ 'blaa 'n möa' Tʋa ‑nyɛɛ, 'be 'ɔ 'bʋa 'ɔnya ‑si 'mɩ 'wʋ.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

2 Tɛsalonikënyüü 1:12

'Asɩ ana 'Pläkänyɔɔ Jesu 'Kriisëa 'nyrɩ 'mä 'amɩ 'lɩ 'bʋala, ‑bɛ 'amä 'ɔmɩ 'lɩ 'bʋala bɩa, ana Nyɔsʋa nyra 'Pläkänyɔɔ Jesu 'Kriisëa ‑gbinanakʋa ‑gʋ.

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.

Filipënyüü 1:23

'Na plɛ 'kʋkrʋɛɛ 'mɩ 'lɩ: 'n 'bata ‑a sɔ 'plälä kʋa' ‑pɩa 'mlɩ 'mä 'Kriisëa ‑nyɛɛ mi, 'i ‑siwʋ 'nanakʋ!

Jaan 14:4

‑Plɩɩlɩ 'n möa' 'a jre 'lɩ, 'anya jre 'ia 'nyʋfɔ.»