16 ‑bɛ 'mä Tʋ ‑gbala 'ɔmä 'amɩ ‑gbajinyɔɔ ‑moloo ‑nyɩ; 'ɔ nyra 'amɔ 'mä ‑wälɩkʋ 'plɔʋplɔʋ.
‑Maa ‑Gbajisusulu, u bäa' 'Nyüna ‑Susu, u Tʋ 'mäa' 'na 'nyrɩklɩ jara nɩ, 'unya 'amɩ diia 'fɩɔ 'kpɩaa, 'kä 'unya 'amɩ wiili 'kä 'fɩɔ 'n ‑gbalaa' 'amɩ plɛpa.
«‑Maa 'taɩn 'lɩ 'mäa' 'amɩ ‑Gbajisusulu sraraa' 'cɩcasa ja, u sɔa' 'na Tʋa ‑nyɛɛ nɩ, 'unya 'na ‑gä 'paa.
Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!
‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;
'be Nyɔsʋaa 'kamaplälä nɩ, ‑mää jijri 'aiɛ 'mamladiia wii 'nyɩ 'saabä, ‑maa 'klɩgägäkʋ, 'wlinönrökʋ nyra dɔrʋlʋ sɔa' 'Nyüna ‑Susua ‑nyɛɛ, 'ia wii bäsaa.
'Cɛcʋlʋ bäa' Judeeabre, Galileeabre, nyra Samariiabre nɩ, 'ua plɛ ‑gälɩ flɛrɛ. 'U ma 'papla 'klülɩ ‑bɛ 'u ma ‑träärälɩ 'Pläkänyɔɔ. 'Nyüna ‑Susua ‑gʋ 'u 'paplagälɩa 'doo.
'Na 'jü 'amɩ, 'a ‑pɩ ‑balʋ nʋ 'a 'ia ‑gʋ 'n ‑jɩjra 'amɩ 'wʋ. ‑Maa nyɔɔ ma nʋ ‑balʋ nɩ, a kälä Tʋa ‑gba ana 'wli 'lɩa wiipanyɔɔ: Jesu 'Kriisëlɔ ‑gäa' 'klɩ.
‑maa nyɔɔ o nyɔɔ nëmäa' 'nɩlɩ 'nëmäa' 'ɔɔn ‑nyɩ 'mla nɩ, 'mamlatʋ ‑ka ‑nëmä 'ɔɔn 'bla ‑a 'bla 'plɔʋ, ‑bɛ 'nɩlɩ 'nëmäa' 'ɔɔn ‑nyɩ nɩ, 'inya 'ɔa 'kläa 'mlɩ ‑gbaalaa ‑beere 'niea sɔrɔfa, 'kä 'inya 'ɔɔn 'klälä 'nyɩa' blöröfa kä ‑nyɩ.»
'kä 'a 'kpɩa 'üün wiili kä 'fɩɔ 'n ‑gbala kä 'amɩ, 'ia 'lɩträäräkʋ. 'Mɔɔlɔ nɩ, 'ba jresaa 'n bä 'ana ‑tɔrʋpɩɔ sɔ 'saarɩ ‑gälɩ ‑a 'tɔ 'pläa bɩarafa 'wʋ. 'Asɩ i bä!»
'Kriisë ma ‑nyɩ 'amɩ 'klü, 'ɔa ‑wawakʋ ma 'cie 'ana plɛ 'wʋ, Nyɔsʋaa ‑Susu ma ‑ma 'ana 'fɩɔ, 'ama kä ‑gbinanakʋ ‑bɛ 'ama kä ‑mölööa nyatɛrɩ nɩ,
‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.
‑Maa 'wʋnyɛrɛnyüülü nɩ, 'Nyüna ‑Susu nyra dɔrʋ nya 'si 'üün 'klɩ.
'Na Tʋ, 'nyɩ bibie ‑mɩ ‑a 'kä ‑mä 'üün 'plä 'wʋ 'ba, ‑maa ‑mä 'lɩ 'üün Plɛbʋbɔsusu dɛrɩtʋŋlɔ.
'Nëmä 'amɩ ‑gbokuidɛɛ 'lɩ ‑a tɩ, 'nyaa dɛrɩ 'blööa.
'A 'ia ‑gʋ 'ɔ 'mrɛɛ ɔ 'pʋɔ bɩa 'plɔʋplɔʋa ‑gʋ nyüülü ‑sröröa' 'ɔɔn kälɩ ü 'bataa' Nyɔsʋaa ‑gbajijrökʋ, 'be 'ɔ bälɩ 'plɔʋplɔʋa ‑gʋ 'ɔmä 'üa 'wlili bibie.
Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ!
'Ama 'bete dɛɛ 'na 'nyrɩklɩ, 'nyaa 'amɩ 'ɛɛn ‑nyɩa.
«‑Mää 'üa 'kpɔa' 'wli 'lɩ 'nyɩ bibie, ‑maa 'n bibie bɩa ‑mülü nëmäa' 'üa 'papawii kälɩ ‑srörö ‑bɛ 'ümäa' 'mɩ plɛtoro, 'üa 'wli 'lɩ,
'Ii känyrɩ 'ana 'mʋgbɛ, 'köklesa 'ana plɛfie, ‑maa 'nyaa 'sɔɔwʋ 'amɩ 'jäa, 'kä dɔrʋ nya 'amɩ 'bla. 'Ia dɔrʋlʋ nɩ, nyɔɔ ‑nëmä 'amɩ 'uun plɛklɩ ‑a 'ba.
Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,
'A ‑Susulu 'mäa' nyüülü toroa' 'ɔɔn plɛ ‑gälɩ 'cere nɩ, 'ua ‑gä 'ɔ 'paa. 'Ia 'taɩnlɩ ‑Susulu ‑kaaŋlʋ 'üün ‑gälɩ 'cere, 'be Jesu ‑kaaŋlʋ cɛa 'mlɩ 'bʋala.
‑Jäsɩ 'ɔ ‑gbala 'üün 'taɩn 'lɩ 'ɔ nyra 'üün bä ɩa' ‑pɩɔ 'doo 'wʋ nɩ: «'Anyɩ sɔ Jerusalɛɛmë, 'ba ‑glaaa dɛɛlɛ Tʋ 'daaa' 'ɔmäa' 'amɩ ‑nyɩ, dɛɛlɛ kä ‑gä 'n ‑gbala käa' 'amɩ.
‑Maa 'amɔlɔ 'ɔ 'baa' 'lɩ, ‑bɛ 'ɔ ‑nyɩa' 'Nyüna ‑Susu nɩ, 'u bä 'amɩ 'lɩ. 'A ‑kanyɩ 'kpɩkpɩakʋ ‑a kä, 'be ‑Susulu 'ɔ ‑nyɩa' 'amɩ nɩ, 'u 'kpɩa 'amɩ diia 'fɩɔ. 'U 'salɩ 'cɩcasa, 'u 'nɩ kä ‑gbagblɛ ‑a. 'Sɩrɩ 'u 'kpɩaa' 'amɩ nɩ, 'asɩ 'ba kʋ 'ɔɔn 'lɩ.
'A 'cɩcasalä bäa' amɩ 'lɩ ‑bɛ a nyra 'ään 'mäa' ‑wälɩkʋ 'plɔʋplɔʋ nɩ, 'äa ‑gʋ a ‑wa 'amɩ.