Jaan 13:8 - Kuö Dëdrä Jenɛɛsë Rutë

⁸ 'Iibäa' Piɛɛrë nɩ: «‑Mää 'sɩ 'inyɩ bä; ‑nëmä 'plɔʋ 'na bei ‑gba ‑a su.» Jesu nya ‑gbala 'ɔɔn: «Ama 'nyɩ ‑mɩ ‑a ‑futo, ‑ka ‑nëmä 'na kälɩa dɛɛ ‑a 'jä.»

Jaan 13:8 Referans Kwoze

Titë 3:5

'ɔnya 'ba amɩ 'lɩmlɩ, ‑mää 'kä wiili a nʋa' 'i ‑gäklɩ ‑a, ‑mää 'ia ‑gʋ 'ɔnyɩ amɩ 'pʋɔ, ‑maa 'ɔa nyatɛplɛa ‑gʋ 'ɔ 'pʋɔ amɩ. 'Ɔ ‑futo amɩ 'ɔnya nrörö amɩ nyüüdëdrä 'lɩ, 'cicikʋlʋ nɩ, 'Nyüna ‑Susu 'uu nrörö 'iin ana 'kläa 'mlɩ.

Akëtë 22:16

Dɛplɛɛ ‑ka ‑glaaa le? Sɔwʋ, we 'Pläkänyɔɔa 'nyrɩ 'kä ‑paa 'nɩwli, 'kä nö 'imɩ ‑na ‑balʋ 'mä kpëträ.›

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.

Ɛfɛsënyüü 5:26

'ɛmä 'klɩbere. 'Papawii nyra 'nɩ 'ɔ nʋ 'ɔnya 'ba 'ɛɛn ‑fre 'lɩ.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

'Nyügälɩjawii 7:14

'Nëma: «'Pläkänyɔɔ, ‑mɔ jre 'iin.» 'Ɔ ‑nëma: «Ü kʋa' ‑pɩ nɩ, 'a ü 'jäa' ‑sʋɛ kpaki. 'Ü pɔtɔ 'üa 'koti, 'ünya ‑srörö 'iin ‑Bablëëjʋa ‑toru 'lɩ 'inya 'pɔlɔ.

'Nyügälɩjawii 1:5

nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.

Kolɔɔsënyüü 2:23

‑Yɛɛ, 'i jajra 'lɩgaglakʋa 'jrʋpa, 'be 'i kpɛrɛ nyüü Nyɔsʋaa ‑pʋpʋakʋ; ‑kä ‑mä ‑na nyufa 'wʋ 'cie; ‑kä ‑mä ‑na fugba ‑gbigba nʋ. ‑Maa 'inyɩ 'lɩ ‑a bɩa i ka 'jajɛ 'klɩ 'kä wiili 'ɛ 'bataa' 'ɛmä 'iin nʋ.

Kolɔɔsënyüü 2:18

'Anyɩ 'cɛrɛ nyüülü ‑waa' 'üa nyüfëa 'klɩböbökʋ ‑wälɩ, ü ‑waa' «'aanjëa 'wlitrarakʋ» 'ünyɩ 'ba 'amɩ 'nyʋfɔ 'wʋ. Diili 'ü ‑kaapɩɔa' 'jä, 'ii 'ü toroplɛ; 'ü ‑gbaalɩ, 'ü bɔtɔ ‑tɔklʋ 'üa bobowlili ‑balʋ 'tierea', 'ii 'tuto 'ümɩ ‑bɛ ü nö 'sa.

Jaan 3:5

'Iibäa' Jesu nɩ: «'Tasɩrɩa 'cɩcasa 'n ‑gbala ‑mɩ, nyɔɔlɔ 'nyɩa' 'nɩ nyra ‑susu 'lɩ ‑glooro, 'ɔnyɩ 'lɩ ‑a bɩa ɔ pa Nyɔsʋaa 'kamaplä 'lɩ.

Matiö 26:33

Piɛɛrë dɔrɔa' wii 'wʋ, 'ɔnya ‑gbala 'ɔɔn: «‑Bakää 'üa 'fɩɔ 'nyɩ ‑gba ‑mɩ ‑gbakä, 'mɔɔlɔ nɩ, 'nëmä 'iin nʋ ‑a nʋ 'plɔʋ!»

Matiö 21:29

'Iibäa' 'jʋlɔ: ‹'N blara.› Fɩɩɩn 'ɔnya 'cici 'ɔa bobowli, 'ɔnya mi.

Matiö 26:35

'Iibäa' Piɛɛrë nɩ: «‑Bakää ana 'sɔɔ nya 'wʋjärä nɩ, 'nëmä ‑srɩɩ 'daa 'nyɩ ‑mɩ ‑a jre.» 'Üa 'fɩɔ nya 'pawii 'doo.

Matiö 16:22

Piɛɛrë nya fa 'ɔɔn 'ünya bereklɩ, ‑bɛ 'ɔ 'daa 'ɔɔn: «'Pläkänyɔɔ, 'ba 'iin mlɩ. 'I ‑nëmä ‑srɩɩ ‑mɩ ‑gälɩ ‑a jrä!»

Jenɛɛsë 42:38

Jakɔɔbë ‑nëma: «'Na nyɩbɛjʋ ‑nëmä 'amɩ ‑a fala! 'Be 'ɔa ‑wlajʋ 'a kä 'mɔlɔ; 'ɔa 'doo tɩ 'lɩ. Bʋbɔa nɩ ma jrälɩ 'nyʋfɔ 'wʋ, ‑asɩ 'amä nʋ le? 'Ana ‑gʋ, 'kä 'na plɛ nya fi ‑bɛ 'anya 'na 'pɔlɔ 'wli 'kuaabre 'cere!»

Jaan 13:6

'Asɩ 'ɔ nʋ nʋ, 'ɔnya jrä Simɔɔ Piɛɛrë ‑gälɩ. 'Iibäa' Piɛɛrë nɩ: «‑Mɔ 'Pläkänyɔɔlɔ nɩ, ‑mɔ nëmä 'na bei ‑gba su?»

Jaan 13:9

Simɔɔ Piɛɛrë ‑nëmä: «'Pläkänyɔɔ, ‑mää 'na bei ‑gba ‑a 'doo ‑nëmä su; su bɩa 'na 'dari nyra 'na 'wli.»