19 'Amɔ 'n ‑gbala dotro 'sɩrɩ 'i ‑kaaŋlʋa' 'lɩjrä, 'ia 'taɩn 'lɩ ima jrälɩ nɩ, 'amä 'iin jre nyɔɔlɔ 'n bäa'.
'Nyaa 'amɩ 'iin ‑gbala 'sɩrɩ 'i ‑kaaŋlʋa' 'lɩjrä, 'ia 'taɩn 'lɩ ima jrälɩ nɩ, 'amä 'iin wii 'dara.
'N ‑gbala 'amɩ 'iin dotro 'ia 'taɩn ma jrä ‑srɩɩ 'wli, 'amä plɛpa 'sɩrɩ 'n ‑gbala käa' 'amɩ 'iin. 'N ‑ka bä kä 'ana ‑tɔrʋpɩɔ 'a 'ia ‑gʋ 'n ‑kaapɩɔ 'amɩ 'iin ‑gbala 'bala 'käkolofa 'wʋ.
Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'mɔɔ bä ‑plɩɩ 'fɩɔwʋ Abraamë nya 'mä ji.»
'N tɩ ‑srɩ dɛrɩ 'nyaa ‑gbala 'amɩ 'iin.
ü 'bete 'ɔɔn: «‑Mɔ bä nyɔɔlɔ nëmäa' ji, ‑ale 'ia nɔ ‑ka bä dɛrɩ?»
'A 'ɔɔ kä ‑gä Jaan 'paa' ‑bɛ 'ɔ ‑gbolo käa' mlɩ: «‑Jää nyɔɔlɔ kä ‑gä 'n ‑gbala käa' 'amɩ ‑bɛ 'n 'daaa' ‑maa: ‹Ɔ nëmäa' 'mɩ 'klɩtroro ‑si 'mɩ 'wʋ, 'be 'ɔ bä kä ‑plɩɩ 'fɩɔwʋ 'nyaa nëmä ji.› »
'Ii nëmä 'amɩ 'tuto 'amä 'üün 'cɩcasalä 'a 'järäa' 'mɩ 'lɩ ‑gbalaa.
Jesu nya ‑gbala 'ɔɔn: «'Mɔɔlɔ 'palaa' ‑plɩɩ ‑mɩ wii ‑gba nɩ, 'ɔɔ 'n bä.»
'Ia ‑gʋ Jesu nya ‑gbala 'üün: «'Taɩn 'lɩ 'amäa' Nyɔɔa 'Jʋ 'jrara nɩ, 'a ‑plɩɩ 'amä nyɔɔlɔ 'n bäa' jre, ‑bɛ 'sɩrɩ 'nyɩ nʋa' 'na 'dooa plɛ 'klɩa wii, ‑maa 'n nöa' wiili Tʋ 'kpɩaa' 'mɩ.