Jaan 13:14 - Kuö Dëdrä Jenɛɛsë Rutë

¹⁴ ‑Bɛ 'mɔɔlɔ bäa' 'Kpɩkpɩanyɔɔ nyra 'Pläkänyɔɔ, ama su 'ana bei ‑gba nɩ, 'ana 'mʋgbɛ, ‑mɔ ma bälɩ ɔ su 'ɔa ‑molooa bei ‑gba.

Jaan 13:14 Referans Kwoze

1 Piɛɛrë 5:5

‑Sëgbë 'amɩ, 'ana 'mʋgbɛ 'ba ‑träärälɩ 'cɛcɩtagbü, 'kä 'a ‑täträlɩ. 'Ba 'cie 'ana nyüfë 'wʋ, 'be 'i ‑jɩjra: «Nyɔsʋa 'nyɩ 'bata nyüülü 'jraraa' 'üa nyüfëa, ‑maa 'ɔ srara 'ɔa ‑gbinanakʋ nyüülü 'ciea' 'üa nyüfë 'wʋ.»

Akëtë 20:35

'Ia 'fɩɔlʋ nɩ, srara 'n sara 'amɩ 'sɩrɩ a käa' amäa' 'sa 'jrʋpa ‑fɛ ‑gböösa, amä ‑mülü 'nyɩa' dɛɛ kä ‑gbaji, ‑bɛ 'n 'paa 'amɩ plɛ wiili 'Pläkänyɔɔ Jesu 'pa käa': ‹‑Ama ‑nyɩ, 'ia ‑jɔrʋ ‑sümlö 'unya ‑si 'kä 'ümä ‑mɩ ‑nyɩ 'wʋ.› »

Galaatënyüü 5:13

'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa.

Rɔmënyüü 12:16

'Ba 'nönröwli. 'Anyɩ bɔtɔ ‑tɔklʋ, ‑maa abɩa 'ana bobowli bɩara dɛɛlɛ 'ünyɩ 'daraa' dɛɛ a 'pɛlɩ. 'Anyɩ bobo ‑maa 'a jre wii.

1 Piɛɛrë 4:1

'Sɩrɩ 'Kriisë 'järäa' 'ɔa 'jajɛa 'mlɩ ‑sʋɩ ana ‑gʋ nɩ, 'ana 'mʋgbɛ 'ba 'klaa 'ia bobowli, 'be nyɔɔlɔ 'järäa' 'ɔa fugbaa 'mlɩ ‑sʋɩ nɩ, 'ɔ 'a ‑balʋ 'pie.

1 Korɛɛntënyüü 8:13

'Ii känyrɩ, 'ima 'daa jijrɛ 'n jöa' 'ɛɛ 'mä 'na ‑wlajʋ ‑balʋ 'lɩ bere nɩ, 'n ‑ka ‑nëmä mrɛɛ ‑a ji 'plɔʋ, 'nyɩ ‑pɩ 'ɔɔn ‑balʋ 'lɩ be.

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

2 Korɛɛntënyüü 10:1

'Mɔɔ 'Pɔɔlë, ‑mölöö nɩnɩa ama bä 'ana ‑tɔrʋpɩɔ 'n pa sɩɔ 'na nʋnʋgbia 'mlɩ, ‑maa ama tʋŋlɔlɩ 'amɩ dɛrɩ nɩ, 'a ‑plɩɩ 'n ‑sɔɔrɔwʋ. ‑Maa 'Kriisëa plɛböblökʋ nyra 'ɔa ‑gbinanakʋ 'lɩ 'n cere 'amɩ 'iin:

2 Korɛɛntënyüü 8:9

'A jre ana 'Pläkänyɔɔ Jesu 'Kriisëa ‑gbinanakʋ: 'sɩrɩ 'ɔ ji käa' 'bɩɔ, ‑maa 'ana ‑gʋ 'ɔnya nrörö 'ɔa nyufa 'pʋablanyɔɔ 'lɩ 'kä 'ɔa 'pʋa 'lɩ 'ɔmä 'amɩ 'bɩɔ jrörö.

Rɔmënyüü 12:10

'Ba nʋ 'ana plɛa 'fɩɔ 'ba ‑wawla ‑beere ‑wlajü. 'Amɔ ‑kätɩ 'ba ‑täträlɩ.

Jaan 11:2

'A Mariilɔ, 'ɔɔ ‑gblɔɔkä 'Pläkänyɔɔa bei ‑gälɩ ‑daŋlʋɩnɩ kä, 'ɔnya nʋ 'ɔa 'ŋuei 'ɔnya wɔpɔ 'iin; 'ɔa ‑wlajʋ bä Lasaa 'ɔɔ ‑wusu 'blaa.

1 Korɛɛntënyüü 12:3

'A 'ia ‑gʋ 'n ‑gbala 'amɩ: Nyɔsʋaa ‑Susu ma 'tiere nyɔɔ nɩ, 'ɔnyɩ 'lɩ ‑a bɩa ɔ 'daa: «Jesu busu». ‑Bɛ 'Nyüna ‑Susu ma 'nyɩ nyɔɔ ‑a 'tiere 'ɔnyɩ 'lɩ ‑a bɩa ɔ 'daa «Jesu bä 'Pläkänyɔɔ!»

Filipënyüü 2:11

'kä 'papawiia 'fɩɔ nya 'daa, Jesu 'Kriisë bä 'Pläkänyɔɔ, ‑bɛ Nyɔsʋa bäa' Tʋ 'mä 'bʋala.

1 Timotee 5:10

'kä nyüü 'paa 'ɔa 'cɩcagbia ‑gä. Ɔ bä 'ŋlʋʋlɔ 'bʋaa' 'ɔa 'jü, ɔ 'kʋɛɛa' 'lɩ nyɔtugbanyüü, ɔ sua' 'cɛcɩnyüüa bei ‑gba, ɔ jia' ‑sʋɩjänyüü ‑gba, ‑bɛ ɔ nʋa' 'mʋfagbi 'kɔkɔmlɛ.