16 'Ɔa 'wʋnyɛrɛnyüü ‑kaaŋlʋ wiili kä 'fɩɔ nröröa' 'wli ‑a 'nu. ‑Maa 'ü 'jäa' Jesua 'wliklɩbʋabʋakʋ 'fɩɔwʋ, 'a ‑plɩɩ 'ü 'pa plɛ 'sɩrɩ wiili ‑jɩjraa' nyɔsʋapɔɔkʋ 'lɩ 'ɔa ‑gʋ, 'ii 'ü nö.
'A 'ia ‑gʋ 'ɔ sɔa' 'kuaabre nɩ, 'ɔa 'wʋnyɛrɛnyüü nya 'pa plɛ 'sɩrɩ 'ɔ 'pa käa' 'iin; 'ünya 'dara nyɔsʋapɔɔkʋ nyra wiili Jesu 'paa' wii.
‑Maa ‑Gbajisusulu, u bäa' 'Nyüna ‑Susu, u Tʋ 'mäa' 'na 'nyrɩklɩ jara nɩ, 'unya 'amɩ diia 'fɩɔ 'kpɩaa, 'kä 'unya 'amɩ wiili 'kä 'fɩɔ 'n ‑gbalaa' 'amɩ plɛpa.
'A ‑Susulu 'mäa' nyüülü toroa' 'ɔɔn plɛ ‑gälɩ 'cere nɩ, 'ua ‑gä 'ɔ 'paa. 'Ia 'taɩnlɩ ‑Susulu ‑kaaŋlʋ 'üün ‑gälɩ 'cere, 'be Jesu ‑kaaŋlʋ cɛa 'mlɩ 'bʋala.
'Ii känyrɩ, Israɛɛlëa 'fɩɔ kä 'ümä 'saa jre 'tasɩrɩ 'sɩrɩ Jesulɔ 'a koloa' krʋa ‑gälɩ nɩ, 'ɔɔ bäa' Nyɔsʋa, 'ɔɔ nrörö 'ɔɔn 'Pläkänyɔɔ nyra 'Kriisë 'lɩ.»
'Iibäa' Jesu nɩ: «'Taɩn 'a 'lɩjrä, Nyɔɔa 'Jʋ 'mä 'wliklɩbʋala.
A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.
Wiili kä 'fɩɔ a 'saarɩ nɩ, ‑jää wiili bäa' 'ia 'mlɩa wii: 'iibä a kä ‑gbɔsapɛrɩnyɔɔ kpakö, 'a 'ɔa ‑gä a ‑gbala ɩ ‑plɩɩ 'amɩ. 'Ɔ kʋ cɛa 'mlɩ, Nyɔsʋaa 'kɩɩkpataa 'dupa 'lɩ.
Abraamë, Isaakë, Jakɔɔbë nyra ana tʋɩɩa Nyɔsʋa 'doolɔ, 'ɔɔ 'bʋala 'ɔa 'jrʋpafɛnyɔɔ Jesu. 'Amɔ 'sa 'ɔɔn 'anya sɔ 'ɔɔn dɛrɩ Pilatëa 'klɩ, ‑bɛ 'ɔ 'bata ɩ 'ɔa ‑wälɩcɛrɛkʋ.
Nyɔsʋa nya 'bʋala 'ɔɔn 'ɔnya ‑tʋ 'ɔɔn 'ɔa 'dupa 'lɩ, Tʋ nya ‑nyɩ Jesu 'Nyüna ‑Susu 'sɩrɩ 'ɔ ‑gba käa'. 'Ɔnya ‑gblɔɔ amɩ 'uun ‑gälɩ 'kä, 'a 'ii 'a 'jää ‑plɩɩ 'wʋ ‑bɛ 'a 'nööwli.
'N ‑gbala 'amɩ 'iin dotro 'ia 'taɩn ma jrä ‑srɩɩ 'wli, 'amä plɛpa 'sɩrɩ 'n ‑gbala käa' 'amɩ 'iin. 'N ‑ka bä kä 'ana ‑tɔrʋpɩɔ 'a 'ia ‑gʋ 'n ‑kaapɩɔ 'amɩ 'iin ‑gbala 'bala 'käkolofa 'wʋ.
'Ɔnya jie 'üa 'lɩgaglakʋ 'klɩ 'ümä nyɔsʋaapɔɔkʋ 'wli 'nu,
'Ɔnya ‑gbala 'üün: «Abɩa 'amɔ 'nyɩ 'lɩgla! Wiili kä 'fɩɔ nyɔsʋaamlɩpalanyüü 'paa' 'anyɩ 'iin plɛ ‑a toro. Abɩa 'ana 'nunukʋ klalɩ!
‑Maa 'ɔa 'wʋnyɛrɛnyüü 'nyɩ 'ia 'mlɩ 'wli ‑a 'nu; 'ünyɩ wiili 'ɔ 'paa' a ‑gbaa 'wli ‑a 'nu, 'i ‑sisre 'üün ‑gba.
‑Maa wiili 'ɔ 'paaa' nɩ, 'ünyɩ 'ɔɔn 'wli ‑a 'nu. 'Be Nyɔsʋa ‑sisriö 'ümɩ 'ia ‑gba 'ü ‑pɩ 'iin jre ‑bɛ ŋalɛ 'blaa 'üün 'ümä 'ɔɔn 'bete.
'Na Tʋ, 'bʋala 'mɩ ‑na ‑gba 'sɩrɩ 'n 'bʋa käa' 'wliklɩ 'fɩɔwʋ ‑bɛ 'plä 'mäa' nrörö.
'Pläkänyɔɔ bɩaa' 'üün wii ‑gba 'palakʋ, 'ɔnya sakla cɛlɩ, 'ɔnya kʋ Nyɔsʋaa 'dupa 'pɛ 'lɩ.
‑Maa wiili 'ɔ 'paaa' nɩ, 'ɔa 'wʋnyɛrɛnyüü 'nyɩ 'ɔɔn 'wli ‑a 'nu, ‑bɛ ŋalɛ 'blaa 'üün 'ümä 'ɔɔn 'bete.