Jaan 11:4 - Kuö Dëdrä Jenɛɛsë Rutë

⁴ Jesu 'nua' 'iin 'wli, 'ɔ ‑nëma: «‑Wusulu 'blaaa' 'ɔɔn nɩ, 'ɔ ‑nëmä jä ‑a jä. ‑Maa Nyɔsʋaa 'nyrɩ 'mä 'bʋa 'ia ‑wusu bäsaa, 'ümä Nyɔsʋaa 'Jʋ 'bʋala.»

Jaan 11:4 Referans Kwoze

Jaan 11:40

Jesu ‑nëma nɩ: «'Nyɩ ‑mɩ ‑a ‑gbala ‑maa ‑ama toro 'mɩ plɛ ‑nya Nyɔsʋa 'wliklɩbʋabʋakʋ 'jäa?»

Jaan 9:3

'Iibäa' Jesu nɩ: «‑Mää kä 'ɔɔ 'aiɛ nyüülü ‑gua' 'ɔɔn 'ü nʋ ‑balʋ ‑a, ‑maa Nyɔsʋa 'mä 'ɔa 'kläa 'mlɩ 'jrʋpa ‑fɛɛɛrɛ, 'ümä 'ään 'jä.

1 Piɛɛrë 4:14

Nyüü ma ‑jejre 'amɩ 'Kriisëa ‑gʋ nɩ, i bä 'ana dɔrʋ, 'be ‑Susulu käa' 'bʋalakʋ, Nyɔsʋaa ‑Susu, 'uu bä 'amɩ ‑gälɩ. 'Üa ‑nyɛɛ ‑jejre 'ü ‑jejre 'ɔɔn, ‑maa 'ana në 'pɛlɩ nɩ 'ɔ 'bʋala.

Jaan 5:23

nyüüa 'fɩɔ 'mä 'Jʋ 'bʋala, 'sɩrɩ 'ü 'bʋalaa' Tʋ. Nyɔɔlɔ 'nyɩ 'bʋalaa' 'Jʋlɔ 'nyɩ Tʋlɔ blɔa' 'ɔɔn ‑a 'bʋala.

Jaan 17:5

'Na Tʋ, 'bʋala 'mɩ ‑na ‑gba 'sɩrɩ 'n 'bʋa käa' 'wliklɩ 'fɩɔwʋ ‑bɛ 'plä 'mäa' nrörö.

Jaan 2:11

'A Jesua 'klɩsa ‑saragbia tielɛ ‑kätɩ 'ɔ nröröa' Kanaa, Galileea ‑tʋtʋ ‑gälɩ. 'Asɩ 'ɔ srara 'ɔa 'wli 'klɩ 'bʋabʋakʋ, 'ɔa 'wʋnyɛrɛnyüü nya toro 'ɔɔn plɛ.

1 Piɛɛrë 4:11

Nyɔɔ ma 'pawii nɩ, ɔ bä Nyɔsʋaa wiisienyɔɔ. Nyɔɔlɔ jöa' nyüü ‑gba nɩ, 'ɔ nʋ 'klülü Nyɔsʋa ‑nyɩa' 'ɔɔn ‑bɛ ɔ ji nyüü ‑gba. ‑Bɛ wiia 'fɩɔa 'mlɩ nɩ, Nyɔsʋa 'mä 'bʋala Jesu 'Kriisëa ‑gʋ, 'ɔɔlɔ käa' 'wliklɩbʋbʋakʋ nyra 'klü 'plɔʋplɔʋa ‑gʋ! 'Asɩ i bä.

Filipënyüü 1:20

Dɛɛlɛ 'n ‑glaaa' ‑bɛ 'n 'piea' plɛgälɩ nɩ, 'iibä dɛɛa 'nyüsü ‑nëmä 'mɩ ‑a 'bla. Dɛɛlɛ 'n 'bataa' 'saarɩ nyra 'plɔʋplɔʋ nɩ, 'iibä ‑a srara 'Kriisëa 'bʋabʋakʋ 'na fugbaa 'mlɩ 'taɩn 'lɩ 'n ‑ka fioa' nyra 'na jäjäkʋ 'lɩ.

Jaan 17:1

Jesu nʋa' ‑plɩɩ 'saa 'ɔ bɩaa' wii 'papakʋ ɔ nɩ, 'ɔnya 'jrara cɛ 'nyükä 'ɔ ‑nëma: «Tʋ, 'taɩn 'a 'wlijrä, 'bʋala ‑na 'jʋ, ‑na 'jʋ 'mä ‑mɩ 'bʋala.

Jaan 9:24

Farisinyüü nya 'patä 'ünya we nyɔɔlɔ, 'iibä: «Nyɔsʋaa 'nyrɩklɩa ‑gʋ 'salɩ 'cɩcasa. A jre 'iin 'sɩrɩ nyɔɔlɔ bäa' ‑balʋnyɔɔ.»

Jaan 8:54

'Iibäa' Jesu nɩ: «Ama 'bʋala 'na nyufa nɩ, i ‑nëmä ‑tɔɔ ‑a kä. 'Na Tʋ 'ɔɔ 'bʋala 'mɩ, ɔ 'a 'daraa' 'ana Nyɔsʋa,

Rɔmënyüü 11:11

‑Jäsɩ 'n 'betea' nɩ: ‑gbɔ juifënyüü ‑gbɔ 'ünya blö? 'Klaaklä! 'Üa ‑balʋa ‑gʋ 'lɩmlɩwʋwʋkʋ 'tɔ nyüülü 'nyɩa' juifë bä 'üa 'pɛlɩ, 'ümä wasä ‑tʋ.

Jaan 17:10

‑Bɛ diili kä 'fɩɔ 'n käa' ‑mɔ kä 'iin, diili kä 'fɩɔ ‑käa' 'mɔɔ kä bɩa 'iin; 'ü 'bʋala 'mɩ.

Jaan 12:28

'Na Tʋ, 'bʋala ‑na 'nyrɩ!» Wii nya ja cɛlɩ, 'iibä: «'Nyaa ɩ 'iin 'bʋala, 'kä 'nyaa 'iin 'bʋala 'sɔɔwʋ.»

1 Piɛɛrë 1:21

'Ɔɔ 'lɩ 'a toro Nyɔsʋa plɛ; Nyɔsʋalɔ 'baa' 'ɔɔn jäjä 'lɩ ‑bɛ 'ɔ ‑nyɩa' 'ɔɔn 'wliklɩbʋabʋakʋ. 'Ia 'taɩn 'lɩ 'ana plɛtorokʋ nyra plɛgälɩpiepiekʋ 'mä Nyɔsʋa 'lɩ bä.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Jaan 10:38

‑Maa ama ‑fɛ 'ään nɩ, ‑bakää 'ama ‑nëmä 'mɩ plɛtoro nɩ, 'jrʋpalä 'n ‑fɛɛɛa' nɩ, 'ba toro 'ään plɛ 'amä 'saa jre Tʋ bä 'mɩ 'lɩ ‑bɛ 'n bä 'ɔɔn 'lɩ.»