Jaan 10:4 - Kuö Dëdrä Jenɛɛsë Rutë

⁴ Ɔma 'cie 'ɔa ‑bablëëa 'fɩɔ nɩ, 'ɔɔ ‑taa 'üün 'nyʋfɔ 'klɩ, ‑bɛ 'ɔa ‑bablëë prɛ 'ɔɔn dɛrɩ, 'be 'ü jre 'ɔa mlɩa wii.

Jaan 10:4 Referans Kwoze

Jaan 10:16

'N kä ‑bablëë ‑mölöö, 'ünyɩ ‑tɛ ‑glɔ 'lɩ ‑a bä. 'Üülü nɩ, 'n kä ‑a ja 'üün, 'ünya 'na mlɩa wii 'wli 'nua, 'ünya ‑bablëëa ‑glügbö 'döö bäa, 'kä 'ünya ‑gbanyɛrɛnyɔɔ 'doo kä.

Jaan 12:26

Nyɔɔ ma ‑fɛ 'na 'jrʋpa, ɔ ‑mɛ 'mɩ ‑gälɩ; ‑bɛ ‑plɩɩlɩ 'n kʋa' 'na 'jrʋpafɛnyɔɔ 'mä bɩa 'lɩ kʋ. Nyɔɔ ma ‑fɛ 'na 'jrʋpa, 'na Tʋ nya 'ɔɔn 'bʋalaa.»

Jaan 18:37

Pilatë nya 'bete 'ɔɔn: «‑Yaa! 'Kɩɩ ‑bä 'kasa?» 'Iibäa' Jesu nɩ: «'Ii ‑saalɩ, 'kɩɩ 'n bä. 'N ‑glooro 'nyaa ji 'pläa 'mlɩ 'mä 'cɩcasaa ‑gä 'pa. Nyɔɔ o nyɔɔ ‑waa' 'cɩcasa nɩ, 'ɔ po 'na 'papawii 'nyakli.»

1 Piɛɛrë 2:21

'A 'ii 'lɩ Nyɔsʋa were 'amɩ, 'be 'Kriisëa 'mʋgbɛ 'jä ‑sʋɩ ana ‑gʋ, 'klɩpaplawii 'ɔ srara 'amɩ, 'amä 'ɔa 'sa nʋ.

1 Piɛɛrë 5:3

'Ana 'klügälɩkäläkʋ 'nyɩ nrörö nyüülü 'ü tɩa' 'amɩ ‑gba ‑goou 'lɩ, ‑maa 'ba bä 'üa ‑gʋ ‑gälɩtɛnyüü.

1 Korɛɛntënyüü 11:1

'Sɩrɩ 'n nöa' 'Kriisëa 'sa nɩ, 'ba nʋ bɩa 'na 'saa.

Jaan 10:8

Nyüülü kä 'fɩɔ ‑taa' 'mɩ 'nyʋfɔ 'klɔɔtrʋ nɩ, 'jejienyüü nyra ‑gbʋgblʋʋnyüü 'ü bä; ‑maa ‑bablëë 'nyɩ 'üün 'nyakli ‑a po.

Matiö 16:24

'I ‑sia' nɩ, Jesu nya ‑gbala 'ɔa 'wʋnyɛrɛnyüü: «Nyɔɔ o nyɔɔ 'bataa' nyra 'ɔɔn 'mä 'wʋnyɛrɛ nɩ, ɔ ‑trɔ 'ɔa nyufaa ‑gä, ɔ 'pie 'ɔa krʋaa ‑plɩ ‑gälɩ 'kä 'ɔ jö ‑bɛ 'nyraa 'ɔɔn 'mä 'wʋnyɛrɛ.

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

Ebröönyüü 6:20

'A ‑nyɛɛ Jesu pa ana ‑gʋ, 'ɔ ‑ta amɩ 'nyʋfɔ 'klɔɔtrʋ. 'Ɔnya nʋ ‑gbɔsapɛrɩnyɔɔ kpakö 'plɔʋplɔʋa ‑gʋ ‑beere Mɛlëkesedɛkëa ‑gböööa 'klɩtotrokʋ.

Ɛfɛsënyüü 5:1

‑Bɛ 'a bäa' Nyɔsʋaa ‑wawajü nɩ, 'ba ‑tɩtra 'ɔɔn mlɩ.

Jaan 3:29

Nyɔɔlɔ jaa' 'ŋlʋʋ 'sruwʋ 'ɔɔ bä 'ɔa dʋɔ. Dʋɔa ‑beilɔ kʋa' ‑plɩɩ ma po 'ɔɔn 'nyakli, dɔrʋ 'blaa 'ɔmɩ. 'Asɩ dɔrʋ 'si bɩa 'mɩ 'klɩ.

Jaan 13:15

I 'n nʋa' nɩ, 'ana ‑gʋ 'n nʋ 'ii 'amä 'iin 'jä, ‑bɛ 'amä 'na 'saa nʋ.

1 Piɛɛrë 4:1

'Sɩrɩ 'Kriisë 'järäa' 'ɔa 'jajɛa 'mlɩ ‑sʋɩ ana ‑gʋ nɩ, 'ana 'mʋgbɛ 'ba 'klaa 'ia bobowli, 'be nyɔɔlɔ 'järäa' 'ɔa fugbaa 'mlɩ ‑sʋɩ nɩ, 'ɔ 'a ‑balʋ 'pie.

Jaan 10:3

Ɔma ji nɩ, nyɔɔlɔ ‑glaaraa' ‑glɔ ‑gälɩ 'saa 'ɔɔn tatu 'klɩ, 'kä ‑bablëë 'nöö 'ɔa mlɩa wii 'wli. 'Ɔ we 'ɔa nɩ ‑bablëëa 'nyrɩ, 'kä 'ɔ fa 'üün ‑fälɩ.

Jaan 10:5

'Ü ‑nëmä 'plɔʋ nyɔtugbanyɔɔ dɛrɩ ‑a prɛ; 'lɩdɛrɩ 'ü nëmä 'ɔɔn tʋŋlɔ, 'be 'ünyɩ nyɔtugbanyüüa mlɩa wii mlɩkä ‑a jre.»

Jaan 10:27

'Na ‑bablëë 'nöö 'na mlɩa wii 'wli; 'n jre 'üün, ‑bɛ 'ü prɛ 'mɩ dɛrɩ.