Jaan 10:12 - Kuö Dëdrä Jenɛɛsë Rutë

¹² ‑Maa 'jrʋpafɛnyɔɔlɔ 'nyɩa' ‑bablëëgbanyɛrɛnyɔɔ bä, ‑bɛ ɔnyɩa' ‑bablëëlë kä nɩ, ɔma 'jä kaklamrɛɛ ɛma ji nɩ, 'a ‑plɩɩ 'ɔ tɩɛ ‑bablëë 'kä 'ɔ fɔ, 'kä kaklamrɛɛ 'babla 'üün, 'kä 'ü ‑gbagba 'kä.

Jaan 10:12 Referans Kwoze

2 Piɛɛrë 2:3

Dɛɛnyü nyra ‑gbagblɛwii 'ümä nʋ 'ümä 'amɩ ‑trɔɔrɔ. ‑Mää ‑mlatɩkä 'üa ‑gä 'nyɩ ‑träärä, 'üa ‑gbogblookʋ 'nyɩ 'nyüglö ‑a 'nyüglö.

Titë 1:7

'Be 'cɛcɩtagbölɔ ‑fɛɛɛa' Nyɔsʋaa 'jrʋpaa 'klä kä 'ämä 'na, 'ɔa bʋbɔnyrɩ 'nyɩ kä ‑a kä 'imä nyüüa mlɩ bä. 'Ɔnyɩ bä ‑tɔklʋbɔtɔnyɔɔ, 'ɔnyɩ kä 'crɛ, 'ɔnyɩ bä 'nʋblanyɔɔ, 'ɔnyɩ bä nyɔɔlɔ ‑waa' ‑golu, 'ɔnyɩ bä nyɔɔlɔ fɔlɔa' mölii dɛrɩ ‑balʋsa.

2 Timotee 4:10

'be Demasë 'a 'mɩ ‑wälɩ 'pala 'pläa ‑wawakʋa ‑gʋ, 'ɔa Tɛsalonikëbätä mi. Klesɛɛsë mi Galasiia 'bre, Titë mi Damasëa 'bre.

1 Timotee 3:8

'Asɩ nyɔɔlɔ bäa' diakrë kä 'ɔmä bɩa bä: ɔ bä nyɔɔwʋbasa, 'ünyɩ kä 'më 'sɔɔ. 'Ünyɩ 'mla 'saa 'nʋ, ‑bɛ 'ünyɩ fɔlɔ mölii dɛrɩ ‑balʋsa.

1 Timotee 3:3

'Ɔnyɩ bä 'nʋblanyɔɔ 'aiɛ 'blarʋkänyɔɔ, 'aiɛ ɔnyɩ bä möliiwanyɔɔ ‑maa ɔ bä ‑pɔplɔnyɔɔ, ɔ ‑wa 'wlinönrökʋ, möliia ‑wawakʋ 'nyɩ fa 'ɔa plɛ.

Akëtë 20:29

'N jre 'iin 'sɩrɩ ama toroa' 'lɩ ‑gälɩ klaklamlaa 'mäa' 'ana ‑tɔrʋpɩɔ pala, 'ü ‑nëmä ‑bablëëjüa nyatɛrɩ ‑a 'jä.

1 Piɛɛrë 5:2

'Sɩrɩ ‑bablëëgbanyɛrɛnyɔɔ ‑tʋʋäa' ‑bäblëë 'nyügba nɩ, 'ba nʋ 'saa 'ba ‑gäälä nyüülü Nyɔsʋa ‑nyɩa' 'amɩ 'nyü ‑gba, ‑mää 'klɩkʋsa ‑a, ‑maa 'ba nʋ 'ana plɛa 'sa. 'Anyɩ ‑fɛ 'ia 'jrʋpalä 'äa ‑gälɩa möliia jrörökʋa ‑gʋ, ‑maa 'ba ‑fɛ 'ämɩ 'sɩrɩ 'a ‑wa 'ämɩ.

Jaan 10:3

Ɔma ji nɩ, nyɔɔlɔ ‑glaaraa' ‑glɔ ‑gälɩ 'saa 'ɔɔn tatu 'klɩ, 'kä ‑bablëë 'nöö 'ɔa mlɩa wii 'wli. 'Ɔ we 'ɔa nɩ ‑bablëëa 'nyrɩ, 'kä 'ɔ fa 'üün ‑fälɩ.

Matiö 10:16

«'Ba mi! Blɔ 'n blɔ 'amɩ ‑beere ‑bablëëjü bä 'klʋɛɛa ‑fäa ‑tɔrʋpɩɔ. 'Ia ‑gʋ 'ba ‑tre 'ana nyüfë ‑beere ‑trii ‑bɛ 'ba 'wlalɩkä ‑beere ‑sögü.

Matiö 7:15

«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä.

Jaan 10:2

‑Maa ‑mɔlɔ sröröa' 'palafa 'wʋ, 'ɔɔ bä ‑bablëëgbanyɛrɛnyɔɔ.

Jaan 10:13

Fɔ 'ɔ fɔ, 'be 'jrʋpafɛnyɔɔ 'ɔ bä. 'Ɔ ‑nëmä 'ɔa nyufa ‑a sɩara 'ɔmä 'lɩ ‑bablëë mlɩba.