Jaan 1:51 - Kuö Dëdrä Jenɛɛsë Rutë

⁵¹ 'Ɔnya ‑gbala 'ɔɔn 'sɔɔwʋ: «'Tasɩrɩa 'cɩcasa 'n ‑gbala ‑mɩ, 'bala 'saarɩ ‑gälɩ anya 'iin 'jäa 'sɩrɩ cɛ ‑gaaamlɩ, ‑bɛ Nyɔsʋaa 'aanjë nya 'jra ‑bɛ 'ünya Nyɔɔa 'Jʋ ‑gälɩ 'cere.»

Jaan 1:51 Referans Kwoze

Jenɛɛsë 28:12

Sanyüa 'mlɩ nɩ, 'ɔ 'jä ‑gbletei, 'ɛ sɔ ‑tʋtʋ ‑gälɩ 'ɛnya 'ku cɛ. Nyɔsʋaa 'aanjëɩɩ 'jrara 'ɛɛn ‑gälɩ ‑bɛ 'ü 'ciere 'ɛɛn ‑gälɩ.

Akëtë 7:56

'Ɔ ‑nëma: «'Ba tɛ 'lɩ! 'N 'jää cɛ 'wʋ ‑bɛ 'ɛ ‑gaaamlɩ, ‑bɛ Nyɔɔa 'Jʋ 'nyüglö Nyɔsʋaa 'dupa 'lɩ.»

Lukë 22:43

'Aanjë 'doo nya sɔ cɛlɩ 'ɔnya ji 'ɔɔn 'klülɩpa.

Lukë 2:13

‑Bɛ fɩɩɩn, cɛlɩa 'sʋgɩa 'kɔkɔmlɛ nya ji; 'ünya blö 'aanjë ‑mɔlɔ ‑gälɩ, ‑bɛ 'üa 'fɩɔ 'bʋala Nyɔsʋaa 'nyrɩ 'dʋa 'mlɩ; ‑bɛ 'ü nö:

Marëkë 14:62

'Iibäa' Jesu nɩ: «‑Yɛɛ, 'ɔɔ 'n bä. 'Anya Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji.»

Marëkë 1:10

'Ɔmä 'nie 'lɩ 'cie dotro ‑bɛ cɛ ‑jieroklɩ, 'ɔnya 'jä ‑Susu 'unya 'cere 'ɔɔn ‑gälɩ ‑beere ‑sögö.

Matiö 3:16

Jesu 'palaa' 'nɩ 'wli, 'nie 'lɩ 'ɔ 'cie dotro ‑bɛ cɛɩɩ ‑jieroklɩ. 'Ɔnya 'jä Nyɔsʋaa ‑Susu 'unya 'cere 'ɔɔn ‑gälɩ ‑beere ‑sögö.

Akëtë 10:11

'Ɔnya 'jä cɛ 'ɛnya ‑jiero 'klɩ, dɛɛ 'dee nya 'cere 'ɔa 'pɛlɩ ‑beere dɔʋ kpaku. 'Ua kotü mlɔɔ kpasra ‑bɛ 'u 'cere ‑tʋtʋ ‑gälɩ.

Lukë 3:21

Jaan bɩaa' nyüüa 'fɩɔ 'nɩwlipapakʋ nɩ, 'ɔnya 'pa bɩa Jesu 'nɩwli. Jesu bibie Nyɔsʋa, cɛ nya ‑jieroklɩ,

Matiö 4:11

Sataan nya cɛrɛ 'ɔɔn ‑wälɩ; 'aanjë nya ji 'ünya kälä 'ɔa wii ‑gba.

'Nyügälɩjawii 19:11

'Pɩrɩgälɩ nɩ, 'n 'jä cɛ 'ɛnya ‑jieroklɩ, 'nyaa 'jä 'pɔlɔ ‑sʋ. Nyɔɔlɔ kʋa' 'ua ‑gälɩ, 'ɔa 'nyrɩ bä Plɛtoronyɔɔ nyra 'Cɩcanyɔɔ. 'Klɩgägäkʋ 'lɩ 'ɔ 'bölö nyüü ‑gä ‑gälɩ ‑bɛ 'ɔ fa 'üün tou.

'Nyügälɩjawii 4:1

'Ia ‑sia' nɩ, 'n 'jä dii ‑mɩdoo. 'N 'jä tatua 'saradɛɛ cɛɩɩa 'mlɩ. 'Papawiili 'nyaa käa' 'wli 'nu, i 'paaa' wii ‑gböösa ‑beere dɛglɛ nɩ, 'i ‑gbala 'mɩ ‑maa: «'Jra ‑tɛ 'mä ‑mɩ wiili käa' imäa' 'lɩjrä srara.»

2 Tɛsalonikënyüü 1:7

‑bɛ 'amɔlɔ bäa' nyatɛrɩ 'lɩ 'ɔmä 'amɩ ‑fʋflʋ 'papakʋ ‑nyɩ, a nyra amɔ 'sɔ 'taɩn 'lɩ 'Pläkänyɔɔ Jesu 'mäa' cɛlɩ 'cie ‑bɛ 'ɔmäa' 'ɔa nyufa srara, 'ɔɔ ‑bɛ 'ɔa 'klükä 'aanjë 'sɔ.

Lukë 2:9

'Pläkänyɔɔa 'aanjë nya 'tɔrɔ 'üün 'klɩ; 'Pläkänyɔɔa 'napɛ nya ŋʋala 'üün ‑gälɩ. Ŋalɛ nya 'bla 'üün ‑gböösa.

Ebröönyüü 1:14

‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Jaan 10:1

Jesu ‑nëma: «'Tasɩrɩa 'cɩcasa 'n ‑gbala 'amɩ, nyɔɔlɔ 'nyɩ ‑sröröa' ‑bablëëa ‑glɔa 'palafa 'wʋ, ‑bɛ 'ɔ ‑plööa' 'uun nɩ, 'jejienyɔɔ 'ɔ bä, 'ɔnya bä ‑gbʋgblʋʋkänyɔɔ.

Lukë 22:69

‑Maa 'bala 'saarɩ ‑gälɩ Nyɔɔa 'Jʋ nya ‑wälɩkʋa 'Klükä Nyɔsʋa 'dupa 'lɩ.

Matiö 25:31

«‑Bɛ 'taɩn 'lɩ Nyɔɔa 'Jʋ 'mäa' ‑srɩ 'ɔa 'wliklɩbʋabʋakʋ ja 'ɔmäa' ji, 'ɔɔ ‑bɛ 'nyüna 'aanjëa 'fɩɔ nɩ, 'ɔa 'wliklɩbʋabʋakʋa 'kɩɩkpata ‑gälɩ 'ɔmä kʋ.

Judë 1:14

Enɔkëlɔ bäa' ‑uunsɔɔa nä ‑glügbönyɔɔ 'bala Adaan a 'taɩn 'lɩ nɩ, 'ɔ 'a kä nyüülü kʋa' ‑pɩa ‑gä 'pa; 'ɔ nɩnɩa kä: «‑Jää, 'Pläkänyɔɔ nyra 'ɔa 'nyüna 'aanjë 'kɔkɔmlɛ 'kɔkɔmlɛ nya jia

2 Tɛsalonikënyüü 1:9

'Üülü nɩ, 'üa 'pɛpɛɛkʋ bä 'üa 'mɔlɔkʋ 'plɔʋplɔʋa ‑gʋ, 'ü ‑nëmä 'Pläkänyɔɔ nyra 'ɔa 'wliklɩbʋabʋakʋa 'klü ‑gba ‑a jijrö; 'ünya 'lɩdɛrɩtʋŋlɔa.

Jaan 14:12

'Tasɩrɩa 'cɩcasa 'n ‑gbala 'amɩ: nyɔɔlɔ toroa' 'mɩ plɛ nɩ, 'jrʋpalä 'n ‑fɛɛɛa', 'ɔnya bɩa 'ään ‑fɛa, 'kä 'ɔnya 'mɩ 'wʋsi, 'be Tʋa ‑nyɛɛ 'n 'mö;

Jaan 6:47

'Tasɩrɩa 'cɩcasa 'n ‑gbala 'amɩ, nyɔɔlɔ toroa' 'mɩ plɛ kä 'klälä 'nyɩa' blöröfa kä.

Lukë 24:4

'Ünyɩa' wiili ‑sröa' 'lɩa 'mlɩ 'wli 'nu nɩ, ‑jää 'üün nyüü 'sɔɔ 'tɔrɔklɩ. 'Kotili 'ü paa' 'lɩ plö.

Matiö 26:24

Mö Nyɔɔa 'Jʋ mö, 'sɩrɩ 'i ‑jɩjraa' nyɔsʋapɔɔkʋ 'lɩ. ‑Maa nyɔɔlɔ 'saa' 'ɔɔn, 'inya bʋbɔa 'ɔa ‑gʋ. 'I ‑si 'wʋ 'kä 'ünyɩ ‑gu ɩ 'ɔmɩ!»

Jaan 21:18

'Tasɩrɩa 'cɩcasa 'n ‑gbala ‑mɩ, ‑bä käa' ‑sëgbajʋ nɩ, ‑na 'mʋgbɛ ma wlo ‑na ‑pɛɛtʋ; 'kä ‑ma mö ‑tɛ 'lɩ ‑waa'. ‑Maa 'taɩn 'lɩ ‑nëmäa' 'klɩbɩa nɩ, ‑na 'dari ‑nëmä to, 'kä nyɔɔ ‑moloo nya ‑mɩ 'uun wlo, ‑plɩɩlɩ ‑nyɩ 'bataa' 'kä 'ɔnya 'lɩ ‑mɩ fa.»

Jaan 8:51

'Tasɩrɩa 'cɩcasa 'n ‑gbala 'amɩ, nyɔɔ ma ‑träärälɩ 'na mlɩa wii, 'ɔ ‑nëmä jäjäkʋ ‑a 'jä 'plɔʋ.»

Jaan 6:32

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, ‑mää Moisë 'nyɩ 'amɩ cɛlɩa 'flɔɔ ‑nyɩ, ‑maa 'na Tʋ 'ɔɔ ‑nyɛɛ 'amɩ cɛlɩa 'tasɩrɩa 'flɔɔ.

Jaan 3:5

'Iibäa' Jesu nɩ: «'Tasɩrɩa 'cɩcasa 'n ‑gbala ‑mɩ, nyɔɔlɔ 'nyɩa' 'nɩ nyra ‑susu 'lɩ ‑glooro, 'ɔnyɩ 'lɩ ‑a bɩa ɔ pa Nyɔsʋaa 'kamaplä 'lɩ.

Jaan 16:20

'Tasɩrɩa 'cɩcasa 'n ‑gbala 'amɩ, 'anya 'wua, 'anya ‑sɩsraa, ‑bɛ dɔrʋ nya 'plä 'blaa. 'Anya 'kpɔɔa, ‑maa 'ana 'kpɔkpɔɔkʋ nya dɔrʋ 'lɩ ‑sröröa.

Jaan 13:16

'Tasɩrɩa 'cɩcasa 'n ‑gbala 'amɩ, 'jrʋpafɛnyɔɔ 'nyɩ 'ɔa 'kamanyɔɔ 'wʋ ‑a ‑si, 'asɩ bɔblɔnyɔɔ 'nyɩ bɩa nyɔɔlɔ blɔa' 'ɔɔn 'wʋsi.

Jaan 10:7

Jesu nya ‑gbala 'sɔɔwʋ 'üün nɩ: «'Tasɩrɩa 'cɩcasa 'n ‑gbala 'amɩ, 'mɔɔ bä ‑bablëëa ‑glɔa 'mëmla.

Jaan 6:53

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'ama 'nyɩ Nyɔɔa 'Jʋa 'jajɛ ‑a ji, ‑bɛ 'ama 'nyɩ 'ɔa ‑toru ‑a 'mla, 'klä 'nyɩ 'amɩ 'lɩ ‑a bä.

Jaan 5:27

'Ɔnya ‑nyɩ 'ɔɔn 'klü 'ɔmä ‑gä ‑tʋ, 'kä Nyɔɔa 'Jʋ 'ɔ bäa' 'ia ‑gʋ.

Jaan 5:19

Jesu nya 'patä 'ɔnya ‑gbala 'üün: «'Tasɩrɩa 'cɩcasa 'n ‑gbala 'amɩ, 'Jʋa 'doo 'nyɩ 'lɩ ‑a bɩa 'ɔ nʋ dɛɛ, wiili Tʋ nʋa' 'ɔ 'jäa' 'ii 'ɔ nö: wiili kä 'fɩɔ Tʋ nöa', 'asɩ 'Jʋ nö bɩa 'iin.

Jaan 3:3

Jesu nya ‑gbala 'ɔɔn: «'Tasɩrɩa 'cɩcasa 'n ‑gbala ‑mɩ, nyɔɔ ma 'nyɩ ‑glooro ‑a ‑glooro 'sɔɔwʋ, 'ɔnyɩ 'lɩ ‑a bɩa ɔ 'jä Nyɔsʋaa 'kamaplä.»

Matiö 9:6

‑Maa 'amä 'saa jre 'sɩrɩ Nyɔɔa 'Jʋ käläa' ‑tʋtʋ ‑gälɩ 'kamakʋ. 'Ɔ 'mrɛɛ 'ɔ cere ‑balʋ.» 'Ia ‑gʋ 'ɔ ‑gbala nyɔɔlɔ: «Sɔwʋ! Dɔrɔ ‑na 'wʋpidɛɛ 'wʋ, 'kä mö ‑gbööli!»

Matiö 8:20

'Iibäa' Jesu nɩ: «'Klʋɛɛa ‑fä kä 'pifa, 'nyisie kä 'dëdrëë, ‑maa Nyɔɔa 'Jʋ 'nyɩ 'wlipiefa ‑a kä.»

Jaan 16:23

«'Ia ‑srɩlɩa 'mlɩ nɩ, 'a ‑ka ‑nëmä 'mɩ ‑a 'bete. 'Tasɩrɩa 'cɩcasa 'n ‑gbala 'amɩ, dɛɛ 'amäa' Tʋ ‑sɛ, 'na 'nyrɩklɩ 'ɔnya 'amɩ 'ɛɛn ‑nyɩa.

Jaan 13:38

Jesu nya 'bete 'ɔɔn: «‑Mä jä 'na ‑gʋ? 'Tasɩrɩa 'cɩcasa 'n ‑gbala ‑mɩ, ‑kätɩ sapɛ ‑nëmä ‑gbe ‑a ‑gbe 'kä ‑nya 'daa ‑nyɩ 'mɩ ‑a jre 'wʋ tää 'wʋ.»

Jaan 8:58

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'mɔɔ bä ‑plɩɩ 'fɩɔwʋ Abraamë nya 'mä ji.»

Jaan 8:34

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, nyɔɔ nöa' ‑balʋ, ‑balʋa ‑geei 'ɔ bä.

Jaan 6:26

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, ‑mä ‑saragbia tielë 'n nʋa' ‑bɛ 'a 'jäa' ‑mä 'ia ‑gʋ 'anyɩ 'bata 'mɩ, ‑maa 'flɔɔ 'a jia' ‑bɛ 'a döa', 'ia ‑gʋ 'a 'bata 'mɩ.»

Jaan 1:50

'Iibäa' Jesu nɩ: «Dɛɛlɛ kä ‑gʋ 'n 'daaa' ‑maa 'n 'järä ‑mɩ dɛrɩ figietuu ‑wälɩ nɩ, 'a 'ia ‑gʋ toro 'mɩ plɛ, ‑bɛ i ‑nëmäa' 'jä 'inya ‑taa nɩ 'wʋsia.»