24 Nyüülü 'ü blɔa' nɩ, Farisinyüü bäsaa.
Wiili 'ɔ 'paaa', 'ia ‑gʋ nɩ, ‑dɔkpɩanyüü nyra Farisinyüü 'betre 'ɔɔn kɔsrɩ 'lɩ wii 'kɔkɔmlɛ ‑gälɩ.
‑Bɛ Farisinyüü po wiili kä 'fɩɔ Jesu 'paaa' 'nyakli, ‑bɛ 'ü srörö 'ɔɔn, 'be 'ü ‑wa mölii.
‑Maa Farisinyüü nyra ‑dɔkpɩanyüü 'nyɩ wiili Nyɔsʋa 'bataa' 'üa ‑gʋ 'klɩ ‑a 'nyiere, 'ia ‑gʋ 'ünyɩ 'nyie 'ɔmä 'üün 'nɩwlipa.
'Ü jrea' 'mɩ ‑mää 'saarɩ ‑a, üma ‑wa 'ünya ‑mɩ ‑gbalaa 'sɩrɩ 'n bäa' 'lɩklacɛcɩlɛ 'üü 'daraa' Farisinyüü, 'üa ‑tɔrʋpɩɔa nyɔɔ 'n bä.
Sadusinyüü nɩnɩa jäjänyüü 'nyɩ sɔ 'kuaabre ‑a, ‑bɛ 'aanjë nyra ‑susu 'nyɩ 'plä 'wʋ ‑a bä. ‑Maa ‑mää 'sɩ 'inyɩ bä Farisinyüüa ‑nyɛɛ.
'Nɔnɔɔ Farisinyɔɔ! Kpëtä ‑kätɩ ‑na ‑köwö nyra 'plaaa 'mlɩ, ‑bɛ 'ia ‑gälɩ 'mä 'na.
'Iibäa' Jaan nɩ: «'Mɔɔ bä wiili nyɔsʋaamlɩpalanyɔɔ Esaii 'paa': Nyɔɔa wewewii ja ‑aaga 'lɩ: 'Ba ‑gägä 'Pläkänyɔɔa 'nyʋfɔ 'klɩ .»
'Ünya 'patä 'ünya 'bete Jaan: «‑Bɛ ‑nyɩa' 'Kriisë bä, ‑nyɩa' Elii bä, ‑nyɩa' 'sɔɔwʋ nyɔsʋaamlɩpalanyɔɔ bä nɩ, ‑bɛ 'iɛ ‑paaa nyüü 'nɩ 'wli le?»
