Jaan 1:17 - Kuö Dëdrä Jenɛɛsë Rutë

¹⁷ 'Iibä, ‑Dɔ jara Moisë kälɩ; Nyɔsʋaa ‑gbinanakʋ nyra 'cɩcasa nya jara Jesu 'Kriisë kälɩ.

Jaan 1:17 Referans Kwoze

Rɔmënyüü 6:14

'be ‑balʋ ‑ka ‑nëmä 'amɩ 'klü ‑gälɩ ‑a kälä. ‑Dɔ ‑kanyɩ 'kama 'amɩ ‑a, ‑maa Nyɔsʋaa ‑gbinanakʋ 'uu 'kama 'amɩ.

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

Jaan 1:14

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.

Ebröönyüü 9:22

‑Dɔ nɩnɩa, ‑toru kpëtä bɩa dii 'kɔkɔmlɛ, ‑bɛ ‑toru 'nyɩa' 'kä ‑gblɔɔ nɩ, ‑balʋ ‑nëmä nyɔɔ ‑a cere.

Jaan 8:32

'kä 'anya 'cɩcasa jre, 'kä 'cɩcasa nya 'amɩ ‑geeidɛɛ ‑gälɩ 'ba.»

Jaan 7:19

Moisë 'nyɩ 'amɩ ‑dɔa ‑pɔɔkʋ ‑a ‑nyɩ? ‑Bɛ 'asɩɛ 'ana nyɔɔ 'doo 'nyɩ ‑träärälɩ 'uun ‑a. Dɛplɛɛ kä ‑gʋ 'a 'bata 'na 'bablakʋ le?»

Akëtë 28:23

'Ünya ‑tʋ 'lɩ jrüülü kä 'mlɩ 'üü ‑bɛ 'Pɔɔlë 'mäa' trara. 'Ia ‑srɩ jräa' 'lɩ nɩ, nyüü 'kɔkɔmlɛ ji nyukulu kä ‑wälɩ 'Pɔɔlë kʋa'. Sɔ ‑suwla ‑a ‑tɔɔ ‑gbiajrʋ 'lɩ, 'ɔ 'saralɩ 'üün wii 'kɔkɔmlɛ käläa' Nyɔsʋaa 'kamaplä ‑gba. 'Bala Moisëa ‑Dɔ ‑gälɩ, a mi nyɔsʋaamlɩpalanyüüa ‑pɔɔkɩa 'mlɩ, 'ɔnya ‑gbala 'üün 'tasɩrɩwiili bäa' 'ia 'mlɩ, i 'paaa' Jesua ‑gä, 'ümä 'iin plɛtoro.

Jenɛɛsë 22:18

‑Trääräa' 'lɩ 'na wii nɩ, 'ia ‑gʋ ‑na 'jüa 'jü 'nëmä kälɩ ‑srörö ‑bɛ 'mä ‑tʋtʋ ‑gälɩa ‑glügbüa 'fɩɔ 'nɩ 'paa.»

Galaatënyüü 3:17

Wiili 'n 'bataa' 'mäa' 'amɩ ‑gbala nɩ, 'iibä: Nyɔsʋaa kuö 'a kä 'Kriisë 'lɩ 'pala, 'i ‑si ‑sɩa ‑duu ‑sɩ ‑glʋ ‑sɩ ‑pʋ (430) 'fɩɔwʋ ‑dɔ nya nëmä ji. ‑Mää 'uun ‑nëmä 'lɩ Nyɔsʋaa kuö 'ba ‑a ji wiili 'ɔ 'paa' nɩ, 'imä ‑gbagblɛwii bä.

Akëtë 7:38

'Ɔɔlɔ nɩ, 'taɩn 'lɩ ‑glügböa 'fɩɔ bä käa' ‑aaga 'lɩ nɩ, 'ɔɔ bä kä 'lɩ, 'ɔ bä kä 'aanjëlɔ 'pala käa' Sinaiia 'dʋgba 'wli wii. Nyɔsʋa ‑nyɩ 'ɔɔn 'papawiili ‑nyɛɛa' 'klä 'ɔmä amɩ 'iin ‑nyɩ.

Jaan 5:45

'Anyɩ bobo ‑maa 'mɔɔ nëmä ‑srɩ 'lɩ 'ana ‑gbaa' ‑gä 'sa Tʋa 'klɩ. Nyɔɔlɔ 'mäa' 'lɩ 'iin 'sa, 'ɔɔ bä Moisë, ɔ 'a 'piea' plɛ ‑gälɩ.

Jenɛɛsë 3:15

'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»

2 Korɛɛntënyüü 1:20

'Be 'ɔɔ 'lɩ Nyɔsʋa 'daa «‑yɛɛ» 'kä wiili kä 'fɩɔ 'ɔ 'daaa' 'ɔmä käa' nʋ. 'Ii känyrɩ, 'a 'ɔa 'nyrɩklɩ a nö «'Asɩ i bä» 'taɩn 'lɩ a 'bʋalaa' Nyɔsʋa.

Jaan 9:29

Wiili a jrea' Moisë Nyɔsʋa 'pala wii ‑gba, ‑maa ‑mɔlɔ kʋa' ‑pɩ, anyɩ 'ɔa sɔfa ‑a jre.»

Jaan 18:37

Pilatë nya 'bete 'ɔɔn: «‑Yaa! 'Kɩɩ ‑bä 'kasa?» 'Iibäa' Jesu nɩ: «'Ii ‑saalɩ, 'kɩɩ 'n bä. 'N ‑glooro 'nyaa ji 'pläa 'mlɩ 'mä 'cɩcasaa ‑gä 'pa. Nyɔɔ o nyɔɔ ‑waa' 'cɩcasa nɩ, 'ɔ po 'na 'papawii 'nyakli.»