Jaan 1:12 - Kuö Dëdrä Jenɛɛsë Rutë

¹² ‑Mülü kä 'fɩɔ 'nyierea' 'iin 'klɩ, ü toroa' 'iin plɛ nɩ, 'i nrörö 'üün Nyɔsʋaa 'tasɩrɩa 'jü 'lɩ.

Jaan 1:12 Referans Kwoze

Galaatënyüü 3:26

'Ana 'fɩɔ 'a Nyɔsʋaa 'jü bä Jesu 'Kriisëa plɛtorokʋa ‑gʋ.

Rɔmënyüü 8:14

Nyüülü kä 'fɩɔ Nyɔsʋaa ‑Susu 'tierea' 'üü bä Nyɔsʋaa 'jü.

1 Jaan 3:1

'Ba 'jä 'sɩrɩ Tʋ ‑waa' amɩ: 'ɔ 'dara 'nɩmɩ amɩ 'ɔa 'jü, ‑bɛ 'üü a bä 'kasa! 'A 'ia ‑gʋ 'plä 'nyɩ amɩ jre, 'be 'änyɩ 'ɔɔn jre ‑a jre.

Galaatënyüü 4:6

'Be 'anya 'a 'ɔa 'jü bä, 'ia ‑gʋ Nyɔsʋa ja 'ana plɛ ‑gälɩ 'ɔa 'Jʋa ‑Susu. 'A ‑susulu bä 'amɩ 'lɩ 'ia ‑gʋ 'a nö: «Aba, 'na Tʋ».

Jaan 3:18

‑Mɔlɔ toroa' 'ɔɔn plɛ, 'ɔa ‑gä 'nyɩ ‑trääräkʋ ‑a kä 'plɔʋ; ‑maa ‑mɔlɔ 'nyɩ toroa' 'ɔɔn plɛ, 'ɔa ‑gä 'a kä 'bölö, 'be 'ɔnyɩ Nyɔsʋaa 'Jʋ 'doo 'doo plɛ ‑a toro.

Kolɔɔsënyüü 2:6

'Be 'anya 'a 'kpɩkpɩakʋlʋ 'paaa' 'Pläkänyɔɔ Jesu 'Kriisëa ‑gä 'klɩnyiere nɩ, 'ba 'nyɛ 'sɩrɩ 'a nyra 'ɔɔn bäa' 'doo.

Matiö 10:40

«Nyɔɔ ma 'kʋɛɛlɩ 'amɩ nɩ, 'mɔɔ 'ɔ 'kʋɛɛlɩ; ‑bɛ nyɔɔ ma 'kʋɛɛlɩ 'mɩ nɩ, nyɔɔlɔ blɔa' 'mɩ, 'ɔɔ 'ɔ 'kʋɛɛlɩ.

Jaan 20:31

‑Mɩlɩ kʋa' ‑pɩ nɩ, 'i ‑jɩjra 'kä 'amä 'saa jre Jesu bä 'Kriisë. 'Ɔ bä Nyɔsʋaa 'Jʋ, 'ama toro 'ɔɔn plɛ, 'amä 'klä 'jä 'ɔa 'nyrɩklɩ.

2 Piɛɛrë 1:4

'Wliklɩbʋabʋakʋlʋ nyra 'klülüa 'mlɩ nɩ, Nyɔsʋa ‑nyɩ amɩ 'cɩcadii nyra 'perubʋadiili 'ɔ 'daa käa' 'ɔmäa' ‑nyɩ. 'Iili nɩ, 'ɔ 'bata 'a nyra Nyɔsʋa bä dɛɛ 'dee, 'amɔlɔ fɔlɔa' ‑fɛfɛdii 'klɩ 'plälä kʋa' ‑pɩa 'mlɩ dɛɛnyükäkäkʋa ‑gʋ.

Matiö 12:21

'Kä 'pläa 'mlɩa ‑glügbü nya 'ɔɔn plɛgälɩpie .

1 Jaan 3:23

‑Jää 'ɔa ‑dɔlʋ 'ɔ ‑nyɩa' amɩ: a toro 'ɔa 'Jʋ Jesu 'Kriisëa 'nyrɩ plɛ, 'kä a ‑wawla 'sɩrɩ 'ɔa ‑dɔlʋ 'ɔ ‑nyɩa' 'amɩ ‑gbaa'.

Akëtë 3:16

'A Jesua 'nyrɩa 'klü nyra ana nyɔsʋaplɛtorokʋ ‑nyɩ nyɔɔlɔ kʋa' ‑pɩ, ɔ 'a 'jääa' 'wʋ ‑bɛ 'a jrea' 'klü. 'A Jesua plɛtorokʋ 'pʋɔ 'ɔmɩ 'ana 'fɩɔa 'klɩ.

Jaan 11:52

'Inyɩ juifëa 'pläa 'dooa ‑gʋ ‑a bä, ‑maa Nyɔsʋaa 'jülü ‑gbagbaa' 'kä nɩ, 'ɔmä 'üa 'fɩɔ ‑gbapapla 'ümä 'doo bä.

Jaan 1:7

'Ɔɔlɔ nɩ, wii 'ɔ ji 'lɩsa; 'ɔ ji ‑srɩa ‑gä 'pa, nyüüa 'fɩɔ 'mä 'ɔa 'papawii kälɩ ‑srörö 'ümä ‑srɩ plɛtoro.

Matiö 18:5

‑Bɛ nyɔɔ o nyɔɔ 'kʋɛɛa' 'lɩ 'jʋ o 'jʋ ‑beerea' ‑taa 'jʋlɔ 'na 'nyrɩklɩ nɩ, 'mɔɔ 'ɔ 'kʋɛɛlɩ.

Jaan 2:23

Jesu ‑ka bä kä Jerusalɛɛmë 'Paakë 'lɩ, ‑bɛ nyüü 'kɔkɔmlɛ toro 'ɔɔn plɛ ‑saragbia tielë ɔ nöa' 'ia ‑gʋ.

Jaan 1:11

'Inya ji 'ia 'mʋgbɛa ‑glügbö 'klɩ, ‑maa 'ia ‑glügbönyüü 'nyɩ 'iin 'lɩ ‑a 'kʋɛɛ.

Rɔmënyüü 8:16

Nyɔsʋaa ‑Susua 'mʋgbɛ 'nyiere ana ‑susu 'sɩrɩ a bäa' Nyɔsʋaa 'jü.

Rɔmënyüü 8:19

'be 'pläa 'fɩɔ 'sosowʋ 'ümä 'taɩnlɩ kä 'mlɩ Nyɔsʋa 'mäa' 'plä 'ɔa 'jü 'klɩsrara.

1 Jaan 3:2

'Na ‑wawanyüü 'amɩ, Nyɔsʋaa 'jü a bä ‑mlatɩ, ‑bɛ 'sɩrɩ amäa' ‑srɩɩ bä nɩ, Nyɔsʋa ‑kaaŋlʋ amɩ 'iin srara. ‑Maa wiili a jrea' nɩ, 'taɩn 'lɩ 'ɔmäa' ‑srɩɩ 'ɔa nyufa srara nɩ anya 'ɔa 'sa bäa, 'be 'sɩrɩ 'ɔ bäa', 'asɩ amä 'ɔɔn 'jä.

1 Jaan 3:10

‑Jää 'sɩ 'ü jrea' Nyɔsʋaa 'jü nyra Sataan a 'jü: nyɔɔ o nyɔɔ 'nyɩa' 'klɩgä, 'aiɛ ɔnyɩa' 'ɔa ‑wlajʋ ‑wa nɩ, 'ɔnyɩ Nyɔsʋaa 'jʋ ‑a bä.