Jaan 1:10 - Kuö Dëdrä Jenɛɛsë Rutë

¹⁰ 'I bä kä 'pläa 'mlɩ, 'ii 'plä ‑srörö kälɩ 'änya nrörö, ‑maa 'plä 'nyɩ 'imɩ ‑a jre.

Jaan 1:10 Referans Kwoze

Jaan 17:25

'Na Tʋ, ‑mɔ ‑gäa' 'klɩ nɩ, 'plä 'nyɩ ‑mɩ ‑a jre, ‑maa 'mɔɔ 'n jre ‑mɩ, nyüülü kʋa' ‑pɩ nya jre 'iin 'sɩrɩ ‑mɔ blɔa' 'mɩ.

1 Jaan 3:1

'Ba 'jä 'sɩrɩ Tʋ ‑waa' amɩ: 'ɔ 'dara 'nɩmɩ amɩ 'ɔa 'jü, ‑bɛ 'üü a bä 'kasa! 'A 'ia ‑gʋ 'plä 'nyɩ amɩ jre, 'be 'änyɩ 'ɔɔn jre ‑a jre.

1 Korɛɛntënyüü 2:8

'Kamanyɔɔ 'doo 'nyɩ ‑taa ‑tʋtʋlʋa ‑gälɩ ‑a bä ɔ jrea' ‑taa 'lɩgaglakʋlʋ. 'Üma jre ɩ 'imɩ nɩ, 'ü ‑nëmä 'Pläkänyɔɔlɔ 'sia' 'wliklɩbʋabʋakʋ 'klɩ krʋa ‑gälɩ ‑a kolo.

1 Korɛɛntënyüü 1:21

'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.

Matiö 11:27

«'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ bɩa 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.

Ebröönyüü 11:3

'Abɩa ana nyɔsʋaplɛtorokʋa ‑gʋ a jresaa mlɩa wii Nyɔsʋa nʋ 'ɔnya nʋ 'plä. Anya jre bɩa 'saa ‑mää diili ana 'nyü 'jääa' 'wʋ nɩ, ‑mää 'iin Nyɔsʋa 'nyɩ nʋ ‑bɛ 'ɔnyɩ 'ään nʋ.

Jaan 1:18

Nyɔɔ ‑kaapɩɔ Nyɔsʋa 'jä. 'Jʋ 'doo 'doolɔ sɔa' Tʋa ‑nyɛɛ, 'ɔɔ 'lɩ a 'järä 'ɔɔn.

Jaan 1:5

‑Srɩlɩ pala 'jöjrüükpü 'lɩ, 'jöjrüükpü 'nyɩ 'lɩ ‑srɩ ‑a 'kʋɛɛ.

Akëtë 14:17

‑Maa 'ɔnyɩ 'ɔa ‑gbinanakʋa srarakʋa ‑gʋ ‑a fio: 'ɔ nʋ 'mʋfagbi, 'ɔ ‑nyɛɛ 'amɩ 'nʋŋlʋ, 'ana papladii 'wʋälɩmlɩ, 'i tʋä 'mʋfasa 'ia 'taɩn 'lɩ, 'kä 'ɔ 'sie jijri nyra dɔrʋ 'ana polu ‑gälɩ.»

Jaan 5:17

Jesu nya ‑gbala 'üün: «'Na Tʋ ‑ka ‑fɛɛɛ ‑pɩɔ 'jrʋpa, 'na 'mʋgbɛ 'ää 'n ‑fɛɛɛ.»

Jenɛɛsë 16:13

Agaa nya 'dara Yawelɔ 'pala ɩa' 'ɔɔn wii ‑gba: «Mɔ bä Ɛlë Roii»; 'be 'ɔa plɛklɩ 'ɔ ‑nëma: «Nyɔɔlɔ 'järäa' 'mɩ ‑tɛklɩ nɩ, 'n 'jä 'kasa 'ɔmɩ?»

Jenɛɛsë 18:33

Yawe bɩaa' Abraamë wiigbapalakʋ nɩ, 'ɔnya mi. Abraamë nya 'blöö 'ɔa ‑gbööli dɛrɩ.

Jenɛɛsë 17:1

Abramë kä käa' ‑sɩa ‑glʋɩmlɔɔ ‑sɩ ‑pʋ ‑sɩ ‑uunmlɔɔ nɩ, Yawe 'tɔrɔ kä 'ɔɔn 'nyü ‑gälɩ 'ɔnya ‑gbala 'ɔɔn: «'Mɔɔ bä Ɛlë Sadaii. 'Nyɛrɛ 'na 'papawiia 'mlɩ, ‑nyɔɔ 'nyɩ 'kplara ‑mɩ wii 'plɔʋ!

Jaan 1:3

'Ii diia 'fɩɔ ‑srörö kälɩ 'inya nrörö, ima 'nyɩ 'lɩ ‑a bä, dɩjɔ 'doo ‑nëmä nrörö ‑a nrörö.

Jaan 1:11

'Inya ji 'ia 'mʋgbɛa ‑glügbö 'klɩ, ‑maa 'ia ‑glügbönyüü 'nyɩ 'iin 'lɩ ‑a 'kʋɛɛ.

1 Korɛɛntënyüü 8:6

amɔlɔ nɩ, Nyɔsʋa 'doo a jre. 'Ɔɔ bä Tʋlɔ nʋa' diia 'fɩɔ, 'a 'ɔa ‑gʋ a bä 'plä 'wʋ; 'Pläkänyɔɔ bä 'doo, 'ɔɔ bä Jesu 'Kriisë. 'Ɔɔ 'lɩ diia 'fɩɔ jara, ‑bɛ amɔlɔ nɩ, 'ɔa ‑gʋ a bälɩ.

Kolɔɔsënyüü 1:16

'Be 'ɔɔ Nyɔsʋa ‑srörö kälɩ 'ɔnya nʋ diili kä 'fɩɔ bäa' cɛa 'mlɩ nyra ‑tʋtʋ ‑gälɩ: diili a 'jäa' 'wʋ nyra ‑mɩlɩ anyɩ 'jäa' 'wʋ; 'Kɩɩɩ nyra 'üa 'kamakʋ, 'cifu nyra 'klüɩɩ. 'Ɔɔ kälɩ 'ia 'fɩɔ ‑srörö 'inya nrörö 'ɔa ‑gʋ.