Jaan 1:1 - Kuö Dëdrä Jenɛɛsë Rutë

¹ Nyɔsʋaa 'Papawii bä kä ‑plɩɩ 'fɩɔwʋ 'plä nya 'mä 'kä kolo. Nyɔsʋaa 'Papawii nyra Nyɔsʋa kʋ kä ‑wälɩ; Nyɔsʋaa 'Papawii bä kä Nyɔsʋalɔ.

Jaan 1:1 Referans Kwoze

Jenɛɛsë 1:1

Diia 'fɩɔa cɛtrɛfawʋ nɩ, cɛɩɩ nyra ‑tʋtʋ ‑kätɩ Nyɔsʋa nʋ.

Jaan 17:5

'Na Tʋ, 'bʋala 'mɩ ‑na ‑gba 'sɩrɩ 'n 'bʋa käa' 'wliklɩ 'fɩɔwʋ ‑bɛ 'plä 'mäa' nrörö.

'Nyügälɩjawii 19:13

'Kotulu 'ɔ paa' 'lɩ papla ‑toru. 'Ɔa 'nyrɩ bä Nyɔsʋaa Wii.

Kolɔɔsënyüü 1:17

'Ɔɔlɔ nɩ, 'ɔ bä ‑plɩɩ 'fɩɔwʋ diia 'fɩɔ nya 'mä nrörö, 'ɔɔ 'klaa 'ia 'fɩɔlʋ kälɩ.

Jaan 1:14

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.

'Nyügälɩjawii 22:13

«'Mɔɔ bä Alëfaa nyra Omegaa, ‑kätɩa nɔ nyra 'täpaa nɔ, 'käkolofa nyra bɩarafa.»

Jaan 1:2

'A 'ii ‑bɛ Nyɔsʋa kʋ kä ‑wälɩ 'pläa 'käkolofa 'wʋ.

'Nyügälɩjawii 1:8

'Pläkänyɔɔ Nyɔsʋa nɩnɩa: «'Mɔɔ bä Alëfaa nyra Omega, nyɔɔlɔ bäa' 'lɩ, ɔ bä käa' 'lɩ ‑bɛ ɔ jöa', 'Nɩmrɛɛ Nyɔsʋa.»

Filipënyüü 2:6

'Ɔɔlɔ Nyɔsʋaa bäbäkʋa 'fɩɔ bäa' 'lɩ, 'ɔnyɩ 'nɩmɩ ‑a 'daa 'ɔɔ ‑bɛ Nyɔsʋa 'mɩmrɛlɩ 'plɔʋ.

Matiö 1:23

Ponyakli! 'Ŋlëkayria ‑kaaŋlʋa' nyɩbɛrʋ jre nya nʋgbla 'lɩ bäa 'kä 'ɔnya nyɩbɛjʋ ‑gu, 'kä 'ünya 'ɔɔn Emanuɛɛlë 'dara . 'Ia ‑gbaa bä: «Nyɔsʋa bä ana ‑tɔrʋpɩɔ».

'Nyügälɩjawii 21:6

'Ɔnya ‑gbala 'mɩ: «'I 'a nrörö! 'Mɔɔ bä Alëfaa nyra Omegaa, 'käkolofa nyra bɩarafa. Nyɔɔlɔ 'mamlatʋ 'blaaa', 'mɔɔlɔ nɩ, 'nyaa 'nɩlɩ ‑nyɛɛa' 'klä, 'ia sɔrɔfawʋ 'nɩ 'baa, 'kä 'nyaa 'ɔmɩ ‑nyɩ 'flɛɛlɩ.

Ebröönyüü 13:8

'A braasrɩɩa Jesu 'Kriisë 'doolɔ 'ɔɔ bäsaa, 'ɔɔ bä 'saarɩa Jesu 'ɔnya bä 'plɔʋplɔʋa Jesu.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Jaan 16:28

Tʋa ‑nyɛɛ 'n sɔ, 'nyaa ji 'pläa 'mlɩ; 'köklesaplɩɩ ɔ nɩ, 'pläa 'mlɩ 'n sɔ ‑bɛ 'n mö Tʋa ‑nyɛɛ.»

'Nyügälɩjawii 1:17

'N 'jäa' 'ɔɔn nɩ, 'n blö ‑beere 'sɩrɩ 'n jäa'. 'Ɔnya 'pie 'ɔa 'dupa 'darʋ 'na ‑gälɩ 'ɔ ‑nëma: «Ŋalɛ 'nyɩ 'bla ‑mɩ! 'Mɔɔ bä diia 'käkolofa nyra 'ia bɩarafa,

Jaan 20:28

Tomaa ‑nëma: «'Na 'Pläkänyɔɔ ‑bɛ 'na Nyɔsʋa!»

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

Ebröönyüü 7:3

'Ɔnyɩ tʋ nyra 'yio ‑a kä, nyɔɔ 'nyɩ 'ɔa tʋɩɩa tie ‑a jre. 'Ɔnyɩ 'käkolofa ‑a kä, 'ɔnyɩ blöröfa ‑a kä. 'Ɔ ‑beere 'sɩrɩ Nyɔsʋaa 'Jʋ bäa' 'sa, 'be 'ɔ bä ‑gbɔsapɛrɩnyɔɔ 'plɔʋplɔʋ.

'Nyügälɩjawii 3:14

«‑Jɩjra 'aanjëlɔ bäa' Laodisiia 'cɛcɩa 'wliklɩ 'wʋ, ‑gbala 'ɔɔn ‑maa: «Nyɔɔlɔ känyrɩ bäa' 'Asɩ i bä, nyɔɔlɔ ‑gäa' 'klɩ ‑bɛ ɔ 'saalɩ 'cɩcasa, ɔ bäa' diili kä 'fɩɔ Nyɔsʋa nʋa' a 'wliklɩ, ‑jäsɩ 'ɔ ‑gbaa:

Ɛfɛsënyüü 3:9

'N kä 'mä bɩa wiili ‑sisie käa' sököö nyüüa 'klʋɩ ‑gälɩ ‑fälɩ be, wiili Nyɔsʋalɔ nʋa' diia 'fɩɔ 'mäa' nʋ.

'Nyügälɩjawii 1:2

'Nyaa 'pa nyɔsʋaawii nyra 'cɩcasalä Jesu 'Kriisë sraraa' 'mɩ nyra diili kä 'fɩɔ 'n 'jäa'.

1 Jaan 5:7

'Be 'ü bä tää 'üü 'paa 'ia ‑gä cɛlɩ: Tʋ, Nyɔsʋaa 'Papawii nyra 'Nyüna ‑Susu. 'Üa tää bä 'doo.

Rɔmënyüü 9:5

'A 'üü bä tʋɩɩ kpaküa 'jü. ‑Bɛ 'Kriisëlɔ nɩ, dɛɛlɛ bäa' 'ɔa nyɔɔa 'pɛ nɩ, 'a tʋɩɩlüa napio 'klɩa nyɔɔ 'ɔ bä, 'ɔɔ bä diia 'fɩɔa 'wliklɩ, 'ɔɔ bä Nyɔsʋalɔ 'palaa' 'nɩ 'plɔʋplɔʋa ‑gʋ. 'Asɩ i bä.

Jaan 1:18

Nyɔɔ ‑kaapɩɔ Nyɔsʋa 'jä. 'Jʋ 'doo 'doolɔ sɔa' Tʋa ‑nyɛɛ, 'ɔɔ 'lɩ a 'järä 'ɔɔn.

'Nyügälɩjawii 2:8

«‑Jɩjra 'aanjëlɔ bäa' Simiirënëa 'cɛcɩ 'lɩ 'wʋ, ‑gbala 'ɔɔn ‑maa: «Nyɔɔlɔ bäa' diia 'käkolofa nyra 'ia bɩarafa, ɔ jäa' ‑bɛ ɔ sɔa' 'wʋ, ‑jäsɩ 'ɔ ‑gbaa:

2 Piɛɛrë 1:1

'Mɔɔ Simɔɔ Piɛɛrë, Jesu 'Kriisëa ‑geei nyra 'ɔa apotrë, 'mɔɔ ‑jɩjra ü kä nyɔsʋaplɛ 'bʋaa' ‑beere ana nɛ 'wʋ. Ana Nyɔsʋa nyra 'Lɩmlɩbanyɔɔ Jesu 'Kriisë 'klɩgägäkʋa 'nyrɩklɩa ‑gʋ a 'klaa 'ia nyɔsʋaplɛlɛ.

'Nyügälɩjawii 1:11

‑Jäsɩ 'i 'saa' 'lɩ: «‑Jɩjra wiili ‑jääa' 'wʋ ‑pɔɔkʋa 'mlɩ, 'kä ‑fa 'uun 'cɛcʋ ‑uunsɔɔlʋ bäa' ‑taa bätëlëa 'mlɩ: Ɛfɛsë, Simiirënë, Pɛgamamë, Tiratiirë, Sarëdɛɛsë, Filadɛlëfii, nyra Laodisii.»

Lukë 24:53

Nyɔsʋaanyuku kpaku ‑wälɩ 'ü kʋ, ‑bɛ 'ü 'bʋala Nyɔsʋa ‑srɩ ‑o ‑srɩ. 'Asɩ i bä.

Jaan 8:58

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'mɔɔ bä ‑plɩɩ 'fɩɔwʋ Abraamë nya 'mä ji.»

Kolɔɔsënyüü 1:15

'Ɔɔ bä Nyɔsʋalɔ anyɩ 'jäa' 'wʋa 'pije; 'ɔɔ bä ‑Kätɩjʋ, 'ɔɔ ‑si diili kä 'fɩɔ nröröa' 'wʋ.